Jump to content

Olaudah Equiano

From Wikipedia
Olaudah Equiano
human
Ein sex anaa gendermale Edit
Ein date of birth1745 Edit
Place dem born amWest Africa Edit
Date wey edie31 March 1797 Edit
Place wey edieCity of Westminster Edit
KiddieJoanna Vassa Edit
Native languageIgbo Edit
Languages edey speak, rep anaa signFrench, English Edit
Ein occupationwriter, autobiographer, barber, merchant, actor Edit
Ethnic group Edit
Social classificationfreedman, slave Edit
Notable workThe Interesting Narrative of the Life of Olaudah Equiano jr the third Edit
Member ofSons of Africa Edit
Genreautobiography, social criticism Edit

Olaudah Equiano (/əˈlaʊdə/; c. 1745 – 31 March 1797), dem know am for chaw of ein life as Gustavus Vassa (/ˈvæsə/), na he be a writer den abolitionist. According to ein memoir, na he komot de village of Essaka insyd present day southern Nigeria.[1][2] Na dem enslave as a kiddie insyd West Africa, na dem ship am to de Caribbean wey na dem sell to a Royal Navy officer. Na dem sell amtwice more before na he purchase ein freedom insyd 1766.

As a freedman insyd London, na Equiano support de British abolitionist movement, insyd de 1780s wey na he cam be one of ein leading figures. Na Equiano be part of de abolitionist group de Sons of Africa, wey na ein members be Africans wey dey live insyd Britain. Na ein 1789 autobiography, The Interesting Narrative of the Life of Olaudah Equiano, sell so well dat na dem publish nine editions during ein life wey na e help secure passage of de British Slave Trade Act 1807, wich na e abolish de slave trade.[3] The Interesting Narrative gain renewed popularity among scholars insyd de late 20th century wey e remain a useful primary source.[4][5]

Early life den enslavement

[edit | edit source]

According to ein 1789 memoir, na dem born Equiano around 1745 insyd de Igbo village of Essaka insyd wat now be southern Nigeria. Na he claim na ein home be part of de Kingdom of Benin.[6]

Na Equiano recount an incident of an attempted kidnapping of kiddies insyd ein Igbo village, wich na be foiled by adults. Wen na he be around de age of eleven, na dem lef he den ein sisto alone to look after dema family premises, as na ebe common wen adults go out of de house to work. Na dem kidnap dem wey na dem take dem far from dema home, na dem separate wey na dem sell dem to slave traders. Na he try make he escape buh na dem thwart am. After ein owners change chaw times, na Equiano happen to meet plus ein sisto buh na dem san separate. Six anaa seven months after na he be kidnapped, he arrive at de coast wer na dem take am on board a European slave ship.[7][8] Na dem transport am plus 244 oda enslaved Africans across de Atlantic Ocean to Barbados insyd de British West Indies. Na dem send he den a few oda slaves for sale insyd de Colony of Virginia.

Na literary scholar Vincent Carretta argue insyd ein 2005 biography of Equiano say na de activist fi be born insyd colonial South Carolina rada dan Africa, based on a 1759 parish baptismal record wey dey list Equiano ein place of birth as Carolina den a 1773 ship ein muster wey dey indicate South Carolina.[9][10] Na Carretta ein conclusion be disputed by oda scholars wey believe de weight of evidence dey support Equiano ein account of coming from Africa.[11]

Insyd Virginia, na Michael Henry Pascal buy Equiano, a lieutenant insyd de Royal Navy. Na Pascal rename de boy "Gustavus Vassa", after de 16th-century King of Sweden Gustav Vasa[7] wey begin de Protestant Reformation insyd Sweden. Na dem already rename Equiano twice: na dem call am Michael while on board de slave ship wey na e bring am to de Americas, den Jacob by ein first owner. Dis time, na Equiano refuse wey na he flow ein new owner say he go prefer to be called Jacob. Ein refusal, he dey say, "na e gain me chaw a cuff" wey eventually na he submit to de new name.Na he use dis name for de rest of ein life, wey dey include on all official records; na he use Equiano insyd ein autobiography per.[1]

