Jump to content

Naledi Chirwa

From Wikipedia
Naledi Chirwa
human
Ein sex anaa genderfemale Edit
Ein country of citizenshipSouth Africa Edit
Name wey dem give amNaledi Edit
Ein date of birth22 July 1993 Edit
Place dem born amVosloorus Edit
Ein occupationpolitician Edit
Position eholdmember of the National Assembly of South Africa, member of the National Assembly of South Africa Edit
Described at URLhttps://www.pa.org.za/person/naledi-nokukhanya-chirwa/ Edit

Naledi Nokukhanya Chirwa-Mpungose (born 22 July 1993) be South African politician den former student activist from Gauteng. She dey represent Economic Freedom Fighters (EFF) insyd de National Assembly. She be former member of de National Assembly from May 2019 till June 2024. She serve small time for de National Council of Provinces before dem redeploy am go de National Assembly make she replace Mbuyiseni Ndlozi. She come popular through ein involvement for de #FeesMustFall student protests for University of Pretoria between 2015 den 2016.

Early life den education

[edit | edit source]

Dem born Chirwa on 22 July 1993 for Vosloorus, East Rand, insyd Gauteng. Ein grandmother raise am for Mamelodi, Pretoria. For 2009, wey she be 15 years, she serve as deputy president for Tshwane North College (TNC) Further Education & Training (FET), wey now be TNC TVET.[1]

Chirwa get Bachelor of Arts plus Honours degree for Drama den Film Studies from University of Pretoria. As of 2019, she dey do ein Master of Arts for Theatre den Performance for University of the Witwatersrand.[2]

Student activism

[edit | edit source]

She join Economic Freedom Fighters (EFF) insyd 2015 den she become member of de party ein Student Command for University of Pretoria. She get appoint as de command ein communications officer. For August 2016, during former president Jacob Zuma ein speech for IEC election centre afta de 2016 municipal elections, Chirwa plus three other student activists disrupt ein speech while dem hold signs wey write "Khanga", "Remember Khwezi", "I am 1 in 3" den "10 yrs later", wey be reference to Zuma ein rape trial for de mid-2000s.[3][4]

Sana insyd 2016, Chirwa take part for student protests wey relate to de #FeesMustFall movement. Dem arrest am later den she get suspend from campus as part of ein bail conditions. For 2017, she be one of de Mail & Guardian demma 200 Young South Africans.[5]

Parliamentary career

[edit | edit source]

National Assembly: 2019–2024

[edit | edit source]

Insyd de May 2019 general election, she win seat for de National Assembly of South Africa den she become EFF ein youngest Member of Parliament. She take ein oath plus other student activists like Peter Keetse, Nompendulo Mkhatshwa den Vuyani Pambo. She be member of Parliament ein Portfolio Committee on Health.[6]

On 25 June 2019, she deliver ein maiden speech during de State of de Nation Address debate. She get force make she withdraw one comment wey talk say government dey complicit for de murders of #FeesMustFall activists. For January 2022, she trend for Twitter sake of say she call President Cyril Ramaphosa "toothless" den "weak little boy".[7]

From around 2020, Chirwa face social media attacks from anonymous users wey claim, without any proof, say she be Malawian national den say ein family fraudulently take South African citizenship. For January 2022, she reply de allegations by tweeting: “You can lie to yourselves about my nationality until you turn green in the buttocks. It will not make your lies the truth and neither will it ever silence me. I didn't buy my voice. I'm not renting it either. Rest assured, I will always speak and there's nothing you can do about it.”[8]

Insyd March 2024, Chirwa no dey present for parliamentary vote sake of she dey take care of ein pikin wey no well. EFF fine am den instruct am make she apologise. Right afta dat, EFF release ein list of candidates for de upcoming general election, wey put Chirwa ein name for last position. EFF leader Julius Malema talk say ein demotion be result of democratic party process.[9]

National Council of Provinces: June 2024–January 2025

[edit | edit source]

Insyd de May 2024 general election, Chirwa win seat make she represent EFF insyd de Gauteng delegation go de National Council of Provinces, wey be de upper house of de South African Parliament. She take ein oath for de seat on 15 June 2024.[10]

Personal life

[edit | edit source]

Chirwa marry since October 2022. She get two kiddies, one wey born insyd 2021 den de other one born insyd 2023.[11]

References

[edit | edit source]
  1. ↑ Zwane, Nokuthula (4 June 2019). "Naledi Chirwa: Voice of the voiceless". Sunday World. Retrieved 13 April 2020.
  2. ↑ "Ms Naledi Nokukhanya Chirwa". Parliament of South Africa. Retrieved 19 June 2021.
  3. ↑ Makhubu, Ntando (8 Aug 2016). "Woman in Zuma #Khwezi protest speaks out". IOL. Retrieved 13 April 2020.
  4. ↑ Ngoepe, Karabo (6 August 2016). "Anti-rape protesters disrupt Zuma's speech". News24. Pretoria. Retrieved 10 September 2020.
  5. ↑ Maputla, Tswelopele (23 May 2019). "#BlackGirlMagic: These female parliamentarians are only in their 20s". SowetanLIVE. Retrieved 10 September 2020.
  6. ↑ "Portfolio Committee on Health - Parliament of South Africa". Parliament of South Africa. Retrieved 6 December 2020.
  7. ↑ "The EFF's 28-year-old Naledi Chirwa called Cyril Ramaphosa a 'weak little boy' and now Twitter is divided". IOL (in English). 18 January 2022. Retrieved 2022-01-19.
  8. ↑ "Naledi Chirwa hits back at critics: 'You can lie about my nationality until you turn green in the buttocks'". Sunday Times (in English). 19 January 2022. Retrieved 2022-01-19.
  9. ↑ "'A democratic outcome': Malema on Naledi Chirwa being last on EFF's parliament list". Sunday Times (in English). 5 April 2024. Retrieved 2024-06-16.
  10. ↑ Merten, Marianne (2024-06-15). "Uncontested National Council of Provinces shows national unity government agreements' impact on matters provincial". Daily Maverick (in English). Retrieved 2024-06-16.
  11. ↑ Goba, Thabiso (1 May 2024). "Chirwa decided to work throughout pregnancy, it's not reflective of EFF policies: Malema". EWN (in English). Retrieved 2024-06-16.
[edit | edit source]
Wikimedia Commons get media wey relate to Naledi Chirwa.
Dem retrieve am from "https://gpe.wikipedia.org/w/index.php?title=Naledi_Chirwa&oldid=79147"