Mamadou Maidah

Mamadou Maidah

human

Ein sex anaa gender	male
Ein country of citizenship	Niger
Name wey dem give am	Mamadou
Ein date of birth	1924
Place dem born am	Tessaoua
Date wey edie	4 November 2005
Place wey edie	Niamey
Languages edey speak, rep anaa sign	French
Ein occupation	politician, minister
Position ehold	Minister of Foreign Affairs of Niger
Political party ein member	Nigerien Progressive Party – African Democratic Rally

Mamadou Maidah (1924 – 4 November 2005) be Nigerien politician plus diplomat. E be Foreign Minister of Niger from 1963 go 1965, plus e be leading member of de ruling PPN-RDA party.

Dem born Mamadou insyd Tessaoua insyd 1924, from local Hausa aristocratic family. Ein poppie be Marabout (religious leader) plus former head of de Tessaoua local council under French colonial rule. Maidah become teacher insyd Katibougou Teachers College, Kati, Mali (wey den call French Soudan). E serve insyd French Armed Forces from 1946 go 1947, plus e teach for Niger till 1958. Insyd 1959, dem elect am enter consultative Nigerien National Assembly from Tessaoua under Hamani Diori ein PPN-RDA party. E become Niger ein first Minister of Agriculture from 1959 go 1961. From 1961 go 1963, e serve as Minister of Education; from 1963 go 1970, as Minister of Rural Economy; den Foreign Minister of Niger from July 1970 go 1972. After dat, e serve as Minister of Information until de 1974 Nigerien coup d’état. Even though e no dey strong for government decision-making, Mamadou ein public roles get power sake of ein Hausa society background, for one government wey dey dominated by leaders from de Zarma plus Songhay people of western Niger.

After military takeover, dem arrest Mamadou, charge am—but dem no convict am—for embezzlement of 7 million CFA francs plus fraud of about 18 million more. E remain under house arrest till 1976, when military release plenty former political leaders with condition say dem no go do political activity again.