Rimma Kuruch

Rimma Kuruch

human

Ein sex anaa gender	female
Ein country of citizenship	Soviet Union, Russia
Name wey dem give am	Rimma
Ein date of birth	6 May 1938
Place dem born am	Q109539429
Date wey edie	8 July 2019
Place wey edie	Murmansk
Languages edey speak, rep anaa sign	Russian, Kildin Sami
Ein occupation	politician, researcher, linguist, language activist
Ein field of work	linguistics, Kildin Sami, Russian, philology
Employer	Murmansk Arctic State University, Murmansk Arctic University
Educate for	Alecu Russo State University of Bălți
Academic degree	Candidate of Sciences in Pedagogy, candidate of philology
Political party ein member	Russian Pensioners' Party

Rimma Dmitrievna Kuruch (Russian: Римма Дмитриевна Куруч, dem born am 6 May 1938 – she die 8 July 2019) na she be specialist insyd language education. Chao of ein work dey focus for documenting, preserving, den encouraging de use of Kildin Sámi. Kuruch sana help form de Kola Sámi Association wey she serve as ein first co-vice president.

Ein Early life den education

Dem born Kuruch insyd de village of Balovo wey dey Vachsky District, Gorky Oblast, Russia. Na Ein parents be of Moldovan heritage. Insyd 1961, she graduate from de Bălți State Pedagogical Institute insyd de Moldovan SSR plus degrees insyd Russian Language, Literature, den English wey she start dey work as teacher insyd rural schools wey dey Moldova. Insyd 1967, she plete ein graduate studies for Russian Academy of Education wey she start dey work for Chernivtsi State University wey dey de Ukrainian SSR insyd 1968. She cam turn full professor for there insyd 1971 wey she continue for university till 1975.

Ein Sámi language work

Insyd 1975, Kuruch relocate go Murmansk, wey she join Pedagogical Institute Murmansk (wey now be Murmansk Arctic State University) so say she go work plus de Institute of Linguistics of de USSR Academy of Sciences wey Kuruch participate for der as editor den author insyd de project so go say she create de first Sámi–Russian dictionary, Саамско–Русский Словарь/Са̄мь–Рӯшш Соагкнэһкь (wey dem publish insyd 1985), wey na edey included 8,000 words, 400 proverbs den sayings, sam sketch grammar, den extensive reference material.

Insyd 1976, she cam turn de head of regional authors' group wey dey work so say dem go preserve den develop de Kildin Sámi language. De group develop de modern Cyrillic orthography give Kildin Sámi, along plus curricula den resources wey dem dey take teach Kildin Sámi give elementary schools. Insyd 1995, Kuruch publish plus Nina Afanasyeva Правила орфографии и пунктуации саамского языка (Sámi Language Spelling den Punctuation Rules).

Insyd 2010, de Russian Association of Indigenous Peoples of de North honor am plus demma Fidelity go de North medal for ein decades of work wey she take revive de Kildin Sámi language.

Ein Political engagement

Beyond ein work plus Sámi languages, na Kuruch be engaged activist insyd de Murmansk community. She work plus de Murmansk Regional Branch of de Russian Party of Pensioners for Social Justice from 1998 go 2006, serving as chair from 2002 go 2006. From 2008, she chair de Murmansk Kiddies of de Great Patriotic War organization wey she serve for de organizing committee give de 70th anniversary celebrations wey mark de end of World War II den de defeat of Nazi troops insyd de Arctic.

External links

• Rimma Kuruch and Kildin Saami language planning Orbituary by Michael Rießler insyd Linguistica Uralica 56:3 (2020)