Supreme Court of Ghana

Supreme Court of Ghana

supreme court

Year dem found am	1876
Country	Ghana
Coordinate location	5°32′44″N 0°12′17″W

De Supreme Court of Ghana be de highest judicial body for Ghana. Ghana ein 1992 constitution make sure say de Judiciary dey independent den separate from de Legislative den de Executive arms of government.

De Supreme Court of Ghana get de final say for legal matters wey fi turn over decisions wey lower courts make. De Court get nine justices wey dem dey hear cases on plenty things, like criminal law, civil law, den administrative law.

History

De Supreme Court be set up by de Supreme Court Ordinance (1876) as de highest tribunal court for de Gold Coast (now Ghana) for de colonial time.

Until 1960, people get right to appeal go the Judicial Committee of the Privy Council for London, England.

On July 2, 2013, de Supreme Court jail de editor of Daily Searchlight newspaper, Ken Kuranchie, for 10 days because e call de 9 Justices hypocrite an selective. After Ghana parliament pass bill make weed cultivation legal for de country for 2022, de Supreme Court for May 2023 cancel de cannabis cultivation bill by 5-4 majority.

Role den Jurisdiction

De Supreme Court of Ghana get important role for the country ein legal system. E power cover plenty different matters, like:

• Constitutional Interpretation: De Supreme Court get power to interpret the laws inside the Constitution of Ghana. This work be very important because e make sure say the Constitution still dey work well and fit change small small to meet the needs of the country as things dey change

• Presidential Election Petitions: If gbege come inside presidential elections, de Supreme Court get de power to settle de matter den decide whether de election results be valid. One popular case be the 2012 presidential election petition, where de court confirm say President John Dramani Mahama ein election be legit. This case show how de court dey serious about keeping Ghana ein election process clean and correct.

• Appellate Jurisdiction: De Supreme Court be de highest appeal court for Ghana, and e dey hear appeals from lower courts on different legal matters.

External links

• Official Website of the Judicial Service of Ghana
• Ghana Constitution

• Parliament of Ghana Website
• GhanaReview.com