Na Pascal take Equiano plus am wen na he return to England wey na he make he accompany am as a valet during de Seven Years' War plus France (1756–1763). Na Equiano dey give witness reports of de Siege of Louisbourg (1758), de Battle of Lagos (1759) den de Capture of Belle Île (1761). Na dem sanso train am insyd seamanship, na dem dey expect Equiano make he assist de ship ein crew in times of battle; na ein duty be make he haul gunpowder to de gun decks. Na Pascal favour Equiano wey he send am to ein sister-in-law insyd Great Britain so dat he fi attend school den learn to read den write.

Na Equiano convert to Christianity wey na dem baptise am at St Margaret's, Westminster, on 9 February 1759, wen na dem describe am insyd de parish register as "a Black, born insyd Carolina, 12 years old".[12] Na ein godparents be Mary Guerin den ein bro, Maynard, wey na dem be cousins of ein master Pascal. Na dem take an interest insyd am wey na dem help am to learn English. Later, wen na dem question Equiano ein origins after na dem publish ein book, na de Guerins testify to ein lack of English wen na he first cam to London.[13]

Insyd December 1762, na Pascal sell Equiano to Captain James Doran of de Charming Sally at Gravesend, from wer na dem transport am back to de Caribbean, to Montserrat, insyd de Leeward Islands. Der, na dem sell am to Robert King, an American Quaker merchant wey komot Philadelphia wey trade insyd de Caribbean.[14]

Release

[edit | edit source]
Na de wrecking of de Nancy on de Bahama Banks insys 1767, from The Interesting Narrative of the Life of Olaudah Equiano, Or Gustavus Vassa, The African

Na Robert King force Equiano make he work on ein shipping routes den insyd ein stores. Insyd 1765, wen na Equiano dey about 20 years old, na King promise dat for ein purchase price of 40 pounds (equivalent to £6,900 insyd 2023) he fi buy ein freedom.[15] Na King teach am to read den wrep more fluently, wey he guide am along de path of religion, wey na he allow Equiano make he engage insyd profitable trading for ein own account, as well as on ein owner ein behalf. Na Equiano sell fruits, glass tumblers den oda items between Georgia den de Caribbean islands. Na King allow Equiano make he buy ein freedom, wich na he achieve insyd 1766. Na de merchant urge Equiano make he stay on as a business partner. However, na Equiano find am dangerous den limiting make he remain insyd de British colonies as a freedman. While loading a ship insyd Georgia, na dem almost kidnap am back into enslavement.

Freedom

[edit | edit source]

By about 1768, na Equiano go Britain. Na he continue to work at sea, wey na he dey travel sometimes as a deckhand based insyd England. Insyd 1773 on de Royal Navy ship HMS Racehorse, na he travel to de Arctic insyd an expedition towards de North Pole.[16] On dat voyage na he work plus Dr Charles Irving, wey ha develop a process to distill seawater den later make a fortune from am. Two years later, na Irving recruit Equiano for a project on de Mosquito Coast insyd Central America, wer na he for use ein African background to help select slaves den manage dem as labourers on sugar-cane plantations. Na Irving den Equiano get a working relationship den friendship for more dan a decade, buh na de plantation venture fail.[17] Na Equiano meet plus George, de "Musquito king ein son".

Na Equiano lef de Mosquito Coast insyd 1776 wey na he arrive at Plymouth, England, on 7 January 1777.

