Solomon Antwi Kwaku Bonsu
| Ein sex anaa gender | male  |
|---|---|
| Ein date of birth | 1 November 1921 |
| Ein occupation | politician, lawyer |
| Position ehold | Member of the 2nd Parliament of the 1st Republic of Ghana, Member of the 1st Parliament of the 1st Republic of Ghana |
| Educate for | Middle Temple, Presbyterian College of Education, Presbyterian College of Education, Akropong |
| Religion anaa worldview | Christianity |
Samuel Antwi Kwaku Bonsu, wey people sana dey call Solomon Antwi Kwaku Bonsu, be Ghanaian politician for de first republic. He serve as Minister of Co-operatives, den later become Minister of Pensions and National Insurance. He be Member of Parliament for Sekyere West constituency from 1959 to 1965, den from 1965 to 1966 he represent Adotobri constituency for parliament.
Early life den education
[edit | edit source]Bonsu born on 21 November 1921 for Asante Mampong insyd Ashanti Region.[1] After he complete ein Standard Seven, he enter Presbyterian College of Education (wey dem dey call Presbyterian Training College by den), where he get ein Teachers' Certificate 'A'.[1] Later, he continue ein studies for Theological Seminary for Akropong, wey he graduate for 1941.[1] Insyd 1954, he study make he get ein GCE Advanced Level certificate before he proceed go United Kingdom to study law for Middle Temple, London.[2] He get call to de bar as barrister-at-law for 1957.[2]
Life den politics
[edit | edit source]Bonsu start ein career as teacher for Kumasi Presbyterian Middle School before he join de Kumasi branch of U.T.C. as Departmental Store Manager.[2]
Insyd 1959, Bonsu become private legal practitioner, den on 12 June dat same year, he get sworn into office as Member of Parliament for Sekyere West constituency. Dis happen because de seat come vacant under one law wey dey parliament by dat time wey say any MP wey no fit show up for parliament for ten (10) straight days go lose ein seat.[3]
De former person wey hold de seat, R. R. Amponsah, lose ein seat because of dis law, as he dey under detention den trial for allegedly planning coup with M. K. Apaloo to overthrow Nkrumah. Bonsu get appoint as deputy minister for Justice for 1960,[4][5] den one year later, he become Chief of State Protocol during de Queen ein visit to Ghana. He continue serve as deputy minister for Justice from 1960 till January 1965, wey President Dr. Kwame Nkrumah appoint am as Minister of Co-operatives.[6] Insyd June dat same year, dem move am go head de Ministry of Pensions and National Insurance.[7] One month later, he become Member of Parliament for Adotobri constituency.[8] He serve for all these roles under de Nkrumah government until Nkrumah get overthrow for February 1966.
References
[edit | edit source]- 1 2 3 "Ghana Year Book 1966". Ghana Year Book. Graphic Corporation: 12. 1966.
- 1 2 3 "Ghana Year Book 1966". Ghana Year Book. Graphic Corporation: 12. 1966.
- ↑ Asamoah, Obed (2014). "The Political History of Ghana (1950–2013): The Experience of a Non-Conformist". p. 50. ISBN 9781496985637.
{{cite web}}: CS1 maint: url-status (link) - ↑ United States. Congress. Senate. Committee on Appropriations (1967). "Departments of State, Justice, and Commerce, the Judiciary, and Related Agencies Appropriations for Fiscal Year 1968: Hearings Before the Subcommittee... Ninetieth Congress, First Session on H.R. 10345". U.S. Government Printing Office. p. 194.
- ↑ "The Parliamentarian, Volumes 41–42". The Parliamentarian: Journal of the Parliaments of the Commonwealth. Ghana National Assembly. 1960. p. 343.
- ↑ Daily Report, Foreign Radio Broadcasts, Issues 15–16 (Report). United States. Central Intelligence Agency. 1965. p. I1.
- ↑ "Parliamentary Debates; Official Report, Part 2". Parliamentary Debates. Ghana National Assembly. 1965. p. ii.
- ↑ "Parliamentary Debates; Official Report, Part 2". Parliamentary Debates. Ghana National Assembly. 1965. p. iv.