Sinan Pasha Mosque (Prizren)

Sinan Pasha Mosque

mosque, historic site, architectural heritage monument

Year dem found am	1615
Religion anaa worldview	Islam
Country	Kosovo
Edey de administrative territorial entity insyd	Prizren, Prizren Municipality
Coordinate location	42°12′32″N 20°44′29″E
Architectural style	Ottoman architecture
Heritage designation	Cultural Monument of Exceptional Importance, Cultural heritage monument of Kosovo

De Sinan Pasha Mosque (Albanian: Xhamia e Sinan Pashës; Serbian: Синан пашина Џамија / Sinan pašina džamija; Turkish: Sinan Paşa Camii) be an Ottoman-era mosque insyd de city of Prizren, Kosovo build by de Albanian pasha Sofi Sinan insyd 1615. De mosque dey overlook de main street of Prizren wey ebe a dominant feature insyd de town ein skyline.

History

Sofi Sinan Pasha start construction of de mosque insyd either 1600 anaa 1608. Sofi Sinan Pasha, an Albanian den former beylerbey den kaymakam insyd Bosnia (make he no be confused plus grand vizier Sinan Pasha, wey build de Sinan Pasha Mosque insyd de nearby city of Kaçanik).

Ebe widely considered dat de stones dem use take build de mosque be taken from nearby Holy Archangels Monastery. In fact, dem fi see parts of de former monastery insyd de mosque. De monastery, wich na dem abandon after de arrival of de Ottomans insyd de 16th century, na e fall to ruins by de 17th century. Hasan Kaleshi, an Albanian historian, sustain insyd 1972 dat Sofi Sinan Pasha no fi possibly order any monastery destruction as na dis be impossible widout a Sultan decree, rather, he order de use of de spare stones to a better deed as de Sultan order.

Na dem declare Sinan Pasha Mosque a Monument of Culture of Exceptional Importance insyd 1990 by de Republic of Serbia.

Description

Sinan Pasha Mosque during de winter

De mosque dey cover roughly 14 m (46 ft) by 14 m (46 ft) wey ebe square in shape. E get one large dome den anoda smaller half-dome wey dey cover de mihrab, wich dem paint wey e get a stalactite hood. De mosque ein walls be 1.65 m (5.4 ft) thick wey ein minaret, wich be topped by a conical structure dem cover by lead, be 43.5 m (143 ft) in height.

Na dem paint de walls den dome insyd Sinan Pasha Mosque insyd de 19th century, mostly of floral patterns den Qur'an verses. Dem paint de minbar plus floral motives. Dem cover both de large dome den de half-dome of de mosque plus lead. De stone flooring of de mosque den de carpentry be original.

Preservation concerns

Rain, wich na over time enter de mosque via holes insyd de roof, cause de loss of sam original paintings for de walls top wey lead to de detachment of sam of de wall plaster. Na stones of de façade face weathering.

Na Abdullah Gërguri work for a series of repairs of de murals, particularly insyd de 1970s.

Insyd early 2000 na d estimate de cost to rehabilitate de building for €500,000 by UNESCO.

Manuscripts den use of building controversy

Na de Prizren municipality intend make dem build a library within de mosque so say dem go preserve no be de original Ottoman manuscripts dem find insyd de mosque per, buh oda valuable ones wey fi be found all over Kosovo. However, de Islamic Union of Kosovo file a lawsuit against de Prizren Municipality so say e no go allow de mosque make e cam turn a museum, buh instead make dem make e continue to be a religious building.