Jump to content

Mbuyiseni Ndlozi

From Wikipedia
Mbuyiseni Ndlozi
human
Ein sex anaa gendermale Edit
Ein date of birth9 May 1985 Edit
Place dem born amEvaton Edit
Ein occupationpolitician Edit
Position eholdmember of the National Assembly of South Africa, member of the National Assembly of South Africa Edit
Educate forUniversity of the Witwatersrand Edit
Political party ein memberEconomic Freedom Fighters Edit
Described at URLhttps://www.parliament.gov.za/person-details/1658, https://www.pa.org.za/person/mbuyiseni-quintin-ndlozi/ Edit

Mbuyiseni Quintin Ndlozi MP (wey dem born 9 May 1985) be South African politician, radio host[1] den political activist. He be Member for insyd de National Assembly, represent de Economic Freedom Fighters, from 2014 till ein resignation insyd January 2025.[2] He sana serve as de first official spokesperson for de party till ein resignation insyd 2020. Dem replace am as party spokesperson plus ein party member, youth activist Vuyani Pambo.[3] Insyd February 2025, Ndlozi officially resign from de EFF as member den from party politics.[4][5][6]

Early life

[edit | edit source]

Ndlozi grow for Gauteng insyd de Vaal area wey dem dey call Evaton. Political awareness enter ein life for 1992 times, as apartheid police force jail ein uncle sake of say ein dey involved for underground activities of de liberation movement.[7]

Ein own involvement for mainstream politics start as he begin join youth movements while he be student for University of de Witwatersrand. He join South African Students Congress (SASCO), African National Congress Youth League (ANCYL), den de Young Communist League (YCL).[8] Ndlozi serve inside de Palestinian plus Cuban international solidarity movements. For 2013, he take part inside de “No Obama Campaign” wey some youth political congresses for de country start.

Insyd 2017, he plete ein PhD for political studies insyd University of the Witwatersrand.[9][10]

Political career

[edit | edit source]

As he join de Fifth Parliament as new MP, he talk say: "I dey look forward to make sure say strict accountability go come back to de executive, make Parliament return to de people – make de people dey follow wetin dey go on for Parliament, den make we MPs represent de citizens plus demma interests well. I dey hope say for de next five years, I go show say de ruling party no get any ideological framework to carry South Africa go beyond de political freedoms wey dem win, den instead, under pressure from de opposition, dem go start to spoil these freedoms. Wey pass all, I wan show say agenda wey base only on de seven cardinal pillars of de EFF fit carry South Africa go economic freedom plus sustainable development."

Ndlozi, Julius Malema plus now MK Party member Floyd Shivambu, together plus de rest of de Economic Freedom Fighters dem wey dey Parliament, dem throw dem commot for Parliament sake of disrespect wey dem show President Jacob Zuma during ein State of de Nation Address for 2015 den 2016. After dat, for some other sittings of de House, dem still remove dem from de National Assembly by de Parliamentary Protection Services. De reason why dem remove de EFF from de National Assembly relate to de finding of de South African Constitutional Court wey talk say President Jacob Zuma no respect den uphold de Constitution of de Republic of South Africa. For de sitting of de National Assembly wey dem eject de EFF from, de whole base of de disruption wey de EFF do be say dem believe say President Jacob Zuma no fit address de National Assembly, as de judgement from de Constitutional Court of South Africa show say he violate de oath of office wey dey give am ein authority plus standing inside de National Assembly.

After de South African team ein victory for de 2019 Rugby World Cup, he talk say na only de black players deserve praise for de win, den say make de white players go look for praise from de United Kingdom.[11]

Controversy

[edit | edit source]

Ndlozi plus EFF president Julius Malema dey involved for alleged assault of one police officer during Winnie-Madikizela-Mandela ein funeral for 2018. De National Prosecuting Authority talk say dem ready to move forward plus charges of common assault against Ndlozi den Malema.[12]

Ndlozi defend de actions of EFF members during de Clicks Protests, wey one group of EFF men harass den push one female interviewer as she try do interview plus de protestors. De South African National Editors’ Forum (Sanef) criticize de actions of de EFF members as "appalling" den "misogynistic". De Commission for Gender Equality (CGE) talk say dem go investigate one complaint after Ndlozi defend de harassment of de female journalist. Ndlozi describe de incident as "merely touching" de interviewer, but later retract de statement after public outcry over GBV issues plus after dem lodge complaint for CGE.[13] CGE take note of Ndlozi ein apology.

