Shire River

Shire River

river

Origin of the watercourse	Lake Malawi
Mouth of the watercourse	Zambezi River
Lake for watercourse top	Lake Malawi, Lake Malombe
Drainage basin	Zambezi Basin
Country	Malawi, Mozambique
Coordinate location	14°25′0″S 35°14′0″E, 17°41′40″S 35°19′10″E

De Shire /ˈʃiːreɪ/ be de largest river insyd Malawi. E be de only outlet of Lake Malawi den flows into de Zambezi River insyd Mozambique. Ein length be 402 kilometres (250 mi). De upper Shire River dey flow out of Lake Malawi den dey run approximately 19 km (12 mi) before e enter de shallow Lake Malombe. E then dey drain Lake Malombe den dey flow south thru Liwonde National Park wey large concentrations of hippopotamus be common along ein banks. Between de towns of Matope den Chikwawa, de middle river dey drop approximately 400 m (1,300 ft) thru a series of falls den gorges, wey dey include Kapachira Falls. Dem build two hydroelectric dams along de Shire northwest of Blantyre.

Beyond Chikwawa, de lower river dey turn southeast den dey enter de low-lying Mozambique plain. Ein largest den one of ein few perennial tributaries, de Ruo River, dey join de Shire near de Malawian town of Chiromo. De muddy waters pass thru a large stagnant area wey dem know as de Elephant Marsh before reaching de confluence plus de Zambezi River south of de town of Sena, Mozambique.

Insyd 1859, David Livingstone ein Second Zambezi expedition travel up de Shire river.

De river ein valley be part of de East African Rift system.