Jump to content

Mathabiso Lepono

From Wikipedia
Mathabiso Lepono
human
Ein sex anaa genderfemale Edit
Ein country of citizenshipLesotho Edit
Ein date of birth1942 Edit
Place dem born amThibela Edit
Languages edey speak, rep anaa signEnglish Edit
Ein occupationpolitician, civil servant, minister Edit

Mathabiso Angeline Lepono (born 1942) be Mosotho politician. She serve long time as minister of gender, youth den sports under Lesotho ein prime minister Pakalitha Mosisili.

Early life den education

[edit | edit source]

Mathabiso Angeline Lepono born for 1942 insyd Thibella, one village wey dey Maseru District for Lesotho.[1][2][3]

Sake of apartheid law, ein mommie wey be domestic worker no fit stay plus am, so she grow up dey live plus different relatives all over South Africa — from Klerksdorp go Orlando. Some of de foster homes wey she stay for dem no treat am well.[1]

She go school for Blessed Martin de Porres for South Africa. After she finish elementary school for 1957, she return Lesotho plus ein mommie. As she come back Lesotho, she get work as office assistant for one hospital. Ein bosses register am for St. Stephen's High School for Mohale's Hoek, den one of dem plus one of ein teachers take dem own money support ein education. Na dis time she first enter politics, as she join Basutoland African Congress as youth member.[1]

Even though dem offer am scholarship to go study abroad for 1966, she choose make she stay for Lesotho make she marry Ntate Lepono. She try continue ein education for Lesotho but money palava hold am back.[1]

Political career

[edit | edit source]

Lepono enter politics as member of Lesotho Congress for Democracy party, wey she later lead dem women’s league.[4]

She first join cabinet under longtime prime minister Pakalitha Mosisili for 1999, as Minister of Environment, Gender den Youth Affairs. Insyd 2002, she beg make dem move am from de environment portfolio, den she come be Minister of Gender, Youth den Sports.[5][6][7]

As gender minister, she lead de passing of de Legal Capacity of Married Persons Act for 2006, wey comot men dem power over dem wives inside marriage den give married women more rights. She sana oversee de 2003 Sexual Offences Act, wey make marital rape become crime plus other new provisions.

By 2011, Lepono na one of de seven women ministers insyd de cabinet, plus 'Mamphono Khaketla, Mannete Ramali, Maphoka Motoboli, Mphu Keneileo Ramatlapeng, Mpeo Mahase-Moiloa, den Pontso Suzan Matumelo Sekatle.

Early 2012, she lef de party plus Mosisili make dem form Democratic Congress. She later no gree contest for de 2012 Lesotho general election, so she comot from political office dat year.[8][9]

For over ten years, till she retire for 2012, she be elected member of Lesotho ein National Assembly, represent Likhoele constituency for Mafeteng District.[10]

As politician, Lepono dey known for ein strong way of talk plus de emotional way she dey react to political conflict. Even after she comot from office, she still dey involved for Democratic Congress politics.[11]

References

[edit | edit source]
  1. ↑ 1.0 1.1 1.2 1.3 Pheko, Lipholo; Moremoholo, Rose (2019-03-15). "A giant of Lesotho politics". The Post (in English). Retrieved 2021-02-16.
  2. ↑ "Registro #1102402: Lepono, Mathabiso Angeline". United Nations Digital Library System (in Spanish).
  3. ↑ Profiles of Government Ministers (in English). Lesotho, Department of Information. 2002.
  4. ↑ "LCD heavies blast Thabane". Lesotho Times (in American English). 2010-04-14. Retrieved 2021-02-16.
  5. ↑ Lansford, Tom (2012). Political handbook of the world 2012. Los Angeles: Sage. p. 832. ISBN 978-1-4522-3434-2.
  6. ↑ "Committee on the Elimination of Discrimination against Women considers report of Lesotho". Office of the High Commissioner for Human Rights. 2011-10-11. Retrieved 2021-02-16.
  7. ↑ "Lesotho cabinet reshuffled". News24 (in American English). 2002-06-12. Retrieved 2021-02-16.
  8. ↑ "Youths 'insult' minister". Lesotho Times (in American English). 2012-01-04. Retrieved 2021-02-16.
  9. ↑ "Lesotho Ministers". Worldwide Guide to Women in Leadership. Retrieved 2021-02-16.
  10. ↑ Zihlangu, Bongiwe (2011-05-15). "'Only collective response can stop famo violence'". Sunday Express (in American English). Retrieved 2021-02-16.
  11. ↑ Kabi, Pascalinah (2019-08-29). "First Lady dares Nqosa Mahao". Lesotho Times. Retrieved 2021-02-16.
Dem retrieve am from "https://gpe.wikipedia.org/w/index.php?title=Mathabiso_Lepono&oldid=77529"