Stoning of the Devil
| Part of | Hajj  |
|---|---|
| Coordinate location | 21°25′16″N 39°52′21″E |
| Uses | Stoning of the Devil |
De Stoning of the Devil (Arabic: رمي الجمرات ramy al-jamarāt, lit. "throwing of de jamarāt [place of pebbles]")[1][2][3] be part of de annual Islamic Hajj pilgrimage to de holy city of Mecca insyd Saudi Arabia. During de ritual, Muslim pilgrims throw pebbles at three walls (formerly pillars), dem call jamarāt, insyd de city of Mina just east of Mecca. E be a symbolic reenactment of Ibrahim ein (anaa Abraham ein) hajj, wer he stoned three pillars wey dey represent de Shaitan (anaa Satan), den Muslims dema temptation to disobey de will of Allah.
On Eid al-Adha (de 10th day of de month of Dhu al-Hijjah), pilgrims for strike de Big Jamarah anaa Al-Jamrah Al-Aqaba plus seven pebbles. After dem plete de stoning on de day of Eid, every pilgrim for cut anaa shave dema hair.[4] On each of de following two days, dem for hit all three walls plus seven pebbles each, dey go in order from east to west. Thus at least dem dey hia 21 pebbles for de ritual; dem go hia more stones if dem fail to hit de pillar. E be permissible for de stones to fall into de designated areas of de pillars, den der be no need make dem san throw dem if dem land insyd de appropriate vicinity.
Sam pilgrims stay at Mina for an additional day, insyd wich case dem for san stone each wall seven times. De pebbles dem use insyd de stoning traditionally be gathered at Muzdalifah, a plain southeast of Mina, on de night before de first throwing, buh sanso fi be collected at Mina.
Replacement of de pillars
[edit | edit source]Til 2004, na de three jamarāt (singular: jamrah) be tall pillars. After de 2004 Hajj stampede, Saudi authorities replace de pillars plus 26-metre-long (85 ft) walls for safety; na chaw people accidentally dey throw pebbles at people on de oda side. To allow easier access to de jamarāt, dem build a single-tiered pedestrian bridge dem call de Jamaraat Bridge around dem, wey dey allow pilgrims to throw stones from either ground level anaa from de bridge.
Dem name de jamarāt (dey start from de east):[5]
- de first jamrah (al-jamrah al-'ūlā), anaa de smallest jamrah (الجمرة الصغرى al-jamrah aṣ-ṣughrā),
- de middle jamrah (الجمرة الوسطى al-jamrah al-wusṭā),
- de largest jamrah (الجمرة الكبرى al-jamrah al-kubrā), anaa Jamrah of Aqaba (جمرة العقبة jamrat al-ʿaqaba).
Before 2004, na de distance between de small den middle be 135 m (443 ft); between de middle den large na e be 225 m (738 ft).[5]
References
[edit | edit source]- ↑ Burton, Richard Francis (1857). Personal Narrative of a Pilgrimage to El Medinah and Meccah. Longman, Brown, Green, Longmans, and Roberts. p. 226. Retrieved 2016-10-23.
The word jamrah is applied to the place of stoning, as well as to the stones.
- ↑ Abū Dāʼūd (1984). Sunan Abu Dawud: Chapters 519-1337. Sh. M. Ashraf. ISBN 9789694320977. Archived from the original on 2017-04-09. Retrieved 2016-10-23.
1204. Jamrah originally means a pebble. It is applied to the heap of stones or a pillar.
- ↑ Hughes, Thomas Patrick (1995) [1885]. Dictionary of Islam. Asian Educational Services. p. 225. ISBN 978-81-206-0672-2. Archived from the original on 2016-05-08. Retrieved 2016-10-23.
Literally "gravel, or small pebbles." The three pillars [...] placed against a rough wall of stones [...]
- ↑ "Day 3: 10th of Dhul Hijjah | Hajj & Umrah Planner". hajjumrahplanner.com (in British English). 12 February 2017. Archived from the original on 2017-04-07. Retrieved 2017-04-07.
- 1 2 Muhammad H. Al-Haboubi (October 2003). "A New Layout Design for the Jamarat Area (Stoning the Devil)". The Arabian Journal for Science and Engineering. 28 (2B). CiteSeerX 10.1.1.133.6854.
External links
[edit | edit source]