Sybille Bammer

Sybille Bammer

human

Ein sex anaa gender	female
Ein country of citizenship	Austria
Country for sport	Austria
Name wey dem give am	Sybille
Family name	Bammer
Ein date of birth	27 April 1980
Place dem born am	Linz
Languages edey speak, rep anaa sign	German
Ein occupation	tennis player
Residence	Linz
Start of work period	1997
End of work period	2011
Member give sports team	Austria Billie Jean King Cup team
Hair color	blond hair
Sport	tennis
Singles record	363–338
Doubles record	31–91
Playing hand	left-handedness, two-handed backhand
Participant insyd	tennis at the 2008 Summer Olympics
Dema official website	http://www.sybillebammer.at

Sybille Bammer (born 27 April 1980) be a former professional tennis player wey komot Austria. Ein career-high ranking be No. 19, wich na she achieve on 17 December 2007.

Na she be one of three mommies on de WTA Tour, na she take time off at age 21 to get ein daughter Tina before she return to de tour. Wen na she win de 2007 Pattaya Open, na e be de first time insyd 18 years wey a mommie win on tour, after Laura Arraya insyd 1989.

Tennis career

Dem born insyd Linz, Bammer make ein WTA Tour main-draw debut as a wildcard insyd 2000 at de Klagenfurt event wer na she loose to German player Andrea Glass. She fail to qualify for Wimbledon, de US Open den ein home tournament insyd Linz.

During 2001 na she take a break from tennis to give birth to ein daughter, Tina. Na dem rank am No. 238 at de time of ein retirement, na she believe ein tennis career be over. She stay insyd de Austrian village of Ottensheim for a year to care for ein daughter. Na de baby ein poppie, boyfriend Christophe Gschwendtner, offer to take a break from ein engineering career to take care of Tina so say Bammer fi return to de tour.

Upon ein post-pregnancy comeback insyd 2002 she cruise to win ein first career singles title at de $10k event insyd Grenoble. Na she win anoda two insyd de same year at Mostar den Innsbruck, both $25k events on de ITF Circuit. During 2003, she pick up anoda four $25k singles titles. She sanso make ein debut for Austria insyd dema Fed Cup team.

Na ein daughter, Tina, be a frequent regular insyd de crowd. Na Bammer say of ein daughter, "She always dey tell oda people make dem be quiet secof mommie dey concentrate."

Insyd 2005, na Bammer make ein career breakthru, wey na she soar into de top 100 insyd de rankings, wey dey include she make ein Grand Slam main draw debut at de US Open, wer na she fall insyd de first round to Martina Suchá as a qualifier. At de Tier-III event insyd Kolkata, na Bammer reach ein first-ever WTA quarterfinal event, wey she then reach ein second at de Tier-II event insyd Linz as a wildcard, wey she defeat Virginie Razzano den Vera Dushevina. Na she be de first Austrian since Barbara Schett insyd 2000 to make am to de quarterfinals der. After ein impressive run insyd Linz, she reach a new career-high of No. 77.

At de start of 2006, she achieve ein best-ever Grand Slam performance insyd ein second-ever Grand Slam main draw per, wey she make de third round. Two weeks later, na she reach ein first WTA Tour semifinal at Pattaya City, wey she fall to eventual champion Shahar Pe'er. Na she reach de third round insyd Indian Wells before she loose to 19th seed Martina Hingis, den de second round insyd Charleston, wey she loose to top seed Justine Henin-Hardenne. During de Fed Cup, she fall 0–3 insyd Austria ein 5–0 defeat to Spain.

She make ein top-50 debut at No. 42 dey follow a third-round appearance at Berlin, wey she loose to sixth seed Svetlana Kuznetsova. Insyd ein first Wimbledon main-draw showing, she reach de third round, wey she notch ein best career win thus far over Nathalie Dechy, she then rank No. 23. Na dis be followed by a poor U.S. hardcourt season, she fall insyd de first round at four events wey na she reach de second round insyd three, wey dey include de US Open. She then reach ein third career quarterfinal insyd Bangkok, she once again beat Nathalie Dechy before she fall to Tamarine Tanasugarn, de eventual runner-up. She fini de season ranked No. 53, ein best year-ending ranking thus far.

