Mary Pierce

Mary Pierce

human

Ein sex anaa gender	female
Ein country of citizenship	Canada, France, United States
Country for sport	France
Name in native language	Mary Pierce
Birth name	Mary Caroline Pierce
Name wey dem give am	Mary, Caroline
Family name	Pierce
Ein date of birth	15 January 1975
Place dem born am	Montreal
Languages edey speak, rep anaa sign	English, French
Ein occupation	tennis player
Educate for	American School of Correspondence
Residence	Sarasota
Start of work period	March 1989
Member give sports team	Französische Billie-Jean-King-Cup-Mannschaft
Sport	tennis
Sports discipline competed in	tennis singles, tennis doubles, mixed doubles
Singles record	511–237
Doubles record	197–116
Handedness	right-handedness
Playing hand	right-handedness, two-handed backhand
Participant insyd	2004 Summer Olympics, 1992 Summer Olympics
Award e receive	Officer of the National Order of Merit, International Tennis Hall of Fame
Dema official website	https://marypierce.com/

Mary Caroline Pierce (born 15 January 1975) be a French former professional tennis player. Na dem rank am world No. 3 insyd singles den insyd doubles by de Women's Tennis Association (WTA). Pierce win 18 singles titles on de WTA Tour, wey dey include two majors at de 1995 Australian Open den de 2000 French Open, den five Tier I singles events. Na Pierce be a finalist at a further four singles majors, den twice at de Tour Finals.

Insyd doubles, Pierce win 10 doubles titles on de WTA Tour, wey dey include two major titles at de 2000 French Open insyd women's doubles wey she partner Martina Hingis, den at de 2005 Wimbledon Championships insyd mixed doubles wey she partner Mahesh Bhupathi. Na she sanso be a runner-up insyd women's doubles at de 2000 Australian Open, wey she partner Hingis.

Na dem induct Pierce into de International Tennis Hall of Fame insyd 2019. She be de most recent Frenchwoman wey win de French Open singles title.

Ein life matter

Na dem born Mary Pierce insyd Montreal, Quebec, Canada, to Yannick Adjaj den Jim Pierce. Ein mommie be French wey ein poppie be American, wey qualify Pierce for citizenship insyd all three countries. Na dem raise am insyd de United States wey she represent France insyd international tennis competitions. She dey speak English den French fluently, wey she dey live insyd Mauritius as of May 2019.

Na Pierce be briefly engaged to baseball player Roberto Alomar insyd 1999 den later to Air France pilot David Emmanuel Ades, buh na she break off both engagements.

Career

Early years

Pierce start dey play tennis at de age of ten. Two years after na dem introduce am to tennis, for girlies aged 12 den under na dem rank am No. 2 insyd de country. Insyd April 1989 at a WTA tournament insyd Hilton Head, Pierce cam be de youngest American player (prior to Jennifer Capriati insyd 1990) make she make ein debut on de professional tour, aged 14 years den 2 months. Secof ein physicality den aggressive approach, na dem compare ein ballstriking to dat of Capriati, wey na she quickly gain a reputation for she be one of de hardest hitters on de women dema circuit. Na ein dad develop an interest insyd de sport, wey he cam be ein coach for chaw years. She win ein first WTA Tour singles tournament insyd July 1991 insyd Palermo by she defeat Sandra Cecchini insyd de final.

1994–2003

Insyd July 1993, Pierce successfully file for a restraining order against ein poppie, wey na he be known he be verbally abusive to ein daughter den ein opponents, wey na dem ban am by de WTA from attending ein tournaments. Dey follow dis split from ein poppie, na Pierce be coached by Nick Bollettieri, whose tennis academy na she briefly attend as a teenager insyd 1988. Na ein bro David sanso be Pierce ein regular coach til 2006. Dem sanso fi credit German Aguero, founder of Future Tennis Camps, plus Pierce ein early success as na he take am in for chaw years wey na he coach am free of charge.

Na Pierce reach ein first Grand Slam singles final at de 1994 French Open. She concede just ten games en route to de final, wich include a 6–2, 6–2 defeat of world No. 1, Steffi Graf, insyd de semifinals. Insyd de final, however, na Pierce loose to Arantxa Sánchez Vicario insyd straight sets.

