Jump to content

Nathaniel Azarco Welbeck

From Wikipedia
Nathaniel Azarco Welbeck
human
Ein sex anaa gendermale Edit
Ein country of citizenshipGhana Edit
Ein date of birth1914, 25 September 1915 Edit
Place dem born amCape Coast Edit
Date wey edie1972, 25 February 1972 Edit
Languages edey speak, rep anaa signEnglish Edit
Ein occupationdiplomat, politician, teacher, minister Edit
Position eholdMember of the 2nd Parliament of the 1st Republic of Ghana, Member of the 2nd Parliament of the Gold Coast, Member of the 1st Parliament of the 1st Republic of Ghana Edit
Educate forWesley College of Education, Wesley College of Education Edit
Political party ein memberConvention People's Party Edit
Religion anaa worldviewChristianity, Christian Edit

Nathaniel Azarco Welbeck (1915–1972) be Ghanaian politician plus diplomat. He be member of Convention People's Party den minister of state insyd first republic. He serve small time as resident minister of Ghana for Guinea, den san serve as resident minister of Ghana for Republic of the Congo (Léopoldville).

Early life den education

[edit | edit source]

Dem born Welbeck for Cape Coast on 25 September 1915 to Madam Adwoa Twi plus Nomo Welbeck, wey migrate go Abidjan, Côte d'Ivoire. Ein poppie be Ewe plus Ga, den ein mommie be Fanti. Welbeck identify einself as Fanti, Ga den Ewe, buh secof Akan tradition (wey Fantis dey insyd) wey dey focus more on de maternal side, he be considered Fanti from Cape Coast. Ein poppie die insyd house fire for Abidjan wer dem dey live. At de time, Welbeck dey sleep insyd de same room plus ein poppie. Ein grandmommie see de fire first den raise alarm. As ein poppie hear am, he carry Welbeck run go safe place. Na he then go back insyd de burning house to rescue anoda kiddie, throw am out thru window to safety, but de fire catch am wey na he no fi find de door to come out. Welbeck be too small so he no really know ein poppie. Ein mommie be bead trader. After ein husbie die, she decide to stay for Abidjan since she already establish herself as successful bead trader there. Welbeck start ein early education for one school inside Abidjan. Since French be de language for school there, he become well versed for French. Later, ein mommie send am go ein native Gold Coast to go stay plus ein poppie ein brother, Mr. Joseph Mensah Attabrah. He go live with dem for Swedru where he continue ein school, dis time for English language. He write ein Standard Seven school leaving exam for 1932, den enter Wesley College for 1933 to train as teacher.[1][2][3]

Career den politics

[edit | edit source]

He qualify as teacher insyd 1936. He teach for plenty institutions, den de last school wey dem post am to before he end ein teaching career be Takoradi Methodist School. He enter politics before he lef de teaching profession. He join de newly formed United Gold Coast Convention (UGCC), a political party wey start as movement to help usher Gold Coast into political independence. Insyd 1949, dem appoint am as secretary to de Local Education Committee. Dat same year, he decide say he go stop teaching completely make he focus on politics. On 12 June 1949, when Kwame Nkrumah lef UGCC go form Convention People’s Party (CPP), Welbeck join de party dat same day as one of de founding members. One year later, dem arrest am during unrest wey follow Nkrumah ein declaration of “Positive Action Without Violence.” He go court, dem charge am plus sedition, den he get 12-month imprisonment. Dis matter boost ein political career, as people see am as hero after he come out. Insyd 1951, he get appointment as national propaganda secretary for CPP.[4] Afta Kwesi Plange ein death in 1953, CPP choose Welbeck make he stand elections for ein hometown Cape Coast as municipal member of de legislative assembly. He contest de Cape Coast seat plus Amponsah Dadzie of United Party. Welbeck win de election but ein opponent contest de results. Dem reschedule de general election for Cape Coast insyd 1954, den dis time Welbeck win again den hold de seat without any court matter. Dat same year, he get appointment as Minister for Works..[5][6][7] He win ein seat again insyd 1956, den for 1958, dem appoint am as resident minister go Guinea.[4] Insyd 1960, he still dey Parliament, den he get appointment as minister of state for Defence. Dat same year too, he get appointment as Minister Plenipotentiary den Ambassador Extraordinary, posted go Congo as resident minister representing Ghana. Insyd November 1960, dem bring am back to Ghana after Congo military attack ein residence say he dey plot plus de deposed Patrice Lumumba against Mobutu ein regime.[8][9] Insyd September 1962, he become acting executive secretary of CPP secof Hugh Horatio Coffie Crabbe dey detention. For 1963, dem appoint Welbeck as Executive Secretary of de party while Nkrumah be General Secretary.[10] Insyd 1965, Welbeck get appointment as Minister of Information (non-cabinet post) den party propaganda secretary.[1][2][3][11][12]

Ein life matter

[edit | edit source]

He be great grandson of Philip Quaque wey komot Cape Coast. He first marry Ms. Sarah Andrews, wey dem get one daughter together. Dis marriage last from 1942 to 1950. He marry Ms. Esther Quarm insyd 1954. Welbeck ein hobbies include lawn tennis plus stamp collection.[1][2][3]

Death

[edit | edit source]

Welbeck die insyd 1972 after a protracted illness.[3][13]

References

[edit | edit source]
  1. 1 2 3 "The men who flanked Nkrumah on Independence eve". National Commission on Culture. Retrieved 23 January 2019.
  2. 1 2 3 "Ghana Year Book". Graphic Corporation. 1960: 222.
  3. 1 2 3 4 Ocra, E. B. (2000). Welbeck: Nkrumah's propaganda secretary par excellence.
  4. 1 2 Thompson, W. S. (1969). Ghana's Foreign Policy, 1957-1966: Diplomacy Ideology, and the New State.
  5. ↑ Apter, D. E. (2015). Ghana in Transition.
  6. ↑ Therson-Cofie, Martin (1957-05-22). "PWD BOSS SAILS FOR U.K. TODAY". Daily Graphic. Retrieved 2019-01-23.
  7. ↑ Akyeampong, E. K. (2001). Between the Sea and the Lagoon. p. 131.
  8. ↑ "Ghana Official leaves Congo Over Bloodshed". Nashua Telegraph. 1960-11-22. Retrieved 2019-01-23.
  9. ↑ "Aloof Ghanaian in Congo Nathaniel Azarco Welbeck". New York Times. 1960-11-22. Retrieved 2019-01-23.
  10. ↑ "West Africa, Issues 2379-2404". West Africa Publishing Company, Limited. 1963: 47.
  11. ↑ "Commonwealth Survey, Volume 11". Great Britain Central Office of Information. 1965: 233.
  12. ↑ Jallow, B. G. (2014). The Kwame Nkrumah Cartoons: A Visual History of the Times.
  13. ↑ "Summary of World Broadcasts: Non-Arab Africa, Issues 3877-3952". British Broadcasting Corporation. Monitoring Service. Caversham Park, Reading, England. 1972: 4.
Dem retrieve am from "https://gpe.wikipedia.org/w/index.php?title=Nathaniel_Azarco_Welbeck&oldid=71301"