Nzanga Mobutu

Nzanga Mobutu

human

Ein sex anaa gender	male
Ein country of citizenship	Democratic Republic of the Congo
Ein date of birth	24 March 1970
Place dem born am	Kinshasa
Ein poppie	Mobutu Sese Seko
Mummie	Bobi Ladawa Mobutu
Sibling	Giala Mobutu, Kongulu Mobutu
Ein occupation	politician
Position ehold	Minister of Agriculture of Democratic Republic of the Congo, Vice Prime Minister of the Democratic Republic of the Congo, Minister of Labour, presidential spokesperson
Educate for	Université de Montréal, American University of Paris
Political party ein member	Union of Mobutist Democrats

Nzanga Mobutu (born 24 March 1970) be Congolese politician. He be kiddie of de long-time Presido Mobutu Sese Seko. From 2007 go 2011, he serve insyd government of Democratic Republic of Congo — first as Minister of State for Agriculture, then later as Deputy Prime Minister for Basic Social Needs, plus again as Deputy Prime Minister for Labor, Employment plus Social Security. For di 2006 presidential election, Nzanga come place number four for di vote count. For 2007, he form one new party wey dem call Union of Mobutist Democrats to replace ein poppie ein old party, Popular Movement of the Revolution, and since den he don dey lead am.

Background

Nzanga Mobutu be di first-born son of Mobutu Sese Seko plus ein second wife, Bobi Ladawa. He grow up for Belgium, then go study communications plus international relations for Canada and France before he return come Zaire around mid-1990s. After he come back, he work as spokesman plus communications advisor to ein poppie, and he still be chairman for di board of Soza Bank, one bank for Zaire.For May 1997, Nzanga run enter exile go Morocco plus ein poppie when rebel leader Laurent-Désiré Kabila take over Kinshasa.

He marry Catherine Bemba, wey be daughter of businessman Jeannot Bemba Saolona, and dem get three children: Nyiwa, Bobi, den Sese.

Enterprises

For 1998, Nzanga plus ein mommie, Bobi Ladawa, form di "Mobutu Foundation" wey aim help young men and women for Africa make dem reach dema full potential. After dat, Nzanga start Aries Communication, one communications firm for Morocco. He still work as director for Casa Agricola Solear, one Portuguese agriculture plus livestock company. Later, he join Renaissance think tank for Belgium as member.

UDEMO insyd Équateur

For 2003, Nzanga plus ein bro Giala form de Union of Mobutist Democrats (UDEMO) as NGO. On December 12, 2005, Nzanga talk sey he go take part for di next presidential election wey dem hold for July 2006. Later dat same year, during di second round of de election, UDEMO turn political platform. On January 8, 2007, Nzanga start ein political career officially as leader of UDEMO, one political party wey dey push for peace, national unity plus territorial integrity. People like am pass for de northwestern province of Équateur, especially Gbadolite wey be where ein poppie from.

2006 Presidential election

For de 2006 presidential election, Nzanga contest as candidate den come place fourth, as he gather like 4.8% of de vote. After de first round of voting, Mobutu join body plus de sitting president Joseph Kabila for one platform political coalition wey dem take try gather votes from Équateur region. Di coalition too carry join PALU, wey be Antoine Gizenga ein political party.

Ein kidda broda, Giala Mobutu, plus eight oda UDEMO candidates win seat enter National Assembly for di 2006 election.

Government Minister

Gizenga turn Prime Minister for December 2006, and Mobutu get post as Minister of State for Agriculture when dem announce Gizenga ein government on February 5, 2007—wey make am second most important person for di government after Gizenga. When Gizenga comot and Adolphe Muzito take over, dem appoint Mobutu as Deputy Prime Minister for Basic Social Needs for Muzito ein government wey dem announce on October 26, 2008. Later, on February 20, 2010, dem move am go be Deputy Prime Minister for Labor, Employment plus Social Security.

For March 2011, President Kabila sack Mobutu from government sake of say e no dey active. As dem explain am, government spokesman Lambert Mende talk say Mobutu do "abandonment of service" as e stay Europe from November 2010 without give any reason. Mende emphasize say dis action be against Mobutu alone, no be ein party. E be like say Kabila try make better relationship plus Mobutu by give am big-big positions for government, but Mobutu no show much interest, e just dey focus on ein private work. Dem talk say di reason why Mobutu stay long for Europe be say e no dey agree plus how Kabila dey build friendship plus Kagame ein government, wey many people believe say dem cause plenty violence for de eastern part of Congo. After dem comot am from ein post, Mobutu run again for president for di 2011 elections wey go against di sitting president.

Recent years

For de years wey come after, Nzanga live life den do business moves between United States den Morocco, as ein broda Giala take over de leadership of UDEMO. For di 2018 elections, Nzanga support opposition candidate Martin Fayulu. But on January 10, 2023, e return go DRC where e still dey lead ein political party den dis time, e support de current President Felix Tshisekedi for de December 2023 elections.

Election results

Year	Party	Votes	%	Position
2006	Union of Mobutist Democrats	808,397	5%	4th
2011	Union of Mobutist Democrats	285,273	2%	6th

External links

• Personal website