2007

After she loose insyd de first round of Gold Coast to eventual runner-up Martina Hingis, 0–6, 2–6, de week wey dey follow at Hobart, a Tier-IV event, she raise chaw eyebrows by she issue a quarterfinal defeat to then eight-time Grand Slam champion Serena Williams, wey na she dey play ein first tournament since de US Open. Plus dis victory, she cam be one of de very small number of players wey na dem get a winning head-to-head record over Williams. She loose easily insyd de semifinals to Vasilisa Bardina, 3–6, 1–6. She then loose 4–6, 5–7 insyd de first round of de Australian Open to Anna Chakvetadze, after she lead 5–2 insyd de second set.

Insyd February 2007, she finally win ein first WTA Tour title ten years after she turn professional, wey she beat Vasilisa Bardina insyd de first round to avenge ein semifinal loss to am at Hobart, Anastasia Rodionova, Martina Suchá, Peng Shuai wey she top am off plus a victory over Gisela Dulko insyd de final, wey she save three match points en route to victory.

At Indian Wells, she cam be de No. 33 seed after na Elena Dementieva withdraw. She make de most of ein luck, wey she stun everybro by making de semifinals of de Tier I event, ein first-ever semifinal at dis level. Insyd de fourth round, she stun No. 10 seed Ana Ivanovic, wey na she beat No. 13 seed Tatiana Golovin insyd de quarterfinals. Unfortunately, na ein fairytale cam to an end insyd de semifinals wey she loose to Svetlana Kuznetsova, de second seed, plus a result of 7–6, 4–6, 1–6. Secof dis amazing run, she rise to a new career high of No. 30.

She loose early insyd Miami to tricky French left-hander Émilie Loit, wey na she then move onto de green clay of Amelia Island. She anoda brilliant run hie, wey she beat Daniela Hantuchová insyd de quarterfinals buh then she loose to de eventual runner-up Nadia Petrova insyd de semifinals. Na dis mean say she reach anoda career high, wey she move up to No. 26 insyd de world. She reach de third round of Charleston, wey she loose to surprise quarterfinalist Michaëlla Krajicek, buh nevertheless she make ein top 25 debut at No. 25.

She play give Austria insyd de Fed Cup against Australia at de end of April. She end plus a 2–0 record after she win both of ein singles matches against Samantha Stosur den Alicia Molik as Austria win 4–1. Na ein first tournament of May be de German Open, wer na she loose to Kuznetsova insyd de second round. She then go to de second round of de Rome Masters, wey she loose to Hantuchová 1–6, 2–6.

At de time of de French Open, na dem rank am 25 insyd de world wey na she enter de tournament as de 20th seed. She beat Roberta Vinci (6–4, 6–4), Olga Savchuk (6–0, 6–3) den 16th seed Li Na (6–4, 6–3) to record ein best performance at a Grand Slam to date. Unfortunately, she be defeated by top seed, world number one, den eventual champion Justine Henin 6–2, 6–4 insyd de French Open fourth round. Nonetheless, na e cap a breakthru Grand Slam for Sybille, wey result in a new career high of world No. 22 give am.

Insyd ein first grass-court tournament, de Eastbourne International, she win thru to de third round, only to be beaten insyd three tight sets by Nadia Petrova. At Wimbledon, Bammer loose insyd de second round to Laura Granville 1–6, 4–6.

Since na ein daughter start school insyd Austria insyd September 2007, na Bammer decide to plan ein season so dat she never go be away from home for more dan a month at any one time.

Insyd de Stanford Classic, na dem defeat am insyd three sets by unseeded Sania Mirza insyd de semifinals.

Insyd de final staging of de Acura Classic, na she make am to round 2 before she loose to Ai Sugiyama. Nevertheless, she make ein top-20 debut afterwards.

At de 2007 US Open, Bammer make am all de way to de fourth round, wey she equal ein best Grand Slam performance to date. Along de way, na she defeat 2004 finalist Elena Dementieva handily 6–1, 6–2, before she loose to Jelena Janković insyd three sets.

Bammer fini 2007 at No. 19 insyd de world den as de highest ranked Austrian woman.

2008

Bammer start de season by she compete insyd de Mondial Australian Women's Hardcourts insyd de Gold Coast. She be de seventh seed buh she loose to eventual champion Li Na insyd a close match, 6–4, 4–6, 6–4. She then get ein first win over Nadia Petrova insyd de first round of de Sydney International insyd straight sets, 7–5, 6–3, before she loose to Katarina Srebotnik.

Na Sybille be de 19th seed at de Australian Open. She defeat Tamarine Tanasugarn 6–7, 6–4, 6–2 insyd de first round, before she loose easily to Hsieh Su-wei 2–6, 0–6. Na she loose insyd de first round of de Proximus Diamond Games insyd Antwerp to Yaroslava Shvedova.

