Rich Dad Poor Dad

Rich Dad Poor Dad

literary work

Title	Rich Dad Poor Dad
Subtitle	What The Rich Teach Their Kids About Money – That The Poor And Middle Class Do Not!
Main subject	personal finance
Genre	non-fiction
Has edition or translation	Rich Dad Poor Dad
Author	Robert Kiyosaki, Sharon Lechter
Publication date	1997
Country of origin	United States
Language of work or name	English
Page(s)	336

Rich Dad Poor Dad be a 1997 book wey Robert T. Kiyosaki den Sharon Lechter wrep. E dey advocate de importance of financial literacy (financial education), financial independence den building wealth thru investing insyd assets, real estate investing, starting den owning businesses, as well as increasing one ein financial intelligence (financial IQ).

Dem wrep Rich Dad Poor Dad insyd de style of a set of parables dem present as autobiographical. De titular "rich dad" be ein best paddie ein poppie wey accumulate wealth secof entrepreneurship den savvy investing, while na dem claim de "poor dad" to be Kiyosaki ein own poppie wey he dey say na he work hard all ein life buh he never obtain financial security.

Na Kiyosaki ein prior business ventures be modest, buh na he promote Rich Dad Poor Dad from self-publication to best-seller status wey na he make am de cornerstone of a media den educational franchise. For chaw years na he avoid questions about de identity of de "rich dad," wey dey raise suspicions say na no such person exist. Dey follow de death of Hawaiian hotel developer Richard Kimi, na dem identify as Kiyosaki ein mentor.

Summary

De story dey begin plus de author as a young boy, wey dey observe de contrasting financial mindsets den behaviors of ein own poppie, de "poor dad," den a paddie ein poppie, de "rich dad." Na de poor dad hold a high position insyd education wey na he emphasize de importance of academic success, job security, den living within one ein means. Na de rich dad, a successful entrepreneur, believe insyd building assets, investing wisely, den acquiring financial knowledge. E dey describe how de rich dad dey teach de author den ein paddie finance thru practical lessons.

Thru out de book, Kiyosaki dey share anecdotes den conversations wey na he do plus de rich dad, wey he guide am on various aspects of money, wealth creation, den financial independence. He dey learn valuable lessons about de difference between assets den liabilities, de power of financial education, den de importance of taking calculated risks. Kiyosaki dey emphasize de significance of acquiring assets wey dey generate income, such as real estate den businesses, as opposed to liabilities wey dey drain money, such as excessive consumer debt den unnecessary expenses. He dey introduce concepts like de cash flow quadrant, wich dey categorize individuals as employees, self-employed, business owners, anaa investors, wey dey highlight de advantages dem disadvantages of each quadrant.

De book sanso dey delve into de mindset den beliefs around money, wey dey discuss de importance of developing a positive relationship plus wealth den dey overcam limiting beliefs. Kiyosaki dey stress de need for financial literacy den dey encourage readers to take control of dema financial destinies by seeking out opportunities, learning from mistakes, den continuously educating demaselves about money.

Reception

Commercial

Na Rich Dad Poor Dad sell over 32 million copies. Na dem translate de book to over 51 languages across 109 countries, wey na e be on de New York Times bestsellers list for over six years. Na e launch a series of books den related products; wey na e receive positive reviews from sam critics.

Reviews

Na Actor Will Smith say na he teach ein son about financial independence by reading de book. Na PBS Public Television station KOCE air a 55-minute summary presentation of Kiyosaki dem title "A Guide to Wealth" insyd 2006. PBS sanso honor am plus an excellence in education award insyd 2005. Na Donald Trump do a literary collaboration plus Kiyosaki insyd 2006 dem call Why We Want You to Be Rich: Two Men, One Message, den a second book dem call Midas Touch: Why Some Entrepreneurs Get Rich — And Why Most Don't insyd 2011.

Na American fashion entrepreneur den investor Daymond John call de book one of ein favorites.

A competing financial self-help writer, John T. Reed, dey say, "Rich Dad, Poor Dad dey contain a large amount wrong advice, much bad advice, den virtually no good advice." He sanso dey state, "Rich Dad, Poor Dad be one of de dumbest financial advice books I have ever read. E dey contain chaw factual errors den chaw extremely unlikely accounts of events wey supposedly occur."

Na Slate reviewer Rob Walker call de book full of nonsense, wey na he say dat Kiyosaki ein claims be often vague, de narrative "fablelike", wey na dat much of de book be "self-help boilerplate", wey dey note de predictable common features of such books be present insyd Rich Dad, Poor Dad. He sanso dey criticize Kiyosaki ein conclusions about Americans, American culture, den Kiyosaki ein methods.

Publishing success

Na de book be self-published insyd 1997 before na dem pick am up commercially to become a New York Times bestseller. Na dem since sell am over 32 million copies wey na e cam be a household name. Insyd ein audio-book Choose to be Rich, na Kiyosaki say dat na every publisher turn am down, wey na Barnes & Noble initially refuse to stock de book. He dey place ein focus upon talk shows den radio show appearances, of wich na The Oprah Winfrey Show get de biggest influence on book sales.

Insyd April 2017 na dem publish a 20th Anniversary edition den insyd a preface to dis 20th Anniversary edition Kiyosaki dey assert wey na dem sell an estimated 40 million copies of de book globally.

Bibliography

• Rich Dad Poor Dad: What the Rich Teach Their Kids About Money That the Poor and Middle Class Do Not!, by Robert Kiyosaki and Sharon Lechter. Warner Business Books, 2000.