Kwasi Sintim Aboagye

Kwasi Sintim Aboagye

human

Ein sex anaa gender	male
Ein country of citizenship	Ghana
Ein date of birth	20 November 1919
Place dem born am	Asamankese
Languages edey speak, rep anaa sign	English
Ein occupation	politician, teacher
Position ehold	Member of the 2nd Parliament of the 1st Republic of Ghana, Member of the 2nd Parliament of the Gold Coast, Member of the 1st Parliament of the 1st Republic of Ghana
Educate for	Presbyterian College of Education, Akropong
Political party ein member	Convention People's Party
Religion anaa worldview	Christianity, Christian

Kwasi Sintim Aboagye be Ghanaian politician. He serve as member of parliament for de Akim Abuakwa South electoral district from 1954 to 1965. For 1965, he come become member of parliament for Adeiso until February 1966 when dem overthrow de Nkrumah government. While he dey parliament, he serve as chairman of de bureau for Ghana languages.

Early life den education

Dem born Aboagye on 20 November 1919 for Asamankese insyd Eastern Region of Ghana (den Gold Coast). He take ein education for Asamankese Presbyterian Primary School from 1927 to 1932. Later he move go Aburi Presbyterian Boarding School wey he complete ein elementary education for 1937. He enter Presbyterian Training College for Akropong where dem train am as teacher, den he obtain ein Teachers' Certificate 'A' for 1941. He stay one more year for de college to study theology. He lef de college for 1942.

Career

After he finish ein studies for college, Aboagye work as teacher for Agogo Presbyterian Primary School insyd Ashanti Region. For 1945, dem transfer am go Akim Oda make he work as Head teacher. He work for Akim Oda until 1947 wey dem transfer am again go Agona Nsaba. For 1948, he lef teaching den start dey trade hand-bags plus travelling bags. He dey inside dis business until 1951 wey he turn contractor wey dey supply boards plus scantlings. He continue inside dis business until 1954 wey he enter parliament.

Politics

Aboagye get elect into de legislative assembly for 1954 to represent de Akim Abuakwa South electoral district. He serve as member of parliament for dat area until 1965. For 1965, he come become member of parliament representing de Adeiso electoral area. He remain as member of parliament until February 1966 when dem overthrow de Nkrumah government.

Ein life matter

Aboagye marry Adwoa Nyamekye insyd 1946 wey he get three kiddies plus am. Insyd 1955 he marry Juliana Asare plus whom he sanso get three kiddies. He divorce Adwoa Nyamekye insyd 1959.