Pioneer of de abolitionist cause

[edit | edit source]

Na Equiano settle insyd London, wer na insyd de 1780s he cam be involved insyd de abolitionist movement.[18] Na de movement to end de slave trade particularly be strong among Quakers, buh na dem found de Society for Effecting the Abolition of the Slave Trade insyd 1787 as a non-denominational group, plus Anglican members, in an attempt make dem influence parliament directly. Under de Test Act, na those wey prepare per to receive de sacrament of de Lord's Supper according to de rites of de Church of England be permitted to serve as MPs. Na Equiano be influenced by George Whitefield ein evangelism.

As early as 1783, na Equiano inform abolitionists such as Granville Sharp about de slave trade; na det year he be de first to tell Sharp about de Zong massacre, wich na dem try am insyd London as litigation for insurance claims. Na e cam be a cause célèbre give de abolitionist movement wey e contribute to ein growth.[19]

On 21 October 1785 na he be one of eight delegates from Africans insyd America to present an 'Address of Thanks' to de Quakers at a meeting insyd Gracechurch Street, London. Na de address refer to A Caution to Great Britain and her Colonies by Anthony Benezet, founder of de Society for the Relief of Free Negroes Unlawfully Held in Bondage.[20]

Na Equiano befriended wey be supported by abolitionists, na chaw encourage am make he wrep den publish ein life story. Na he be supported financially insyd dis effort by philanthropic abolitionists den religious benefactors. Na dem promote ein lectures den preparation for de book by, among odas, Selina Hastings, Countess of Huntingdon.

Memoir

[edit | edit source]
Plaque at Riding House Street, Westminster, wey dey note de place wer na Equiano live den publish ein narrative

He entitle The Interesting Narrative of the Life of Olaudah Equiano, or Gustavus Vassa, the African (1789), na de book go thru nine editions insyd ein lifetime, plus translations into Russian, German den Dutch.[18] E be one of de earliest-known examples of published writing by an African writer to be widely read insyd England. By 1792, na e be a best seller wey e be published insyd Russia, Germany, Holland den de United States. Na e be de first influential slave narrative of wat na cam be a large literary genre. Buh na Equiano ein experience insyd slavery be quite different from dat of chaw slaves; na he no participate insyd field work, he serve ein owners personally wey na he go to sea, na dem teach am to read den write, wey na he work insyd trading.[19]

Na Equiano ein personal account of slavery, ein journey of advancement, den ein experiences as a black immigrant cause a sensation on publication. Na de book fuel a growing anti-slavery movement insyd Great Britain, Europe den de New World.[21] Ein account surprise chaw plus de quality of ein imagery, description den literary style.

Insy ein account, na Equiano dey give details about ein hometown den de laws den customs of de Eboe people. After na dem capture am as a boy, he describe communities na he pass thru as a captive on ein way to de coast. Na ein biography dey detail ein voyage on a slave ship den de brutality of slavery insyd de colonies of de West Indies, Virginia den Georgia.

Na Equiano comment on de reduced rights wey na freed people of colour get insyd dese same places, wey na dem sanso face risks of kidnapping den enslavement. Na Equiano embrace Christianity at de age of 14 den ein importance to am be a recurring theme insyd ein autobiography. Na dem baptise am into de Church of England insyd 1759; na he describe einself insyd ein autobiography as a "protestant of de church of England" buh na he sanso flirt plus Methodism.[22]

Na chaw events insyd Equiano ein life lead am make he question ein faith. Na he be distressed insyd 1774 by de kidnapping of ein paddie, a black cook dem name John Annis. Na Annis den ein former enslaver, William Kirkpatrick, initially na dem "part by consent" buh na Kirkpatrick renege, wey na he dey seek to kidnap den re-enslave Annis. Na Kirkpatrick ultimately be successful, wey na he forcibly remove Annis from de British ship Anglicania wer na both he den Equiano serve.[23] Na dis be in violation of de decision insyd de Somersett Case (1772), dat dem no fi take slaves from England widout dema permission, as na common law no dey support de institution insyd England & Wales. Na Kirkpatrick make dem transport Annis to Saint Kitts, wer na dem punish am severely wey na he work as a plantation labourer til he die. Plus de aid of Granville Sharp, na Equiano try make he get Annis released before na dem ship am from England buh na he be unsuccessful. Na he hear dat na Annis no be free from suffering til he die insyd slavery.[24] Despite ein questioning, he dey affirm ein faith insyd Christianity, as seen insyd de penultimate sentence of ein work wey dey quote de prophet Micah (Micah 6:8): "After all, what makes any event important, unless by its observation we become better and wiser, and learn 'to do justly, to love mercy, and to walk humbly before God?

