Mohammad Tabrani

Mohammad Tabrani

human

Ein sex anaa gender	male
Ein country of citizenship	Indonesia
Name wey dem give am	Mohammad
Family name	Tabrani
Ein date of birth	1904
Place dem born am	Pamekasan
Date wey edie	12 January 1984
Languages edey speak, rep anaa sign	Indonesian
Ein occupation	journalist, politician

Mohammad Tabrani Soerjowitjirto (dem born am 10 October 1904 – he die 12 January 1984) na he be Indonesian journalist den politician. Na he dey cam from de island of Madura wey he get ein journalistic education insyd Europe. For ein early journalistic career, na Tabrani be major proponent of de Indonesian language as national language. Later, he cam turn de editor of de Pemandangan newspaper wey he promote de independence of Indonesia through parliamentary means.

Ein Early life den education

Dem born Tabrani insyd Pamekasan, Madura, for 10 October 1904 wey he start ein education for MULO insyd Surabaya, before he continue go sam AMS wey dey Bandung. He enrol for de civil servant school give native Indonesians (Opleiding School Voor Inlandsche Ambtenaren), wey dey Bandung. For dat period insyd, na he be active insyd youth nationalist organizations like de Jong Java.

Ein Career

Tabrani start dey work as journalist for Agus Salim ein newspaper Hindia Baroe, wey na he be senior journalist insyd 1926. For Hindia Baroe, Tabrani rep sam editorial for 10 January 1926, wey he first propose de term "Bahasa Indonesia" (Indonesian language) wey dey refer e common language wey menners for Indies dey use. Insyd another editorial wey ein title be "Bahasa Indonesia" wey dem publish am sam month later insyd 11 February, na he be openly nationalistic:

The Indonesian nation does not yet exist, then create it! The Indonesian language does not yet exist, then create it!

He later prepare den organize de First "Youth Congress" insyd 1926, wey ebring together chaw Indonesian youth organizations. Tabrani chair de preparatory committee for de congress ein self. For de congress tym insyd for 30 April go 2 May 1926, de attendees agree say dem go use of de Malay language as de national language secof Mohammad Yamin propose am, but Tabrani oppose am, say dem for refer de language as "Indonesian language rather, no be Malay language, despite say edey contain Malay elements".

For de Second Youth Congress of 1928 tym insyd, wey result for de Youth Pledge insyd, na Tabrani be absent, secof na he dey travel den go study for Europe. For sam tym, he sana study journalism insyd Berlin den Cologne, wey he sana study German stenography wey he plete insyd 1929 for The Hague.

Tabrani organize sam political party insyd September 1930, de Partai Rakjat Indonesia (Indonesian People's Party) wey advocate collaboration plus Dutch authorities wey he call for parliamentary pursuits of Indonesian independence, though eno gain chaw traction.

Tabrani participate for de first congress of de Indonesian Journalists' Union (Persatoean Djoernalis Indonesia/Perdi) insyd 1934, as he speak for "Journalism den de movement den de public interest." Dem later elect Tabrani as chairman give dat organization insyd 1938,[5] wey dem sana re-elect insyd 1939.

Following de Japanese invasion den de ensuing occupation, Tabrani for samtym work as editor of de Tjahaja newspaper wey dey Bandung.[12] Dem imprison den torture am as na he dey job, wey dem cripple ein leg. After ein release, he cam turn chief editor give de Japanese-sponsored newspaper Indonesia Merdeka.

For de Indonesian National Revolution tym insyd, na Tabrani dey act as secretary give de war den political prisoners committee.[13] After Indonesia demma independence, he manage de PNI-owned Suluh Indonesia newspaper for sam tym. Insyd 1973, after sam convincing from former Jakarta mayor Sudiro, he publish ein memoir of de First Youth Congress. He die insyd 12 January 1984.

Ein Legacy

Dem often dey credit Tabrani plus de creation of de Indonesian language, den de Language Development Agency of de Ministry of Education of Culture wey dem propose insyd 2019 say make dem make Tabrani National Hero of Indonesia. Ein grave wey dey de Tanah Kusir Cemetery insyd Jakarta be memorial site wey dem dedicate plus ein work. Insyd 10 November 2023, Joko Widodo award Tabrani plus title of National Hero.

Notes

1. Original: Bangsa Indonesia belum ada. Terbitkanlah bangsa Indonesia itu! Bahasa Indonesia belum ada. Terbitkanlah bahasa Indonesia itu!