Jump to content

Monyane Moleleki

From Wikipedia
Monyane Moleleki
human
Ein sex anaa gendermale Edit
Ein country of citizenshipLesotho Edit
Ein date of birth5 January 1951 Edit
Languages edey speak, rep anaa signEnglish, Sesotho Edit
Ein occupationjournalist, politician, minister Edit
Position eholdMember of the National Assembly of Lesotho, Foreign Minister of Lesotho Edit
Educate forMSU Faculty of Journalism, Lomonosov Moscow State University, University of the Witwatersrand Edit
Political party ein memberBasutoland Congress Party Edit

Monyane Moleleki (wey dem born am 5 January 1951) be Mosotho politician wey serve as Deputy Prime Minister of Lesotho plus Minister of Parliamentary Affairs from 2017 go 2020. As one of de top people for Lesotho Congress for Democracy (LCD), Moleleki serve as Minister of Natural Resources from 1993 go 1994, Minister of Information from 1996 go 1998, Minister of Natural Resources from 1998 go 2004, Minister of Foreign Affairs from 2004 go 2007, den again as Minister of Natural Resources from 2007 go 2012. After he comot for LCD, Moleleki serve as Deputy Leader for Democratic Congress den be Minister of Police from 2015 go 2016. He later lef Democratic Congress plus form new party, Alliance of Democrats, for 2017.

Moleleki get three kiddies—Limpho Moleleki, Mohlomi Moleleki, den Liepollo Moleleki—plus two grandkiddies.

Political career

[edit | edit source]

Dem appoint am as Minister of National Resources for 1993, but on 14 April 1994, some soldiers kidnap am plus three oda ministers. Inside dat same incident, Deputy Prime Minister Selometsi Baholo die.[1] After dat, police go on strike for May 1994, den Moleleki resign ein position run go Botswana, say he believe say dem go target am next for assassination.[2] For March 1995 he return come Lesotho, but on 29 March, National Security Service people hold am.[3] Insyd March 1996, dem elect am as Deputy Secretary General for de ruling Basutoland Congress Party.[4] Later, for December 1996, dem make am Minister of Information and Broadcasting after de former minister, Pakane Khala, die for November.[5] By June 1998, dem appoint am again as Minister of Natural Resources.[6]

After he serve some years as Minister of Natural Resources, Moleleki come turn Minister of Foreign Affairs for November 2004, den he serve for dat position till March 2007, wey dem appoint am back again as Minister of Natural Resources.[7]

Dem talk say dem shoot am plus he wound for ein arm during attack for ein house for night time on 29 January 2006.[8][9]

Some people see Moleleki as person wey fit take over from Prime Minister Pakalitha Mosisili. When Mosisili come back to power for 2015, dis time as leader for Democratic Congress, he appoint Moleleki — wey be deputy leader for de party — as Minister of Police.

As tori come spread say Moleleki dey talk plus opposition leader Tom Thabane about forming alliance, Mosisili comot am as Minister of Police for November 2016 den give am new position insyd Prime Minister ein Office. Later dat same month, Moleleki plus Thabane announce agreement to remove Mosisili and put Moleleki as new prime minister. For December 2016, dem suspend Moleleki from Democratic Congress, den for January 2017 he start new party wey dem call Alliance of Democrats. Dis new party plus dem allies defeat Mosisili for vote of confidence wey happen on 1 March 2017 den propose say Moleleki go be new prime minister. But Mosisili no gree step down — instead, he call early election, even though opposition try block am.[10]

Insyd de June 2017 parliamentary election, de parties wey no dey support Mosisili — including Alliance of Democrats — win majority of de seats, den Tom Thabane come be prime minister. Thabane ein cabinet swear-in on 23 June 2017, wey Moleleki be Deputy Prime Minister plus Minister of Parliamentary Affairs.[11]

He still get one name wey people dey call am—“Mahaletere”—because of how ein beard plus moustache dey look like halter.

He gain fame for one short video clip wey go viral, where e just dey repeat “Leqe” for press conference. E bin dey explain to one journalist wetin suppose happen when international donas give Lesotho money. E imply say make dem “chop” de money, den when e finish, dem go ask for more. Dis phrase “Leqe Leqe” mean make you “enjoy” or “spoil” yourself plus de donated money. Dis viral video inspire one Lesotho rapper wey ein name be Sep Dz to do song based on am.

References

[edit | edit source]
  1. ↑ "Deputy Prime Minister Murdered by Army Faction" Archived 2007-09-27 at the Wayback Machine, Summary of Events in Lesotho, 2nd quarter 1994, trc.org.ls.
  2. ↑ "Lesotho Police on Strike" Archived 2007-09-27 at the Wayback Machine, Summary of Events in Lesotho, 2nd quarter 1994, trc.org.ls.
  3. ↑ "National Security Service ‘Ninjas’ Act with Impunity" Archived 2007-09-27 at the Wayback Machine, Summary of Events in Lesotho, 2nd quarter 1995, trc.org.ls.
  4. ↑ "Annual Conference of the BCP" Archived 2007-09-27 at the Wayback Machine, Summary of Events in Lesotho, 1st quarter 1996, trc.org.ls.
  5. ↑ "Deaths of Parliamentarians; New Senators Appointed" Archived 2007-09-27 at the Wayback Machine, Summary of Events in Lesotho, 4th quarter 1996, trc.org.ls.
  6. ↑ "Appointment of New Cabinet" Archived 2007-09-27 at the Wayback Machine,, Summary of Events in Lesotho, Volume 5, Number 2, 2nd quarter 1998, trc.org.ls.
  7. ↑ "Lesotho’s new cabinet comprises former ministers", African Press Agency, March 3, 2007.
  8. ↑ "Gunmen attack foreign minister's home" Archived 2006-06-15 at the Wayback Machine, Reuters, January 30, 2006.
  9. ↑ "Moleleki Shooting Incident Repercussions Continue" Archived 2010-04-07 at the Wayback Machine, Summary of Events in Lesotho - Second Quarter 2006, trc.org.ls.
  10. ↑ Nthakoana Ngatane, "Lesotho prepares for general elections" Archived 2017-03-10 at the Wayback Machine, SABC News, 7 March 2017.
  11. ↑ "The Lesotho Government Portal". www.lesotho.gov.ls. Archived from the original on 2017-06-30. Retrieved 2025-09-05.
Dem retrieve am from "https://gpe.wikipedia.org/w/index.php?title=Monyane_Moleleki&oldid=77238"