Jump to content

Patrick Achi

From Wikipedia
Patrick Achi
human
Ein sex anaa gendermale Edit
Ein country of citizenshipIvory Coast Edit
Name wey dem give amPatrick, Jérôme Edit
Family nameAchi Edit
Ein date of birth17 November 1955 Edit
Place dem born amParis Edit
Languages edey speak, rep anaa signFrench Edit
Ein occupationpolitician Edit
Position eholdPrime Minister of Ivory Coast Edit
Educate forStanford University, Supélec Edit
Political party ein memberRally of Houphouëtists for Democracy and Peace Edit
Medical conditionCOVID-19 Edit

Patrick Jérôme Achi (born 17 November 1955) be Ivorian politician wey serve as Prime Minister of Côte d'Ivoire from March 2021 to October 2023 insyd President Alassane Ouattara ein government.[1] He be member of de Rally of the Republicans (RDR). He study for Supélec plus Stanford University, den ein specialisation be engineering plus infrastructure. He too work as government spokesman for President Alassane Ouattara.[2]

Before dis, he be Secretary General of de Presidency from January 2017, before dem promote am to Minister of State, while e still dey serve as Executive Secretary of de National Council for Economic Policy wey dey in charge of overseeing plus executing de 2030 Strategic Plan den de 5-year government program "Côte d'Ivoire Solidaire 2021-2025", wey be responsibility he still hold as Prime Minister.[3]

On 13 April 2022, PM Achi resign,[4] plus ein government too, but President Ouattara reinstate am before dem remove am on 6 October 2023[5] as part of de dissolution of de Ivorian government. Achi officially resign again on 18 October 2023.

Early life den education

[edit | edit source]

Achi, wey dem born am for Paris, ein poppie be Ivorian (from de Attié tribe wey dey de South region) den ein mommie be French Breton. He get ein education for France den United States.

Achi hold Bachelor's degree in Physics from Université de Cocody for Abidjan, Master of Science degree in Electrical Engineering from École Supérieure d'Électricité de Paris (SUPELEC), plus Master of Science degree in Management from Stanford University, California.

Private sector career

[edit | edit source]

Insyd 1983, he start ein career as Consultant plus Arthur Andersen for dema Paris office.[6]

Insyd 1988, he relocate go Abidjan office as Director for de Consulting Division for French-speaking West den Central Africa before e establish ein own firm, Strategie & Management Consultants, for 1992.

Political career

[edit | edit source]

Between 2010 and 2017, Achi be Minister of Economic Infrastructure for de governments of successive Prime Ministers Guillaume Soro (2010–2012), Jeannot Ahoussou-Kouadio (2012) plus Daniel Kablan Duncan (2012–2017).[7]

Dem appoint Achi as acting Prime Minister on 8 March 2021 make e take over de duties of Prime Minister Hamed Bakayoko, wey dem hospitalize. Bakayoko die two days later. On 26 March 2021, President Ouattara appoint Achi officially as Prime Minister. For dis role inside, e turn key figure for discussions wey dem dey do to solve major power generation shortage wey cause light issues for urban areas for some weeks.[8]

On 13 April 2022, he plus ein government resign. On 19 April, President Ouattara reappoint am as Prime Minister but dis time with cabinet reshuffle plus formation of second government.[9]

Ouattara remove Achi from ein position on 6 October 2023 den dissolve ein government. Achi officially resign on 18 October same year.[10]

After e lef government, Achi devote ein time to ein role as President of de Regional Council of La Mé. Dem first appoint am as President of de Regional Council of La Mé for 2013.[11]

International diplomacy den outreach

[edit | edit source]

As Minister of Economic Infrastructure den later as Prime Minister, Patrick Achi represent Côte d'Ivoire for economic, investment den development-focused African plus international conferences, round tables den forums. Dis include:

