Ramatu Baba
| Ein sex anaa gender | female  |
|---|---|
| Ein country of citizenship | Ghana |
| Place dem born am | Gold Coast Colony |
| Languages edey speak, rep anaa sign | English |
| Ein occupation | politician |
| Position ehold | Member of the 2nd Parliament of the 1st Republic of Ghana |
| Educate for | Achimota School |
| Political party ein member | Convention People's Party |
| Religion anaa worldview | Islam |
Ramatu Baba be Ghanaian politician during de first republic. She be de first female district commissioner for Ghana den de only woman wey ever serve as district commissioner for Yendi district.[1][2] She be member of parliament for Yendi constituency from 1965 go 1966.[3][4]
Biography
[edit | edit source]Ramatu Baba be daughter of de chief butcher for Yendi. She get ein education for schools insyd ein home district den Achimota School for Accra. After school, she work for Social Welfare department for Tamale, capital of de Northern Region. She lef civil service go work as regional woman organizer for United Ghana Farmers' Council (UGFC), group wey dey under Convention People's Party (CPP). She spend three years tour de whole region, den ein work cover both male den female farmers.[5] Dem appoint am as District Commissioner for Yendi district wen na she be only twenty-seven (27) years old.[6][7] She serve Yendi as District Commissioner till 1965 wey she become member of parliament (MP) for Yendi constituency. She remain MP till February 1966 wey dem overthrow Nkrumah ein government.[8][9]
Insyd 2003, she appear before National Reconciliation Commission make she beg say dem return her two houses den one car wey dem seize after dem overthrow de first republic government. She talk say Azu Crabbe commission clear her name, but de military government still go confiscate her assets. She add say she write letter to de PNDC government talk about her situation, den dem direct her go Confiscated Assets Committee. Mrs. Betty Mould-Iddrisu, wey be then chairperson of de commission, help am recover her buildings for Tamale wey people dey occupy. But later, dem take back de buildings as de occupants report de matter too go Confiscated Assets Committee. She get two sons.[10]
References
[edit | edit source]- ↑ "African Women, Volumes 2–5". African Women. Department of Education in Tropical Areas, University of London, Institute of Education: 48. 1956.
- ↑ "Ghanaians asked to be fair to all their leaders". Business Ghana. Retrieved 24 December 2019.
- ↑ "West Africa Annual, Issue 8". West Africa Annual. James Clarke: 81. 1965.
- ↑ "Ghana Year Book 1966". Ghana Year Book. Graphic Corporation: 22. 1966.
- ↑ Little, Kenneth (1973). African Women in Towns: An Aspect of Africa's Social Revolution. Cambridge University Press. p. 217. ISBN 9780521202374.
- ↑ Little, Kenneth (1973). African Women in Towns: An Aspect of Africa's Social Revolution. Cambridge University Press. p. 216. ISBN 9780521202374.
- ↑ FIDA Ghana (2004). A guide to women's participation in public office. Accra-North : FIDA-Ghana. p. xvi. ISBN 9789988580186.
- ↑ "New Ghana, Volumes 8–9". New Ghana. Information Services Department Accra: 247. 1964.
- ↑ "Parliamentary Debates; Official Report, Part 2". Parliamentary Debates; Official Report. Ghana National Assembly: iii and 8. 1965.
- ↑ "Former DC appeals to NRC". Ghana Web. 30 November 2001. Retrieved 24 December 2019.