Peppersoup
| Subclass of | soup  |
|---|---|
| Country | Nigeria |
| Country of origin | West Africa |
| Fabrication method | cooking |
| Used by | eating |
Peppersoup (anaa pepper soup) be a soup wey Cameroonians den Nigerians dey chop. Dem dey make diis soup dey use various meats anaa fish, chili peppers, salt, scent leaves den calabash nutmeg as ein primary ingredients. E be a spicy soup wey get a light, watery texture. Despite ein name, de soup no necessarily be defined by a pepper-forward flavor profile; de flavors be more complex, plus nutty, bitter, woodsy, den floral notes, as well as warmth.[1] E be considered a delicacy by sam people insyd Western Africa, wey sam West Africans dey believe say de soup get sam basic medicinal qualities.
Overview
[edit | edit source]Pepper soup be a common soup insyd Nigeria wey be prepared dey use various meats, fishes, chili peppers den calabash nutmeg as ein primary ingredients.[2][3] Pepper soup be very spicy wey e be often paired plus a cold beer anaa soft drink. While e be served as an appetizer at official gatherings, pepper soup be more popular at pubs. Insyd Nigeria, e be served at "leisure spots" as a recreational anaa "feel good" dish. Pepper soup cubes, a pre-mixed blend of spices dem use insyd pepper soup, be manufactured by one Nigerian company.
Description
[edit | edit source]Pepper soup typically be a watery soup.[4] E fi be prepared plus combinations of various meats, such as fish, shrimp, tripe, oxtail, chicken, game, goat, beef anaa cow hide. Additional ingredients fi include tomatoes, onion, green onions, garlic, sweet peppers, ginger, cloves, cinnamon den lime juice. Fufu, chow dem prepare from boiled den then pounded cassava anaa oda tubers, sam times dem use as an ingredient, wich dey thicken de soup den dey serve to impart a creamy texture. E sam times be served plus side dishes such as rice anaa boiled tubers, anaa dem serve atop dese ingredients. On de western coast of Africa, e typically be cooked outdoors insyd a cauldron.[5]
Pepper soup be considered to be a delicacy among riverine people[6] insyd Nigeria. E be a popular soup insyd Nigeria (Southern region) den insyd oda English-speaking countries insyd Western Africa. Sam West Africans dey believe say chicken pepper soup get medicinal qualities, wey e be served to ill people. Pepper soup sanso sam times be consumed by new mommies, secof e be believed by sam to assist in general healing of de body den insyd de secretion of breast milk. E sanso often be consumed after wedding celebrations, as a means to restore health.[5]
References
[edit | edit source]- ↑ "Nigerian Pepper Soup". Serious Eats (in English). Retrieved 2022-07-23.
- ↑ McWilliams, James E. (2005). A Revolution in Eating: How the Quest for Food Shaped America (in English). Columbia University Press. ISBN 978-0-231-12992-3.
- ↑ Asika-Enahoro, Chidi (2004). A Slice of Africa: Exotic West African Cuisines (in English). iUniverse. ISBN 978-0-595-30528-5.
- ↑ Long, Lucy M. (2016-07-15). Ethnic American Cooking: Recipes for Living in a New World (in English). Bloomsbury Publishing PLC. ISBN 978-1-4422-6734-3.
- 1 2 Webb, Lois Sinaiko (2000). Multicultural cookbook of life-cycle celebrations. Internet Archive. Phoenix, AZ : Oryx Press. ISBN 978-1-57356-290-4.
- ↑ Eko Magazine (in English). Newswatch Communications Limited. 1992.