Kwesi Amoako-Atta

Kwesi Amoako-Atta

human

Ein sex anaa gender	male
Ein country of citizenship	Ghana
Name wey dem give am	Kwasi
Religious name	Christian
Title	Kwasi Amoako-Atta
Ein date of birth	18 December 1920
Place dem born am	Kibi
Date wey edie	1983
Ein poppie	Ofori Atta I
Sibling	William Ofori Atta, Adeline Sylvia Eugeina Ama Yeboakua Akufo-Addo, Jones Ofori Atta, Susan Ofori-Atta, Kofi Asante Ofori-Atta
Relative	Edward Akufo-Addo
Languages edey speak, rep anaa sign	English
Ein occupation	politician, banker, minister
Position ehold	Minister for Finance and Economic Planning, Member of the 2nd Parliament of the 1st Republic of Ghana, Member of the 1st Parliament of the 1st Republic of Ghana, Member of the 1st Parliament of the 1st Republic of Ghana
Educate for	Local Government
Political party ein member	Convention People's Party
Parliamentary group	Convention People's Party
Religion anaa worldview	Christian
Ein location	Eastern Region

Kwesi Amoako-Atta (18 December 1920 – 1983) be Ghanaian banker plus politician. For de First Republic time, he serve as de Minister for Finance from 1964 to 1966. He sana serve as member of parliament for Akim Abuakwa West constituency from 1964 to 1965, den for Kade constituency from 1965 to 1966. Before he enter politics, Amoako-Atta be banker. He work plus de Bank of British West Africa den de Bank of de Gold Coast (wey now be Ghana Commercial Bank) before dem appoint am as deputy Governor of de Bank of Ghana. He dey serve as deputy Governor from 1960 until 1964 wey he resign enter politics.

Early life den education

Dem born Amoako-Atta on 18 December 1920 insyd Kibi insyd de Eastern Region of Ghana (then Gold Coast). He study at de Local Government School insyd Kibi from 1926 to 1936 where he dey obtain ein Standard Seven Certificate.

Career

At de age of 16, dem employ am for Bank of British West Africa as clerk. As he dey work for de bank, he study banking den get ein Diploma for Banking for 1945. He start study for external degree from de University of London but he no fit complete ein course. As he dey work for de bank, he succeed organise ein colleagues into trade union den from 1945 to 1949 he be Secretary for de Bank Employees Union den General Secretary when split happen for inside de Union. For 1949, dem promote am go managerial status, wey make am one of de first three Africans to reach dat level. As manager, dem assign am go Credit Department of de High Street Branch of de bank make he be manager. For March 1953, he resign from de bank den join Bank of de Gold Coast (now Ghana Commercial Bank). He be foreign exchange den credit manager for de bank until 1957 wey dem appoint am assistant manager for de bank. For 1958, he get one travelling scholarship den attach am to various banking institutions for different times. Dis banking institutions be: The Workers' Bank (Bank Hapoalim) for Tel Aviv, The Central Bank of Israel for Jerusalem, Glyn Mills and Company for London, de Royal Bank of Scotland for Edinburgh, Agricultural Mortgage Corporation wey dey London den de Scottish Investment Institution. From 1958 to 1960, he attach to Messrs J. Henry Schroder Banking Corporation for New York City, den to Bank Leumi Le-Israel for Tel Aviv, Israel. For July 1960, dem appoint am Deputy Governor of de Bank of Ghana den he hold dat post until 30 April 1964 wey he resign go enter politics.

Politics

Amoako-Atta enter parliament for 1964 take replace Michael Reynolds Darku-Sarkwa (wey die dat same year) as Member of Parliament for de Akim Abuakwa West Constituency. He win de parliamentary by-election unopposed under de ticket of de Convention People's Party. Dat same year dem appoint am Minister for Finance, den for 1965 he become de member of parliament for de Kade constituency. He serve for dis position while he still be Minister for Finance until February 1966 wey dem overthrow de Nkrumah government.

For de post Nkrumah regime, he hold various public positions like serving as Financial Consultant to Tata Brewery for 1974, den he serve inside de National Redemption Council (NRC) government as Consultant on matters wey concern socialist countries from 1973 to 1976.

Ein life matter

Amoako-Atta marry Cecilia Ampaw for 1946 but de marriage end for 1966. Dem get six kiddies together. For 1957, he marry ein second wifey, Emelia Lutterodt, but dem no get any kiddies until de marriage spoil for 1965. He marry Mary Magdaline Okine for 1962, dem get three daughters together, den he stay plus am till he die for 1983.