Later years, radical connections

[edit | edit source]

During de American Revolutionary War, na Britain recruit black people make dem fight plus am by offering freedom to those wey lef rebel masters. In practice, na e sanso free women den kiddies, wey na e attract thousands of slaves to ein lines insyd New York City, wich na e occupy, den insyd de South, wer na ein troops occupy Charleston, South Carolina. Wen na dem evacuate British troops at de end of de war, na dema officers sanso evacuate dese former American slaves. Na dem resettle dem insyd de Caribbean, insyd Nova Scotia, insyd Sierra Leone insyd Africa, den insyd London. Na Britain refuse make e return de slaves, wich na de United States sought insyd peace negotiations.

Insyd 1783, dey follow de United States ein gaining independence, na Equiano cam be involved insyd he dey help de Black Poor of London, wey na dem mostly be those former African-American slaves dem free during den after de American Revolution by de British. Na der sanso be sam freed slaves from de Caribbean, den sam wey na dem be brought by dema owners to England wey na dem free later after de decision dat Britain get no basis insyd common law for slavery. Na de black community number about 20,000.[25] After de Revolution na sam 3,000 former slaves be transported from New York to Nova Scotia, wer na dem cam be known as Black Loyalists, among oda Loyalists sanso resettle der. Na chaw of de freedmen find am difficult make dem make new lives insyd London anaa Canada.

Na dem appoint Equiano "Commissary of Provisions den Stores give de Black Poor wey dey go to Sierra Leone" insyd November 1786.Na dis be an expedition to resettle London ein Black Poor insyd Freetown, a new British colony dem found on de west coast of Africa, insyd present-day Sierra Leone. Na de blacks wey komot London be joined by more dan 1,200 Black Loyalists wey choose to leave Nova Scotia. Na dem be aided by John Clarkson, younger bro of abolitionist Thomas Clarkson. Na Jamaican maroons, as well as slaves dem liberate from illegal slave-trading ships after na Britain abolish de slave trade, na dem sanso settle at Freetown insyd de early decades. Na dem dismiss Equiano from de new settlement after he protest against financial mismanagement wey na he return to London.[26][27]

Na Equiano be a prominent figure insyd London wey na he often serve as a spokesman give de black community. Na he be one of de leading members of de Sons of Africa, a small abolitionist group wey be composed of free Africans insyd London. Na dem be closely allied plus de Society for the Abolition of the Slave Trade. Na Equiano ein comments on issues be published insyd newspapers such as de Public Advertiser den de Morning Chronicle. Na he reply to James Tobin insyd 1788, insyd de Public Advertiser, wey dey attack two of ein pamphlets den a related book from 1786 by Gordon Turnbull.[28][29] Na Equiano get more of a public voice dan chaw Africans anaa Black Loyalists wey na he seize chaw opportunities to use am.[30]

Marriage den family

[edit | edit source]
A portrait of an unknown man dem previously identify as Ignatius Sancho, anaa as Equiano, insyd de Royal Albert Memorial Museum, Exeter

On 7 April 1792, na Equiano marry Susannah Cullen, a local woman, insyd St Andrew's Church, Soham, Cambridgeshire.[31] Dem hold today de original marriage register wey dey contain de entry give Vassa den Cullen by de Cambridgeshire Archives and Local Studies. Na he include ein marriage insyd every edition of ein autobiography from 1792 dey go. Na de couple settle insyd de area wey na dem get two daughters, Anna Maria (1793–1797) den Joanna (1795–1857), wey na dem baptise dem at Soham church.

