Jump to content

Rebecca Kadaga

From Wikipedia
Rebecca Kadaga
human
Ein sex anaa genderfemale Edit
Country wey e be citizenUganda Edit
Name wey dem give amRebecca Edit
Ein date of birth24 May 1956 Edit
Place dem born amKamuli Edit
Languages edey speak, rep anaa signEnglish, Soga Edit
Ein occupationlawyer, politician Edit
Position eholdMember of the Parliament of Uganda, Speaker of the Parliament of Uganda, Deputy Prime Minister of Uganda, Minister for East African Community Affairs Edit
Educate forMakerere University, University of Zimbabwe, Namasagali College, University of Zimbabwe Faculty of Law Edit
Political party ein memberNational Resistance Movement Edit
Ethnic group Edit

Rebecca Alitwala Kadaga (born 24 May 1956) be a Ugandan lawyer den politician wey serve as de Speaker of de Parliament of Uganda from 19 May 2011 til 21 May 2021. She currently dey serve as de First Deputy Prime Minister of Uganda. She concurrently dey serve as Minister for East African Community Affairs, insyd de Cabinet of Uganda.[1]

She be de first woman dem elect Speaker insyd de history of de Parliament of Uganda. Na she succeed Edward Ssekandi, wey serve as Speaker from 2001 to 2011.[2][3]

She sanso be de current Member of Parliament (MP) for de Kamuli District Women's Constituency, Busoga sub-region, a position she hold since 1989.[4][5]

Background den education

[edit | edit source]

Na dem born am insyd Kamuli District, Eastern Uganda, on 24 May 1956. Rebecca Kadaga attend Namasagali College for ein high school education. She study law for Makerere University, wey she graduate plus de degree of Bachelor of Laws (LLB), insyd 1978. She go go obtain a Diploma in Legal Practice from de Law Development Center insyd Kampala insyd 1979. Insyd 2000, she obtain a Diploma in Women's Law from de University of Zimbabwe. Insyd 2003, she obtain de degree of Master of Arts (MA), wey she specialize insyd Women's Law, sanso be from de University of Zimbabwe.[6] Insyd 2019, Nkumba University, a private university insyd Uganda, award Kadaga an honorary Doctor of Laws degree.[7]

Work experience

[edit | edit source]
Rebecca Kadaga

Between 1984 den 1988, na she dey insyd private law practice. From 1989 to 1996, she serve as de member of parliament for Kamuli District insyd de District Woman's Constituency. She serve as de Chairperson of de University Council for Mbarara University between 1993 den 1996. Insyd 1996, she serve as Secretary General of de East African Women Parliamentarians Association.

Parliamentary duties

[edit | edit source]
Rebecca Alitwala Kadaga & Ursula von der Leyen - 2022
De Vice Pee, Shri M. Hamid Ansari plus de Speaker of de Parliament of Uganda, Ms. Rebecca Kadaga, insyd Kampala, Uganda

Besides ein duties as speaker of de Ugandan Parliament, she tap for de parliamentary committees wey dey follow:

  • Appointments Committee – De Committee dey review all Cabinet appointments by de Presido, wey fi approve anaa reject an appointment: De Speaker dey chair de committee
  • De Parliamentary Commission – De Speaker dey chair de Commission
  • De Business Committee – De Speaker dey chair de committee

References

[edit | edit source]
  1. ↑ "New Cabinet: Museveni drops Kutesa, 10 ministers". The Independent (Uganda). Kampala, Uganda. 9 June 2021. Retrieved 16 July 2021.
  2. ↑ Wambi, Michael (24 May 2011). "Politics: First Woman Speaker of Parliament Changing Politics". Inter Press Service. Retrieved 6 December 2014.
  3. ↑ Namutebi, Joyce; Mukasa, Henry; Olupot, Milton (19 May 2011). "Kadaga is first female Speaker". New Vision. Kampala, Uganda. Archived from the original (Archived from the original on 11 December 2014) on 11 December 2014. Retrieved 16 July 2021.
  4. ↑ Mutaka, Moses (2 July 2015). "Kadaga should quit Kamuli woman seat, says rival". Daily Monitor. Kampala. Retrieved 17 December 2017.
  5. ↑ Paul, Sonia (26 February 2016). "Will This Woman Replace Uganda's Strongman?". Slate Magazine. New York City. Retrieved 17 December 2017.
  6. ↑ "Profile of Alitwala Rebecca Kadaga". Parliament of Uganda. 2011. Retrieved 6 December 2014.
  7. ↑ Muganga, Eve; Kyeyune, Moses (26 October 2019). "Nkumba University Awards Kadaga With Honorary Doctorate of Laws". Daily Monitor. Kampala. Retrieved 26 October 2019.
[edit | edit source]
Dem retrieve am from "https://gpe.wikipedia.org/w/index.php?title=Rebecca_Kadaga&oldid=53365"