Jump to content

Rose Francine Rogombé

From Wikipedia
Rose Francine Rogombe
human
Ein sex anaa genderfemale Edit
Ein country of citizenshipGabon Edit
Name in native languageRose Francine Rogombé Edit
Birth nameRose Francine Allela Etomba Edit
Name wey dem give amRose Edit
Ein date of birth20 September 1942 Edit
Place dem born amLambaréné Edit
Date wey edie10 April 2015 Edit
Place wey edieVillejuif Edit
KiddieMadeleine Berre Edit
Languages edey speak, rep anaa signFrench Edit
Ein occupationpolitician, lawyer Edit
Position eholdPresident of Gabon Edit
Educate forNancy-Université Edit
Political party ein memberGabonese Democratic Party Edit
Award e receiveCommander of the Legion of Honour Edit

Rose Francine Rogombé (wey dem born am Rose Francine Etomba; September 20, 1942 – April 10, 2015) be Gabonese politician wey serve as acting President of Gabon from June to October 2009. Dis happen after de long-time President Omar Bongo die. Secof she be de President of de Senate dat time,[1] de constitution talk say she must take over.[2] Rose be lawyer by profession den member of de Gabonese Democratic Party (PDG).[3] She be de first woman wey ever head de state for Gabon history. After ein interim presidency finish, she return go ein work as President of de Senate.[4][5]

Ein early life den career

[edit | edit source]

Rose Francine Etomba come from de Galwa ethnic group; dem born am for Lambaréné for French Equatorial Africa (wey today be Gabon) for September 20, 1942.[6] After she fini ein studies for France, she work as magistrate for Gabon. She sanso serve for government as Secretary of State for de Advancement of Women and Human Rights[7] for de 1980s.[8] She commot for politics for de early 1990s when de country start multi-party system, wey she focus on law; later she become Vice-President for de Special Criminal Court.[6] For 2007, she get degree for theology.[7]

2008 local elections den 2009 senate election

[edit | edit source]

Insyd de April 2008 local elections, dem elect Rogombé as a municipal councillor insyd Lambaréné; dem subsequently elect am as a Senator from Lambaréné insyd de January 2009 Senate election.[2] Dey follow de latter election, dem elect am as President of de Senate on 16 February 2009, wey she receive de support of 90 of de 99 Senators wey vote.[8]

People call Rose "iron lady." She no be person wey everyone know well-well for public when President Bongo pick am say make she be President of de Senate, wey dis surprise chaw PDG leaders. Even though she no be loud for public, she know how political power work for Gabon secof she be Bongo ein close person den friend to Georges Rawiri ein family—Rawiri be big politician wey be President of de Senate before he die for 2006.[6]

Presidency

[edit | edit source]

As President of de Senate, Rose be de person wey de constitution pick say make he take over de Presidency if de office empty; but she go serve as "interim" pɛ, meaning she no fit contest for de new election. After President Omar Bongo die for June 8, 2009, de Constitutional Court pick Rose as interim President for June 9, wey she take ein oath de next day. De Court talk say she no get power to dissolve de National Assembly or call referendum. Under de law, dem suppose do new election within 30 to 45 days, but everyone know say e go delay small make dem fit update de voter rolls.[9]

Rose take de oath of office for June 10, 2009, for front of de Constitutional Court, government, Senate, den foreign diplomats. Before she start, everyone keep quiet for one minute to honor Bongo. She swear say she go use all ein power do good for de Gabonese people, protect dem from harm, den respect de constitution. Dat time, dem cut internet access wey television stations play only religious music sake of Bongo ein death.[10]

After Rose start de work as President of de Republic, Léonard Andjembé (First Vice-President of de Senate) take over ein place for Senate as interim. For de presidential election wey happen for August 30, 2009, Ali Bongo win. When Ali Bongo take de oath for October 16, 2009, Rose return go ein seat for Senate for October 20. Even though constitution no talk clearly say he fit return, Rose return set "precedent." Marcel Sandoungou, wey be de oldest Senator, give am medal of honor becos of how she lead de country well during de transition. She talk say de Senate ready work plus Bongo for ein reforms.[4]

Post-presidency

[edit | edit source]

For January 30, 2010, Rose distribute 23,000 toys give children for Lambaréné make dem celebrate Christmas even though de time pass small.[11]

After de December 2014 Senate election, Lucie Milebou Aubusson take over from Rose as President of de Senate for February 27, 2015.[12]

Rose Francine Rogombé die for April 10, 2015, for one hospital for Paris, where she go for medical treatment few days before.[13][14]

References

[edit | edit source]
  1. ↑ "Senate speaker becomes Gabon's first woman president". Google News. Archived from the original on 2014-02-26. Retrieved 2026-03-31.
  2. 1 2 Christian Walter Ngouah-Beaud, "Portrait: Rose Francine Rogombé, du prétoire au perchoir" Archived 18 February 2009 at the Wayback Machine, Gabonews, 17 February 2009.
  3. ↑ Magnowski, Daniel (16 May 2009). "Gabon's Bongo in Europe, "resting" from duties". Reuters. Archived from the original on 24 July 2018. Retrieved 8 June 2009.
  4. 1 2 "Gabon: Rose Rogombé regagne son terreau du Sénat", Gaboneco, 20 October 2009.
  5. ↑ Skard, Torild (2014) "Rose Rogombé" in Women of power – half a century of female presidents and prime ministers worldwide, Bristol: Policy Press ISBN 978-1-4473-1578-0, pp. 313–4
  6. 1 2 3 "Gabon: Mme Rogombé, une magistrate fidèle de Bongo aux commandes". JeuneAfrique.com (in French). Retrieved 2026-03-31.
  7. 1 2 Christian Walter Ngouah-Beaud, "Gabon: Parlement: Rose Francine Rogombé à la tête de la chambre haute pour six ans" Archived 18 February 2009 at the Wayback Machine, Gabonews, 16 February 2009
  8. 1 2 "Gabon: Une femme élue président du Sénat" Archived 15 February 2012 at the Wayback Machine, Infosplusgabon, 17 February 2009.
  9. ↑ "Gabon's premier sees no election by end July", AFP, 23 June 2009.
  10. ↑ "Gabon appoints interim president". BBC News. 10 June 2009. Retrieved 10 June 2009.
  11. ↑ "Moyen-Ogooué : La présidente du Sénat distribue 23.000 jouets aux élèves de la commune", Agence Gabonaise de Presse, 1 February 2010.
  12. ↑ "Lucie Milebou Aubusson, élue sans surprise président du Sénat" Archived 2 April 2015 at the Wayback Machine, Agence Gabonaise de Presse, 27 February 2015.
  13. ↑ Jacques Jarele Sika, "France : Rose Rogombé a tiré sa révérence à Paris", Gabonews, 10 April 2015.
  14. ↑ Gabon: Francine Rogombe, the first woman senator died
[edit | edit source]
Dem retrieve am from "https://gpe.wikipedia.org/w/index.php?title=Rose_Francine_Rogombé&oldid=96995"