Letlapa Mphahlele

Letlapa Mphahlele

human

Ein sex anaa gender	male
Ein country of citizenship	South Africa
Family name	Mphahlele
Ein date of birth	8 December 1960
Languages edey speak, rep anaa sign	English
Ein occupation	politician
Position ehold	member of the National Assembly of South Africa
Political party ein member	Pan Africanist Congress of Azania

Letlapa Mphahlele (wey dem born on 8 December 1960) be Member of Parliament for de National Assembly of South Africa, wey e represent de Pan Africanist Congress of Azania (PAC). E come from Manaleng insyd de Limpopo Province.

Exile

Mphahlele comot go exile for Botswana insyd August 1978. As e reach der, e join de Pan Africanist Congress. As refugee for Botswana, de Botswana Government send am go Dukwe Refugee Camp, from there e comot go Tanzania, den Guinea, where dem train am for military.

Wen e return go Botswana on mission for Azanian People's Liberation Army (APLA), dem expel am from de country, so e cross enter Zimbabwe, where dem arrest am as illegal immigrant. After dem release am, PAC appoint am as Chief Representative to Uganda, but Uganda ein President Yoweri Museveni no gree accept am, e prefer ein old colleague. Later PAC appoint am into APLA ein high command, where e help plan some big attacks against white people for South Africa, say e "see all whites as correct target because dem support apartheid policy". E still base for Zimbabwe that time, and e dey carry arms go South Africa from Botswana, but Botswana police arrest am and sentence am to five years for prison. During dis time PAC no reason am, and e for depend on ANC people for food plus help. Na so e start hunger strike, and na PAC president that time, Zephania Mothopeng, wey come visit am.

Return to South Africa

Mphahlele take ein body smuggle enter South Africa from Botswana insyd January 1991, den e go hide small for village areas wey dey around Mmabatho, wey that time dey insyd Bophuthatswana, before e later connect plus underground units wey dey Transvaal Province. E walk go many places wey dey insyd South Africa before e settle finally for Transkei.

By 1993, Mphahlele be national director for operations for APLA. For dis position, e take responsibility say na ein order dem take do attacks for white areas, including de Saint James Church massacre wey kill 11 people. As e apply for amnesty for de Truth and Reconciliation Commission (TRC), e talk say e give order make dem attack white civilians after Transkei Defence Force kill five school children for Umtata. Even though de people wey do de massacre get amnesty, TRC talk say de act plus other APLA/PAC attacks wey target civilians be "serious human rights violation" plus "violation of international humanitarian law". During dis same time, APLA attack Heidelberg Tavern wey also kill 4 people.

After South Africa ein first democratic elections insyd 1994, dem arrest Mphahlele twice insyd Lesotho before dem hand am over give South African Police. Dem carry am go Bloemfontein court on 3 January 1996.

Political career

Dem elect am leader for PAC insyd September 2006, plus dem reelect am without challenger insyd July 2008. As e dey lead, PAC face plenty divisions, PAYCO wey be demma youth wing rebel against am, den insyd de 2009 general election, de party lose two out of demma three seats. Dem sack am from de party insyd May 2013 because of accusations say e misuse money, disgrace de party name, plus e no lead de party go better direction. Dis decision dem confirm am insyd August 2013.

But for Case Number 13/19023 (2013-06-14) insyd South Gauteng High Court insyd Johannesburg, South Africa, wey Judge Kgomo preside over, de court give dis order:

1. "De meeting wey happen for 11 May 2013 wey first respondent (Narius Moloto) call, de court declare am say e no valid plus e no follow de Constitution of de PAC.
2. All resolutions den/or decisions adopt or made at de above mentioned meeting of 11 May 2013 be declared invalid den be set aside
3. De suspension den subsequent or ultimate dismissal of de first applicant (Letlapa Mphahlele) be set aside. De first applicant remain de President of de second applicant(PAC).
4. De body of persons purported to be the NEC of the second applicant constituted pursuant to the meeting of 11 May 2013 be dissolved forthwith as demma election be set aside.
5. De respondents (Narius Moloto den Phillip Dhlamini) be ordered to pay de costs of dis application jointly den severally, de one paying, de oda being absolved.

I submit dat de accusations of financial impropriety den oda accusations levelled against Letlapa Mphahlele be erroneous den have not been tested insyd a court of law, but follow from people who be envious of de rightful President of de PAC, namely Letlapa Mphahlele, until party elections later insyd 2014."

Books

Mphahlele dey write de following books:

• Child of this Soil: My life as a freedom fighter (2002)
• Mantlalela!: The Flood Is Coming (2013), ISBN 0620346574, Ojibwe Wonders Publishing and Arts
• Child Of This Soil: The Life of a Freedom Fighter (2015), ISBN 0795701497, Reach Publishers.

Films

• Beyond Forgiving - Beyond Forgiving - Mphahlele to visit UK in May 2014