Michael Paul Ansah

Michael Paul Ansah

human

Ein sex anaa gender	male
Ein country of citizenship	Ghana
Name wey dem give am	Michael
Ein date of birth	31 October 1928
Place dem born am	Anum
Date wey edie	2005
Ein occupation	politician, minister
Position ehold	Member of the 2nd Parliament of the 1st Republic of Ghana, Member of the 1st Parliament of the 3rd Republic of Ghana
Educate for	University of Ghana, Presbyterian College of Education, Akropong
Political party ein member	Convention People's Party
Religion anaa worldview	Christianity

Michael Paul Ansah (31 October 1928 – 13 March 2005) be Ghanaian politician den educationist. He serve as member of parliament for Akwamu constituency from 1965 go 1966 insyd First Republic den member of parliament for Mid-Volta constituency from 1979 go 1981 insyd Third Republic. He be Ghana ein Minister for Health from 1979 go 1981 den Minister for Industry, Science and Technology from August 1981 go December 1981.

Early life den education

Dem born Ansah on 31 October 1928 for Anum, one town insyd Eastern Region. He start ein early education for Mampong-Akwapim Primary School from 1935 go 1940. He continue ein middle school education for Akropong-Akwapim Middle School from 1941 go 1942, den Begoro Middle School from 1942 go 1944. He enter Presbyterian Secondary School (wey now be Presbyterian Boys' Senior High School) for 1945 den complete for 1949. Later, he do post-secondary education for Akropong Teacher Training College (wey now be Presbyterian College of Education, Akropong) wey he take obtain ein Teachers' Certificate 'A'. After he teach for some years, he enter University of Ghana, Legon den graduate plus degree for History for 1959. Later, he study Politics den Anthropology for Institute of African Studies for University of Ghana, wey he graduate for 1965. He be de first president den founder of Students Historical Association for University of Ghana, den he too be founder den first secretary for Akwamu Youth League for 1958 (wey now be Akwamu Students Union).

Career

Ansah start ein teaching work for Presbyterian Secondary School for Odumase Krobo till dem transfer am go Institute of Arts and Culture on 30 June 1962. For 1965 inside, dem appoint am as headmaster for O'Reilly Secondary School.

Politics

Insyd June 1965, Ansah get elect as member of parliament for Akwamu Constituency under Convention People's Party government. He serve for dis position till February 1966 wey Nkrumah ein government fall.

On 24 September 1979, as dem bring in de third republic, he enter parliament again represent Mid-Volta constituency under People's National Party ein ticket, wey he get elect as Majority Leader den Leader of de House. Dat same year, dem appoint am as Cabinet Minister under de Ministry for Health den he stay for dat post till dem move am go Ministry for Industry, Science and Technology for 1981. He serve for dat position till Limann ein government fall under Provisional National Defence Council (PNDC) on 31 December 1981.

Ein life matter den death

Ansah ein hobbies include gardening, playing lawn tennis den listening to music. He marry Dora Ansah (née Arjarquah), wey he get 6 children plus am.

Ansah die on 13 March 2005, as he be 76 years.