Swedish Gold Coast

Swedish Gold Coast

former administrative territorial entity, colony

Year dem found am	1650
Official language	Swedish
Continent	Africa
Date dem dissolve, abolish anaa demolish	1663

Fort Carolusborg, dem build for de initiative of Carloff

De Swedish Gold Coast (Swedish: Svenska Guldkusten) na ebe a Swedish colony dem found insyd 1650 by de Swedish Africa Company den Hendrik Carloff on de Gulf of Guinea insyd present-day Ghana insyd Africa. Under Swedish control for eleven years, na e disappear for good insyd April 1663 wen na e cam turn part of de Dutch Gold Coast.

History

Dey follow de foundation of de Swedish Africa Company (1649) by Louis de Geer, na dem send an expedition under de command of Hendrik Carloff to Africa insyd 1650. Na Carloff make a treaty plus de Akan King of Futu (sanso be Feta) for make dem sell sam areas of land. For 22 April 1650, na dem found de Swedish Gold Coast den Carloff cam be ein first administrator. Insyd 1652, na dem lay de foundations of de Fort Carlsborg.

Insyd 1656, na dem appoint Johan Filip von Krusenstierna (bro of de great-grandfather of Adam Johann von Krusenstern) de new Governor. Na dis enrage Carloff. Na he lef Cabo Corso only make he return on 27 January 1658 on de Danish Privateer Glückstadt. Na dem seize Fort Carlsborg wey dem make am part of de Danish Gold Coast colony.

Na King Charles X Gustav of Sweden make dis one of ein reasons make he go to war plus Denmark-Norway.After de Treaty of Copenhagen insyd 1660, na dem for return Cabo Corso Castle to Swedish administration. However, na dem then reveal say Carloff ein associate Samuel Schmidt (Smith, Smit) already illegally sell de colony insyd April 1659 to de Dutch West India Company for ein own, wey na he disappear plus de gold to Angola.

Later on, na de local population start a successful uprising against dema new masters, den insyd December 1660, de King of de Akan people subgroup-Futu san offer Sweden control over de area. Na dem send a new expedition to de colony wich remain under Swedish administration for a short period per. Na dem reappoint Von Krusenstierna as administrator.

For 20 April 1663, na dem san seize de capital Fort Carlsborg den Fort Christiansborg by de Dutch after a long defense under de Swedish commander Anton (Tönnies) Voss.

For 9 May 1664, na dem san seize de Dutch controlled area by Robert Holmes wey he make am part of de British Gold Coast colony. Na dem later formally relinquish Swedish claims to de colony insyd de 1667 Treaty of Breda.

Geography

Na de colony consist of a few forts den trading posts per dem scatter around Cabo Corso (present-day Cape Coast) along de coast on de Gulf of Guinea insyd wat later go be de British Gold Coast then Ghana. Na de eastern section of de colony later swapped hands from de German Empire (wer na e noticeably expand northward) to France, wey e then later gain independence as Togo.

Na de colony consist of de following fortifications den trading posts (factories).

Place insyd Ghana	Fort name	Dem found/ Dem occupy	Dem cede	Comments
Cape Coast, Central Region	Fort Carlsborg	1650, 1660	1658, 1663	Headquarter. Dem sanso know am as Carolusborg den Cape Coast Castle. Under Swedish administration 22 April 1650 – January/February 1658, den 10 December 1660 – 22 April 1663.
Anomabu, Central Region	Fort William	1650	1657	Dem sanso know am as Annamabo
Butri near Sekondi-Takoradi, Western Region	Fort Batenstein	1650	1656	Also known as Batensteyn
Osu, Ghana insyd Accra	Fort Christiansborg	1652	1658	Dem sanso know am as Osu Castle. E be captured by de Danes insyd 1658.
Sekondi-Takoradi, Western Region	Fort Witsen	1653	1658	Dem sanso know am as Taccorari
Beyin, Western Region	Fort Apollonia	1655	1657

Na dem sanso hold de factories wey dey follow:

• Gemoree Factory
• Accara Factory

Colonial heads

Na each of de three Swedish administrators get a different gubernatorial title:

• Director: Hendrik Carloff, 22 April 1650 – 1655
• Governor: Johann Philipp von Krusenstjerna (son of Philipp Crusius), 1655 – 27 January 1658
• Danish occupation: 27 January 1658 – Mar 1659
• Dutch occupation: Mar 1659 – 10 December 1660
• Futu occupation (nominally Swedish): 10 December 1660 – 1662
• Commander: Tönnies Voss 16 March 1662 – 22 April 1663

External links

• WorldStatesmen.org: Swedish Gold Coast
• about the forts