Lawrence Rosario Abavana

Lawrence Rosario Abavana

human

Ein sex anaa gender	male
Ein country of citizenship	Ghana
Name wey dem give am	Lawrence
Ein date of birth	1920
Place dem born am	Navrongo
Date wey edie	29 May 2004
Languages edey speak, rep anaa sign	English
Ein occupation	politician, teacher, minister
Position ehold	Minister for Food and Agriculture, Member of the 1st Parliament of the Gold Coast, Member of the 2nd Parliament of the 1st Republic of Ghana, Member of the 2nd Parliament of the Gold Coast, Member of the 1st Parliament of the 1st Republic of Ghana
Electoral district	Kassena-Nankana District
Educate for	Achimota School
Political party ein member	Convention People's Party
Religion anaa worldview	Christian, Christianity
Tym dem start	1965
End tym	1966

Lawrence Rosario Abavana (1920 – 29 May 2004) be Ghanaian politician den teacher by profession. He serve under different ministerial positions during de first republic, plus he serve too as member of de council of state for de third republic. He be member of de Convention People's Party (CPP).

Early life den education

Abavana born for 1920 for Navrongo. He take ein early education for de Roman Catholic School for Navrongo. He continue for Achimota College where dem train am as teacher.

Politics

Member of parliament

He get elected as member of de legislative assembly for 1951 wey he represent Kassena-Nankana South under de Convention People's Party (CPP). Dat same year, dem appoint am as ministerial secretary to de minister of communication and works. For 1954, he defeat J. E. Seyire of de Northern People's Party by 5,795 to 3,344 to keep ein seat as member of de legislative assembly.

Ministerial secretary

Insyd 1951, as he win de Kassena-Nankana South seat under de ticket of de CPP, dem appoint am as ministerial secretary to de minister of communication and works. Dat same year, 1951, he come also become ministerial secretary to de minister of agriculture.

Minister of State

Insyd 1956, dem appoint am as minister without portfolio. One year later, dem give am portfolio – agriculture. As Minister for Agriculture, he lead de Ghana delegation go one cocoa conference for September 1957. On 4 November 1957, dem appoint am as regional commissioner for Northern Ghana (dis include de Northern Region, de Upper East Region, den de Upper West Region), den for July 1960, dem appoint am as Minister for Health.

Insyd May 1961, dem appoint am as Minister for Trade; as Minister for Trade, he lead de Ghana delegation go Dahomey for August 1961. For October dat same year, dem appoint am again as Minister of Agriculture for de second time, den for September 1962, he become Minister for Information and Broadcasting. As Information Minister, he lead de Ghana delegation go de Conference of Information Ministers from Commonwealth African Countries for London in July 1963. He serve as Minister for Health for de second time from October 1963 to January 1964. As Minister for Health, he lead de Ghana delegation go de Health, Sanitation, and Nutrition Conference wey dem hold for Alexandria, United Arab Republic (UAR) for January 1964. He lead anoda delegation again for March 1964 go de World Health Assembly for Geneva.

Insyd May 1964, dem appoint am as Minister for Interior, den for February 1965, Minister for Mines and Mineral Resources. On 11 June 1965, dem reappoint am as Minister for Interior. He serve for dis role until de Nkrumah government collapse for 1966.

Member of council of State

Dem appoint am as member of de Council of State for de third republic under President Hilla Limann, which last from 1979 to 1981, until Hilla Limann ein government get overthrown in coup by Jerry John Rawlings on 31 December 1981.

Personal life

Abavana be Roman Catholic, den he serve as president of de Retired Catholic Workers Association from 1992 until ein death.

Death

Abavana die at de age of 84 on 29 May 2004. Dem give am state burial for ein hometown for Navrongo, Upper East Region on 3 July 2004.

Memorials den legacy

Streets, roads, crescents plus junctions dey wey dem name in ein honour, den de most popular among dem dey inside de Accra Metropolitan area, especially for Kotobabi plus Maamobi. Schools inside Accra plus Northern Region too get structures wey dem name after am, den de most notable among dem be de Abavana Cluster of Schools, one basic school wey dey Kotobabi insyd de Accra Metropolitan area.