Mariam Travélé
| Ein sex anaa gender | female  |
|---|---|
| Ein country of citizenship | Mali |
| Name wey dem give am | Mariam |
| Ein date of birth | 1920 |
| Place dem born am | Bamako |
| Date wey edie | 14 April 2014 |
| Place wey edie | Bamako |
| Ein poppie | Moussa Travélé |
| Spouse | Modibo Keïta |
| Languages edey speak, rep anaa sign | French |
| Ein occupation | politician |
| Political party ein member | African Democratic Rally |
Mariam Travélé (1920 – 14 April 2014) be teacher, politician den de first First Lady of Mali insyd de time wey de founding father of Mali, President Modibo Keita, take rule afta independence.[1] Dem know am well for de way she take involve herself for de struggle for independence.
Background
[edit | edit source]Mariam Travélé born for Bamako to Moussa Bleni Travélé, wey be first class principal interpreter plus author of one French–Bambara dictionary, den ein wife Ajibiyé Mintieni. She take ein primary school for Bamako Girls' School from 1931 go 1935. From 1935 go 1939, she train as teaching instructor for Foyer de Métisses for Bamako den get ein teachers grade.[2][3] Travélé marry Modibo Keita, wey be ein fellow teacher for rural school near de river, for September 1939. Travélé plus ein husband Keita work for plenty towns insyd French Sudan like Sikasso, Kabara, Timbuktu den Bamako.[4][5]
As de French colonial rule still dey de country, Travélé plus Keita lead de political struggle against de colonial masters. When dem dismantle de RDA sub-section wey dey Sikasso plus de French colonial administration arrest Modibo Keita, na Travélé take over de section. For 1962, she chair de Social Commission for Women, wey dem create insyd de same year plus de support of de RDA.
Afta de military coup wey happen for November 19, 1968, wey lead to de imprisonment of Modibo Keita, First Lady Mariam Travélé too spend ten years for detention, wey eight and half years insyd dem happen for de Sikasso gendarmerie. Dem release am for 1 January 1978, one year afta ein husband die, as dem poison am for 1977 while he still dey detention for Bamako. Dem no allow am go ein husband ein funeral.
Insyd 1991, as democracy come back, dem elect am as de vice-president of de Sudanese Union – African Democratic Rally (US-RDA) party, wey now people dey call Malian Union for de African Democratic Rally (UM-RDA) since 2010.
Honours
[edit | edit source]- Honorary President of the Malian Red Cross
- Independence Gold Medal
References
[edit | edit source]- ↑ "L'épouse de Modibo Keita, Mariam Travélé s'est éteinte hier soir, à l'âge de 94 ans".
- ↑ Aujourd'hui-Mali (2017-07-29). "maliweb.net - En 57 ans d'indépendance : Le Mali a connu 57 femmes ministres". maliweb.net (in French). Retrieved 2021-03-02.
- ↑ Adam, Ba Konaré (1993). Dictionnaire des femmes célèbres du Mali. Bamako: Jamana. p. 356.
- ↑ Colloque international: Genre, population et développement en Afrique (in French). Uepa/uaps, Ined, Ensea, Iford. 2001.
- ↑ Imperato, Pascal James; Imperato, Gavin H. (2008-04-25). Historical Dictionary of Mali (in English). Scarecrow Press. ISBN 978-0-8108-6402-3.
- CS1 French-language sources (fr)
- CS1 English-language sources (en)
- 1920 births
- 2014 deaths
- Human
- Malian people
- First ladies of Mali
- 20th-century Malian women politicians
- 20th-century Malian politicians
- Malian educators
- Grand Officers of de National Order of Mali
- Sudanese Union – African Democratic Rally politicians
- Malian prisoners den detainees
- People wey komot Bamako
- 21st-century Malian women