Nana Kwame Nyanteh

Nana Kwame Nyanteh

human

Ein sex anaa gender	male
Ein country of citizenship	Ghana
Name wey dem give am	Kwame
Ein date of birth	26 June 1937
Date wey edie	21 April 2015
Languages edey speak, rep anaa sign	English
Ein occupation	politician

Nana Kwame Larbi Nyanteh (born June 26, 1937 – died April 21, 2015) be Ghanaian politician, agronomist den Clan Chief. From 2003 to 2006, he serve as Assembly Man for Betom Electoral Area. Before dem elect am Assembly Man, he contest as parliamentary candidate for New Juaben constituency on top Convention People's Party (CPP) ticket during de 1993 General Election. But insyd 1994, Nana Kwame move go join de New Patriotic Party (NPP).

Early life den education

He grow up for Koforidua Betom, where he do ein primary den middle school education. Even though he be top student, ein poppie, Joseph Nyanteh, wey be carpenter, no fit push ein education go far due to hardship. Kwame Nyanteh graduate with first class honours degree for agriculture (BSc. Agriculture) for June 1968 from Kwame Nkrumah University of Science and Technology, after he complete diploma for tropical agriculture for December 1963 from de same university. Later, he go pursue Master of Science in Entomology (1977) for University of Ghana, Legon.

Career

Kwame Nyanteh take appointment as senior technical officer for Volta River Authority Agriculture Resettlement Unit under de Ministry of Agriculture. Dem station am for Asikuma insyd Volta Region, where he dey in charge of Nkwakwabew, Todome den Apeguso resettlement areas from 1964 till dem transfer am go Bekwi den Kintanpo area in 1966 as operational officer for Ministry of Agriculture. Later on, Cadbury Ghana Limited recruit am as Operational Manager, position wey he hold from 1970 to 1980.

After he lef Cadbury, he turn independent analyst wey dey produce research for companies like Finagra US den other firms. Ein independent research work help push Ghana ein cocoa bean pods for international markets top, den e open way make companies like Finagra US fit run profitable purchasing system without dem base for West Africa.