Susannah die insyd February 1796, aged 34, wey na Equiano die a year later, on 31 March 1797.[7] Soon afterwards, na Anna die at de age of four, leaving Joanna make he inherit Equiano ein estate wen na she dey 21 years old; na then dem value am at £950 (equivalent to £92,000 insyd 2023). Den dey commemorate Anna Maria by a plaque at St Andrew's Church, Chesterton, Cambridge. Na Joanna Vassa marry de Reverend Henry Bromley, a Congregationalist minister, insyd 1821. Dem both be buried at de non-denominational Abney Park Cemetery insyd Stoke Newington, London; de Bromleys ein monument now be a Grade II listed building.

References

[edit | edit source]
  1. ↑ 1.0 1.1 Lovejoy, Paul E. (2006). "Autobiography and Memory: Gustavus Vassa, alias Olaudah Equiano, the African". Slavery & Abolition. 27 (3): 317–347. doi:10.1080/01440390601014302. S2CID 146143041.
  2. ↑ Christer Petley, White Fury: A Jamaican Slaveholder and the Age of Revolution (Oxford: Oxford University Press, 2018), p. 151.
  3. ↑ Equiano, Olaudah (1999). The Life of Olaudah Equiano, or, Gustavus Vassa, the African. Mineola, NY: Dover Publications. ISBN 978-0-486-40661-9.
  4. ↑ F. Onyeoziri (2008),"Olaudah Equiano: Facts about his People and Place of Birth" Archived 17 October 2017 at the Wayback Machine.
  5. ↑ Carretta, Vincent (2005). Equiano, the African: Biography of a Self-Made Man. University of Georgia Press. p. xvi. ISBN 978-0-8203-2571-2.
  6. ↑ "Equiano's World". www.equianosworld.org. Archived from the original on 22 April 2023. Retrieved 22 April 2023.
  7. ↑ 7.0 7.1 7.2 "Olaudah Equiano". BBC History. Archived from the original on 13 July 2006. Retrieved 5 July 2006.
  8. ↑ Equiano, Olaudah (2005). The Interesting Narrative of the Life of Olaudah Equiano. Printed for, and sold by the author. ISBN 9781615362622.
  9. ↑ Carretta, Vincent (2005). Equiano, the African: Biography of a Self-Made Man. University of Georgia Press. p. xvi. ISBN 978-0-8203-2571-2.
  10. ↑ Robin Blackburn, "The True Story of Equiano", The Nation, 2 November 2005 (archived). Retrieved 28 September 2014 .
  11. ↑ Bugg, John (October 2006). "The Other Interesting Narrative: Olaudah Equiano's Public Book Tour". PMLA. 121 (5): 1424–1442, esp. 1425. doi:10.1632/pmla.2006.121.5.1424. JSTOR 25501614. S2CID 162237773.
  12. ↑ David Dabydeen, "Equiano the African: Biography of a Self-made Man by Vincent Carretta" (book review), The Guardian, 3 December 2005, Archived 14 November 2017 at the Wayback Machine. Retrieved 11 January 2018.
  13. ↑ Lovejoy, Paul E. (2006). "Autobiography and Memory: Gustavus Vassa, alias Olaudah Equiano, the African". Slavery & Abolition. 27 (3): 317–347. doi:10.1080/01440390601014302. S2CID 146143041.
  14. ↑ Equiano, Olaudah (1790). The Interesting Narrative of the Life of Olaudah Equiano, Or Gustavus Vassa, The African.
  15. ↑ Walvin, James (2000). An African's Life: The Life and Times of Olaudah Equiano, 1745–1797. Continuum International Publishing Group. p. 71. ISBN 978-0-8264-4704-3.
  16. ↑ Douglas Chambers, "'Almost an Englishman': Carretta's Equiano" Archived 8 October 2014 at the Wayback Machine, H-Net Reviews, November 2007. Retrieved 28 September 2014.