Insyd November 2024, reports come out say Ndlozi no fit attend de EFF ein third elective conference wey dey come de following month; but EFF Secretary-General Marshall Dlamini dismiss de reports. Still, Ndlozi no show up for de conference, wey cause people to speculate about ein future for inside de party. On 9 January 2025, EFF release statement wey reveal say Ndlozi resign as Member of Parliament.[14]

Education

[edit | edit source]

Ndlozi start ein humanities degree for University of Witwatersrand for 2004. He get ein PhD for political science from Wits for 2017.[15][16][17][18]

Awards

[edit | edit source]

Ndlozi get recognition as de Most Influential Young South African for 2017.[19]

References

[edit | edit source]
  1. ↑ Mbele, Thulani. "Radio vets give Ndlozi a warm welcome on his first day into broadcasting". Sowetan Live (in American English). Retrieved 2025-03-07.
  2. ↑ Makinana, Andisiwe. "Mbuyiseni Ndlozi resigns as EFF MP". News24 (in American English). Retrieved 2025-01-09.
  3. ↑ "Dr Mbuyiseni Ndlovu". pa.org.za. Retrieved 2020-02-17.
  4. ↑ Erasmus, Des (2025-02-10). "Mbuyiseni Ndlozi resigns from EFF". The Mail & Guardian (in English). Retrieved 2025-02-10.
  5. ↑ Motabogi, Milton (2025-02-10). "Mbuyiseni Ndlozi Quits Politics Following EFF Exit". POWER 98.7 (in American English). Retrieved 2025-02-10.
  6. ↑ Zulu, Sifiso. "Mbuyiseni Ndlozi resigns as member of EFF". EWN (in English). Retrieved 2025-02-10.
  7. ↑ MacG (2025-02-13). MBUYISENI NDLOZI on EFF, FLOYD SHIVAMBU, JULIUS MALEMA, DONALD TRUMP, GNU, VBS BANK I EPISODE 636. Retrieved 2025-04-09 – via YouTube.
  8. ↑ MacG (2025-02-13). MBUYISENI NDLOZI on EFF, FLOYD SHIVAMBU, JULIUS MALEMA, DONALD TRUMP, GNU, VBS BANK I EPISODE 636. Retrieved 2025-04-09 – via YouTube.
  9. ↑ "Mr Mbuyiseni Quintin Ndlozi".
  10. ↑ "Mbuyiseni Ndlozi receives PHD from Wits - EFF - POLITICS | Politicsweb".
  11. ↑ Zeeman, Kyle (13 November 2019). "'Bokke must fall': 5 quotes from Mbuyiseni Ndlozi's parliament address". Retrieved 7 January 2020.
  12. ↑ Lindeque, Mia. "Malema and Ndlozi due in court over assault charges". ewn.co.za (in English). Retrieved 2020-10-13.
  13. ↑ Mitchley, Alex. "Gender commission to investigate EFF's Ndlozi over tweet about harassment of journalist". News24 (in English). Retrieved 2020-10-13.
  14. ↑ Njilo, Nonkululeko (2025-01-09). "Mbuyiseni Ndlozi resigns as EFF MP: Farewell, People's Bae". Daily Maverick (in English). Retrieved 2025-01-13.
  15. ↑ "Ndlozi to receive his PHD from Wits".
  16. ↑ "Beautiful & Profitable". Destiny Connect. Retrieved 2022-04-14.
  17. ↑ PICS and VIDEO: Ndlozi finally collects his PHD from Wits – The Citizen
  18. ↑ "Even as a youngster‚ Dr Ndlozi wanted to change the world". TimesLIVE (in English). 2017-12-06. Retrieved 2025-10-19.
  19. ↑ Mogashoa, Tshepiso. "Ndlozi wins 'Most Influential Young South African' award". Iol. LINDILE SIFILE. Retrieved 1 November 2018.
Dem retrieve am from "https://gpe.wikipedia.org/w/index.php?title=Mbuyiseni_Ndlozi&oldid=80124"