Laadi Ayii Ayamba

Laadi Ayii Ayamba

human

Ein sex anaa gender	female
Ein country of citizenship	Ghana
Name wey dem give am	Lahari
Ein date of birth	25 December 1961
Place dem born am	Pusiga
Languages edey speak, rep anaa sign	English
Ein occupation	head teacher, politician
Position ehold	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 8th Parliament of the 4th Republic of Ghana
Educate for	University of Education, Winneba
Political party ein member	National Democratic Congress
Religion anaa worldview	Islam
Continent	Africa

Laadi Ayii Ayamba be Ghanaian politician den member of de 8th parliament of de 4th Republic of Ghana wey dey represent de Pusiga Constituency for Upper East Region insyd for de ticket of de National Democratic Congress top. She sanso be member of de 6th,7th,8th den 9th parliament. She be woman activist den mostly dey address issues wey dey relate to women for de floor of parliament top. She serve as de chairperson of de Committee for Gender den Children top for de 6th parliament of de 4th Republic of Ghana insyd from 2013 to 2017.

Ein early life den education

Na dem born Laadi Ayi Ayamba for 26 December 1961 top, She be native of Pusiga for de Upper East Region insyd. She go middle school for de Pusiga Continuation Middle School. She further ein education from dat point for de Gbewaa Teacher Training College, wey she graduate as a trained teacher. She later go to de University of Education, Winneba wey she obtain a bachelor's degree for Basic Education insyd.

Ein career

Ayamba start ein professional career as a teacher from 1981 to 1991. She then be head-teacher until 2000, wey dem reappoint am as Officer in charge of Day Nursery Schools by de Ghana Education Service.

Politics

Member of parliament

Ayamba be member of de National Democratic Congress den she take ein seat for parliament insyd as de Member of Parliament give de Pusiga Constituency, Upper East Region after dem elect ova ein opponents Simon Akunye Atingban den Osman Aludiba Ayuba wey dey contest give de same position. She win de election plus total of 15,847 votes out of de 29,592 valid votes, wey dey represent 46.78% of de total valid votes.

ECOWAS

For 2021 insyd, dem swear in Laadi togeda plus Alexander Kwamena Afenyo-Markin, Abdul-Aziz Ayaba Musah, Johnson Kwaku Adu den Emmanuel Kwasi Bedzrah during de Extraordinary Session 2021 of de Parliament of de ECOWAS wey happen insyd Freetown for Sierra Leone insyd.

Chairperson for Committee for Gender den Children top

She serve as de Chairperson of de Parliamentary Committee for Gender den Children top. She represent Ghana for Geneva insyd, Switzerland at de 59th session of UN Convention on the Elimination of all forms of Discrimination against Women (CEDAW) to contribute to Ghana ein efforts to dey ensure de elimination of all forms of discrimination against women. For role insyd, she state dat Ghana dey make attempts to tackle outmoded harmful cultural practices thru promulgation of laws to ban dem practices. She sanso talk for de country ein policy of Livelihood Empowerment Against Poverty (LEAP) wey dem implement den dem need to intensify am for rural areas insyd wey young girls migrate to de cities den to help dem stay for demma communication insyd den acquire de right skills to improve demma societies. She sanso lead de proposal of de gender committee as chairperson to increase sex education for schools insyd to help curb high incidences of teenage pregnancy.

Affirmative Action Bill

She be woman advocate wey support de Affirmative Action Bill den support de bill ein provision to ensure dat 40 percent quota give political participation give women den sanso dat dem for allow women to contest de ''safe seats'' of demma parties to ensure a good representation of women.

2020 elections

She retain ein seat for de 2020 December elections after e win plus majority of 63 votes. She beat ein closest opponent Abdul-Karim Zanni Dubiure of de NPP wey she get 14,929 votes wey dey represent 42.31% against 14,866 wey dey represent 42.13%.

Ein life matter

Ayamba be Muslim.