Lake Volta
| Created by dam | Akosombo Dam  |
|---|---|
| Outflows | Volta River |
| Basin country | Ghana |
| Country | Ghana |
| Located in/on physical feature | Volta River |
| Coordinate location | 7°24′0″N 0°12′0″E |
| Ghana Place Names URL | https://sites.google.com/view/ghanaplacenames-water-bodies/lakes-reservoirs/volta-lake, https://sites.google.com/site/ghanaplacenames/places-in-perspective/lake-volta |
Lake Volta (French: Lac Volta), de largest artificial reservoir insyd de world base for surface area, dey contain behind de Akosombo Dam wich dey generate a substantial amount of Ghana ein electricity. Ebe completely within de country of Ghana wey e get a surface area of 8,502 square kilometres (3,283 sq mi).[1] E dey extend from Akosombo insyd de south to de northern part of de country.[2][3]
History
[edit | edit source]Na dem form de lake by de Akosombo Dam, wich na ebe originally conceive by de geologist Albert Ernest Kitson during de British colonial period insyd 1915, make he exploit de river ein energy for smelting locally-sourced bauxite. De idea regain prominence for de end of de colonial era after World War II wen na Kwame Nkrumah cam turn presido of de Gold Coast colony wey he begin dey strive for modernization of de land. British den local governments form a joint preparatory commission, wich conclude say na dem for relocate over 60,000 people, buh dat de lake go boost opportunities for fishing, thus dey help make e feed de population insyd de region. For de oda hand, na dem predict issues plus water-related illnesses, such as malaria, trypanosomiasis, schistosomiasis, den onchocerciasis.[4]
Geography
[edit | edit source]Lake Volta dey lie along de prime meridian, six degrees north of de Equator. De lake ein northernmost point be close to de town of Yapei, wey ein southernmost extreme dey for de Akosombo Dam, 520 km (320 mi) downstream from Yapei. Akosombo Dam dey hold back both de White Volta River den de Black Volta River, wich na formerly e converge wer de middle of de reservoir now dey lie, make e form de single Volta River. De present Volta River dey flow from de outlets of de dam ein powerhouse den spillways to de Atlantic Ocean insyd southern Ghana.
De main islands within de lake be Dodi, Dwarf, den Kporve.[5] Digya National Park dey lie for part of de lake ein western shore.
Economy
[edit | edit source]De Akosombo Dam dey produce 912 MW of electricity give de country, as well as for export to Togo, Benin, den oda nearby countries make e earn foreign exchange.[1] Lake Volta sanso be important for transportation, wey dey provide a waterway for both ferries den cargo watercraft. Since de huge lake dey lie insyd a tropical area, de water remain warm year-round naturally. Given good management, Lake Volta be de location of a vast population of fish den large fisheries.
De lake sanso dey attract tourism, den tourist cruises visit de island of Dodi.[5]
Photos
[edit | edit source]-
A ferry on Lake Volta -
Photograph of Lake Volta -
Akosombo Port ein signage -
Trees insyd Lake Volta -
Dock of Dodi Island plus Dodi Princess -
_Dock_%E2%88%92_Lake_Volta.jpg)
References
[edit | edit source]- ↑ 1.0 1.1 "Lake Volta | lake, Ghana". Encyclopedia Britannica (in English). Retrieved 2021-02-06.
- ↑ "Lake Volta, Ghana". Visible Earth. NASA. 7 April 2002. Retrieved 7 March 2018.
- ↑ "Largest, Tallest, Biggest, Shortest". McqsPoint. Archived from the original on 9 February 2019. Retrieved 9 February 2018.
- ↑ Miescher, Stephan F. (2021-10-01). "Ghana's Akosombo Dam, Volta Lake Fisheries & Climate Change". Daedalus. 150 (4): 124–142. doi:10.1162/daed_a_01876.
- ↑ 5.0 5.1 "Dodi Island cruises". secureserver.net. Archived from the original on 2010-10-31.
External links
[edit | edit source]
- Lake Volta & Akosombo on Ghanaweb.com
- Volta Lake, International Lake Environment Committee Web site
- Gold exploration in the Volta region — Objective Capital Africa Resources Investment Conference (video)
- Lake Volta — more information on Ghana-Net.com