2004–2005

After a few quiet years on de tour, Pierce win ein first title since de 2000 French Open at de Rosmalen Open on grass insyd 2004. At de Olympics insyd Athens, Pierce defeat sixth-seeded Venus Williams insyd de third round before she loose to top-seeded den eventual gold-medallist Justine Henin of Belgium insyd de quarterfinals. At de US Open later insyd de year, Pierce defeat recent Wimbledon champion Maria Sharapova, before she loose to eventual champion Svetlana Kuznetsova insyd de fourth round.

2006

Na Pierce train hard insyd de off-season insyd a bid make she win major titles insyd 2006. Na ein first tournament of de year be de Australian Open. She defeat Nicole Pratt of Australia insyd de first round before she loose to Iveta Benešová of de Czech Republic insyd de second round. Na de loss deny am a third-round match plus Martina Hingis. Pierce reach de final of ein next tournament, de Gaz de France insyd Paris, wer na she loose to compatriot Amélie Mauresmo insyd straight sets. Na Pierce no play again til August secof foot den groin injuries, wey she withdraw from de French Open den Wimbledon.

Knee injury

At de Generali Ladies Linz tournament insyd October 2006, Pierce defeat Ai Sugiyama insyd de first round wey na she dey lead against Vera Zvonareva 6–4, 6–5 insyd de second round wen na she rupture de anterior cruciate ligament insyd ein left knee. Na she hold three match points before de injury. Pierce undergo a successful operation insyd December 2006 wey na she miss all of 2007. Na dem expect make she return to de tour insyd 2008, buh at de end of dat year na dem still sideline am plus no projected return date. However, na she state say na she still no make ready to retire.

Pierce make an appearance at de 2007 French Open as na dem name an avenue at Roland Garros insyd ein honor – Allée Mary Pierce. She sanso help plus de social side to de French Open, wey she take part insyd de post-match ceremony after de women dema final. Na dem name Pierce as a member of de French Olympic team for de 2008 Beijing Olympics. On 21 July 2008, however, Pierce withdraw from de Olympics secof injury.

Equipment

Insyd de early 2000s, Pierce wear Nike apparel wey na she use Yonex racquets on court.

Career statistics

Grand Slam singles performance timeline

Tournament	1990	1991	1992	1993	1994	1995	1996	1997	1998	1999	2000	2001	2002	2003	2004	2005	2006	SR	W–L
Australian Open	A	A	A	QF	4R	W	2R	F	QF	QF	4R	3R	1R	2R	A	1R	2R	1 / 13	36–12
French Open	2R	3R	4R	4R	F	4R	3R	4R	2R	2R	W	A	QF	1R	3R	F	A	1 / 15	44–14
Wimbledon	A	A	A	A	A	2R	QF	4R	1R	4R	2R	A	3R	4R	1R	QF	A	0 / 10	21–10
US Open	Q3	3R	4R	4R	QF	3R	A	4R	4R	QF	4R	A	1R	4R	4R	F	3R	0 / 14	41–14
Win–loss	1–1	4–2	6–2	10–3	13–3	13–3	7–3	15–4	8–4	12–4	14–3	2–1	6–4	7–4	5–3	16–4	3–2	2 / 52	142–50

Grand Slam finals

Singles: 6 (2 titles, 4 runner-ups)

Result	Year	Championship	Surface	Opponent	Score
Loss	1994	French Open	Clay	Arantxa Sánchez Vicario	4–6, 4–6
Win	1995	Australian Open	Hard	Arantxa Sánchez Vicario	6–3, 6–2
Loss	1997	Australian Open	Hard	Martina Hingis	2–6, 2–6
Win	2000	French Open	Clay	Conchita Martínez	6–2, 7–5
Loss	2005	French Open	Clay	Justine Henin	1–6, 1–6
Loss	2005	US Open	Hard	Kim Clijsters	3–6, 1–6

Doubles: 2 (1 title, 1 runner–up)

Result	Year	Championship	Surface	Partner	Opponents	Score
Loss	2000	Australian Open	Hard	Martina Hingis	Lisa Raymond Rennae Stubbs	4–6, 7–5, 4–6
Win	2000	French Open	Clay	Martina Hingis	Virginia Ruano Pascual Paola Suárez	6–2, 6–4

Mixed doubles: 1 (1 title)

Result	Year	Championship	Surface	Partner	Opponents	Score
Win	2005	Wimbledon	Grass	Mahesh Bhupathi	Tatiana Perebiynis Paul Hanley	6–4, 6–2

External links

• Mary Pierce at the Women's Tennis Association
• Mary Pierce at the International Tennis Federation
• Mary Pierce at the Billie Jean King Cup (archived)
• Mary Pierce at IMDb