  • Forum Afrique, Paris, France, 10 June 2021: focus dey on Côte d'Ivoire ein economic resilience during de Covid-19 pandemic plus de 2021 economic outlook.
  • World Policy Conference, Abu Dhabi, 2–3 October 2021: e present post-covid challenges for Africa plus Côte d'Ivoire, den e lead bilateral discussions to strengthen relations plus de UAE.
  • MEDEF Forum, Paris, France, 19 August 2021: discussions dey on challenges plus opportunities for Côte d'Ivoire.
  • Expo 2020, Dubai, UAE, 25 November 2021: e present Côte d'Ivoire ein successes plus opportunities to UAE, Gulf plus Asian investors.
  • World Economic Forum, Davos, Switzerland, 23–24 May 2022: e present Côte d'Ivoire ein National Development Plan 'Vision 2030'.
  • 8th TICAD, Tunis, Tunisia, 26–28 August 2022: high-level discussions dey on Africa ein development.
  • IMF Annual Meetings, Washington, DC, USA, 10–16 October 2022: e lead de Ivorian delegation go de International Monetary Fund (IMF) plus World Bank demma annual meetings. E meet World Bank President David Malpass, wey reaffirm de Bank ein support for de country ein Vision 2030 development strategy. Mr Achi too get discussion on global challenges plus how dem dey affect Africa with Kristalina Georgieva, Managing Director of de IMF.
  • Accra Initiative Summit, Accra, Ghana, 22 November 2022: African Heads of State summit wey de EU plus Gulf of Guinea countries take strengthen cooperation for de fight against terrorism plus for regional development.
  • US-Africa Leaders Summit, Washington, DC, USA, 12–15 December 2022: hosted by President Joe Biden. E lead de country ein business roundtable. E meet Meta personnel to talk about digital progress for Côte d'Ivoire.
  • Working visit, Paris, France, 21–24 February 2023: e meet key political figures including Bruno Le Maire, Minister of de Economy, Finance and Industrial and Digital Sovereignty, to discuss economic cooperation plus support for major projects like de Abidjan Metro plus Abidjan airport extension. E meet Prime Minister Elisabeth Borne to discuss Franco-Ivorian friendship plus partnerships, youth employment, agriculture, environmental protection, plus economic investment.
  • Africa CEO Forum, Abidjan, Côte d'Ivoire, 5–6 June 2023: e give opening ceremony speech on how important e be to build plus identify African champions.
  • Summit for a New Global Financing Pact, Paris, France, 22–23 June 2023: e take part for discussions wey dey set foundations for new global financing structure beyond de Bretton Woods system to tackle climate change, biodiversity crisis plus development challenges.
  • Francophonie Games, Kinshasa, RDC, 30 July 2023: e support Côte d'Ivoire ein teams plus promote Ivorian culture den sport.

Oda activities

[edit | edit source]
  • International Monetary Fund (IMF), ex officio Member of de Board of Governors

Ein life matter

[edit | edit source]

On 16 April 2020, Achi announce say e test positive for COVID-19 den e go self-isolate till further notice. For May 2021, dem fly am go Paris sake of "severe fatigue" plus for medical checks. E get 5 children. Achi ein mommie, Marianne Le Du, die for France for November 2023.[12]

References

[edit | edit source]
  1. ↑ "Ivory Coast: Achi reappointed PM, regional bank chief named VP". www.aljazeera.com (in English). Retrieved 2022-04-22.
  2. ↑ "Patrick Achi profile". London: Guardian. 22 February 2011. Retrieved 15 May 2013.
  3. ↑ "S.E. Patrick ACHI". Africa CEO Forum 2023 (in English). Retrieved 2024-01-29.
  4. ↑ "Côte d'Ivoire: Prime Minister Patrick Achi has resigned". The Africa Report.com (in English). Retrieved 2024-01-29.
  5. ↑ "Ivory Coast president removes prime minister, dissolves government". Reuters. October 6, 2023.
  6. ↑ "keynote-mr-patrick-achi | EIS Africa" (in English). Retrieved 2024-01-29.
  7. ↑ "Cote D'Ivoire — Central Intelligence Agency." Welcome to the CIA Web Site — Central Intelligence Agency. CIA, n.d. Web. 11 Nov. 2010. <"Cote d'Ivoire — Central Intelligence Agency". Archived from the original on 2007-08-15. Retrieved 2007-08-29.>.
  8. ↑ Aboa, Ange. "Ivory Coast PM in 'good shape' after return from France". U.S. (in American English). Archived from the original on 2023-10-22. Retrieved 2025-08-30.
  9. ↑ "Ivory Coast: Achi reappointed PM, regional bank chief named VP". www.aljazeera.com (in English). Retrieved 2022-04-22.
  10. ↑ "Ivory Coast president removes prime minister, dissolves government". Reuters (in English).
  11. ↑ "Côte d'Ivoire's RHDP party seeks new candidate after Coulibaly's death". The Africa Report.com (in English). Retrieved 2024-01-30.
  12. ↑ "Patrick Achi's mother has passed away: First Lady Dominique Ouattara offers her condolences to the former Prime Minister". Dominique Ouattara (in American English). Archived from the original on 2024-01-30. Retrieved 2024-01-30.
[edit | edit source]
Wikimedia Commons get media wey relate to Patrick Achi.
Dem retrieve am from "https://gpe.wikipedia.org/w/index.php?title=Patrick_Achi&oldid=76660"