  17. ↑ Lovejoy (2006), p. 332.
  18. ↑ 18.0 18.1 Brain, Jessica (July 28, 2021). "The Sons of Africa". Historic UK. Retrieved February 19, 2025.
  19. ↑ 19.0 19.1 Paul E. Lovejoy, "Autobiography and Memory: Gustavus Vassa, alias Olaudah Equiano, the African" Archived 4 March 2016 at the Wayback Machine, Slavery and Abolition 27, no. 3 (2006): 317–347.
  20. ↑ "Chelmsford". Chelmsford Chronicle. 5 May 1786. p. 3.
  21. ↑ Kamille Stone Stanton and Julie A. Chappell (eds), Transatlantic Literature in the Long Eighteenth Century, Newcastle upon Tyne: Cambridge Scholars, 2011.
  22. ↑ Hinds, Elizabeth Jane Wall (Winter 1998). "The Spirit of Trade: Olaudah Equiano's Conversion, Legalism, and the Merchant's Life". African American Review. 32 (4): 635–647. doi:10.2307/2901242. JSTOR 2901242.
  23. ↑ Equiano, Olaudah (1789). The Interesting Narrative of the Life of Olaudah Equiano, Or Gustavus Vassa, the African. Written by Himself. London, UK. pp. 189–207.
  24. ↑ "Excerpt from Chap. 10, An Interesting Narrative". Archived from the original on 2 February 2014. Retrieved 28 January 2014.
  25. ↑ Lovejoy (2006), p. 334.
  26. ↑ David Damrosch, Susan J. Wolfson, Peter J. Manning (eds), The Longman Anthology of British Literature, Volume 2A: "The Romantics and Their Contemporaries" (2003), p. 211.
  27. ↑ Michael Siva, Why did Black Londoners not join the Sierra Leone Resettlement Scheme 1783–1815? (London: Open University, 2014), pp. 28–33.
  28. ↑ Vincent Carretta; Philip Gould (2015). Genius in Bondage: Literature of the Early Black Atlantic. University Press of Kentucky. p. 67. ISBN 978-0-8131-5946-1.
  29. ↑ Peter Fryer (1984). Staying Power: The History of Black People in Britain. University of Alberta. pp. 108–9. ISBN 978-0-86104-749-9.
  30. ↑ Shyllon, Folarin (September 1977). "Olaudah Equiano; Nigerian Abolitionist and First Leader of Africans in Britain". Journal of African Studies. 4 (4): 433–451.
  31. ↑ "Olaudah Equiano or Gustavus Vassa The African – 200th Anniversary of the Abolition of Slavery". equiano.soham.org.uk. Archived from the original on 14 August 2021. Retrieved 14 August 2021.

Read further

[edit | edit source]
  • The Interesting Narrative of the Life of Olaudah Equiano, or Gustavus Vassa, the African at Wikisource.
  • For the history of the Narrative's publication, see James Green, "The Publishing History of Olaudah Equiano's Interesting Narrative", Slavery and Abolition 16, no. 3 (1995): 362–375.
  • S. E. Ogude, "Facts into fiction: Equiano's narrative reconsidered", Research into African Literatures, Vol. 13, No. 1, 1982
  • S. E. Ogude, "Olaudah Equiano and the tradition of Defoe", African Literature Today, Vol. 14, 1984
  • James Walvin, An African's Life: The Life and Times of Olaudah Equiano, 1745–1797 (London: Continuum, 1998)
  • Luke Walker, Olaudah Equiano: The Interesting Man (Wrath and Grace Publishing, 2017)
[edit | edit source]
Dem retrieve am from "https://gpe.wikipedia.org/w/index.php?title=Olaudah_Equiano&oldid=63940"