Namwater Desalination Plant
De Namwater Desalination Plant be one sea water desalination plant wey dem dey develop for Namibia. Namwater, de national water utility parastatal company for Namibia, dey develop de facility. Dem plan am make e help solve de serious water scarcity problem for central coastal area of Namibia, insyd de Erongo Region, plus de capital city, Windhoek.[1][2]
Location
[edit | edit source]De desalination plant go dey for Namib Desert, near de town of Wlotzkasbaken, for Erongo Region of Namibia. Dis new plant go dey side by side plus de privately owned Erongo Desalination Plant, wey dem officially start commercial operation for 2010. De land wey go host de new plant be Erongo Regional Council donate am give Namwater.[3]
Wlotzkasbaken dey about 35 kilometres (22 mi) north of Swakopmund, de nearest big town, den about 390 kilometres (242 mi) by road west of Windhoek, de national capital den biggest city for de country.[4]
Overview
[edit | edit source]Namibia be dry country wey dey face serious water shortage.[5] As of 2024, Erongo Region dey get ein drinking water from (a) groundwater aquifers from de Omaruru Delta, (b) de Kuiseb Delta, den (c) desalinated water from de Erongo Desalination Plant. Dem connect all dis water sources thru one network of pumping stations, pipelines den reservoirs.[1][6]
But secof town population dey increase, mining activities dey increase, agricultural production dey increase den industries too dey demand more water, all de three water sources almost reach dia maximum capacity. Together dem dey provide just under 30,000,000 cubic meters (3.0×1010 L) of potable water every year.[5][6]
Secof dat, for 2024, de government of Namibia approve make dem build one new modular desalination plant wey go produce 20,000,000 cubic meters (2.0×1010 L) of potable water every year as de first phase. Dem fit increase de capacity later anytime e become necessary.[1][5][6]
Developers
[edit | edit source]De national water utility parastatal, Namwater, be de owner den main developer of dis project. De Chinese-owned Swakop Uranium Mine dey collaborate plus Namwater on de project. Dem dey plan dis development since 1998.[3][5] Dem update de plans for 2016 after de government reject offer to buy de privately owned Erongo Desalination Plant for NAD3 billion (about US$164 million for 2024 value).[3][5] De matter cam be more serious secof de severe drought wey dey affect countries for Southern Africa, wey dey include Namibia, during de third decade of de 21st century (2021–2030).[7]
Cost
[edit | edit source]Dem estimate say de development of dis water treatment plant go cost N$3.5 billion (about US$191 million) for 2024.[2]
- Note: US$1.00 = NAD18.34 on 28 June 2024.
Timetable
[edit | edit source]Construction suppose start for Q1 2025, wey dem plan make de plant begin commercial operation for H1 2027.[2][8]
Sanso spy
[edit | edit source]References
[edit | edit source]- 1 2 3 Huaxia (26 June 2024). "Namibia to construct new desalination plant to meet rising water demand". Xinhua News Agency. Beijing, China. Retrieved 28 June 2024.
- 1 2 3 Eveline de Klerk (16 April 2024). "Second Desalination Plant Coming". New Era (Namibia). Windhoek, Namibia. Retrieved 28 June 2024.
- 1 2 3 Andreas Thomas (31 May 2023). "Government Gets Land For Coastal Desalination Plant – NamWater". The Namibian. Windhoek, Namibia. Retrieved 28 June 2024.
- ↑ "Road Distance Between Windhoek, Namibia And Wlotzkasbaken, Namibia (Map)". Google Maps. 28 June 2024. Retrieved 11 July 2026.
- 1 2 3 4 5 Huaxia (1 March 2024). "Namibia Approves Urgent Measures To Combat Looming Water Crisis". Xinhua News Agency. Beijing, China. Retrieved 28 June 2024.
- 1 2 3 Namibia Economist (27 June 2024). "Government Approves Construction of Second Desalination Plant". Namibia Economist. Windhoek, Namibia. Retrieved 24 July 2024.
- ↑ NASA Earth Observatory (22 April 2024). "Severe Drought in Southern Africa". NASA Earth Observatory. United States. Retrieved 28 June 2024.
- ↑ Shania Lazarus (6 August 2024). "Desalination plant construction set for January". The Namibian. Windhoek, Namibia. Retrieved 6 August 2024.