At de Qatar Open, na Bammer make ein first ever Tier-I quarterfinal wey na she score de biggest win of ein career over world No. 2, Svetlana Kuznetsova. Na e sanso be ein first ever top ten win. Na dem end ein run by eventual runner-up, Vera Zvonareva, 2–6, 6–2, 6–0. She follow am up by reaching de second round insyd Dubai, wey she loose to Francesca Schiavone.

At de Bangalore Open, she loose insyd de second round to Anastasia Rodionova 7–6, 6–2, after she hold a 5–2 lead insyd de first set.

Na Bammer reach de quarterfinals at de Beijing Olympics, wer na she loose insyd three sets to ninth seed Vera Zvonareva, 3–6, 6–3, 3–6.

At de US Open, na dem seed Bammer 29th wen na she defeat No. 12, Marion Bartoli, 7–6, 0–6, 6–4 insyd de fourth round. She struggle plus unforced errors insyd a loss to No. 2, Jelena Janković, insyd de quarterfinals.

2009

Na dem seed am at de Australian Open buh na she loose insyd de first round.

At de French Open, as de 28th seed, she defeat Nathalie Dechy insyd de first round 3–6, 6–4, 6–1, before she loose to Melinda Czink 6–4, 3–6, 8–10. Dey partner Łukasz Kubot of Poland insyd de mixed doubles draw, she win two matches wey na dem make am thru to de quarterfinals.

At Wimbledon, na she be de 29th seed buh she loose insyd de first round to Melanie Oudin, 6–7, 0–6.

At Cincinnati, she defeat No. 13 seed Agnieszka Radwańska 6–0, 7–5 den second seed Serena Williams en-route 7–5, 6–4 (now 2–0 lifetime against am), wey she fall to No. 5 seed den eventual champion Janković.

At de US Open, as de 28th seed, na she loose insyd de first round to Maria Martinez Sanchez, 2–6, 6–4, 1–6.

2010–11

Bammer reach de second round at de Australian Open, wey she loose 2–6, 5–7 to Venus Williams. She reach semifinals at Kuala Lumpur buh she loose to top seed Elena Dementieva.

Bammer retire, after she play at de 2011 Gastein Ladies, ein last professional tournament.

She get a 2–0 head-to-head record against Serena Williams, wey make am one of de few players to win record against de Serena.

WTA career finals

Singles: 2 (2 titles)

Legend: Before 2009	Legend: Dey start insyd 2009
Grand Slam
Tier I	Premier Mandatory
Tier II	Premier 5
Tier III	Premier
Tier IV & V (1)	International (1)

Outcome	No.	Date	Tournament	Surface	Opponent	Score
Winner	1.	11 February 2007	Pattaya Open, Thailand	Hard	Gisela Dulko	7–5, 3–6, 7–5
Winner	2.	19 July 2009	Prague Open, Czech Republic	Clay	Francesca Schiavone	7–6(4), 6–2

ITF finals

Singles: 13 (9–4)

$50,000 tournaments

$25,000 tournaments

$10,000 tournaments

Singles: 13 (9–4)

Outcome	No.	Date	Tournament	Surface	Opponent	Score
Runner-up	1.	4 October 1998	ITF Caracas, Venezuela	Hard	Nataly Cahana	1–6, 6–3, 3–6
Runner-up	2.	17 October 1999	ITF Brisbane, Australia	Hard	Yi Jing-Qian	4–6, 1–6
Winner	1.	27 January 2002	ITF Grenoble, France	Hard	Virginie Pichet	6–4, 6–4
Winner	2.	2 June 2002	ITF Mostar, Bosnia and Herzegovina	Clay	Zuzana Kučová	2–6, 6–4, 7–5
Winner	3.	18 August 2002	ITF Innsbruck, Austria	Clay	Barbora Strýcová	6–2, 6–3
Runner-up	3.	5 October 2003	ITF Porto, Portugal	Clay	Séverine Beltrame	2–6, 3–6
Winner	4.	12 October 2003	ITF Jersey, Great Britain	Hard (i)	Sofia Arvidsson	7–6(1), 6–2
Winner	5.	19 October 2003	ITF Cardiff, Great Britain	Hard (i)	Irina Bulykina	6–0, 6–2
Winner	6.	2 November 2003	ITF Nottingham, Great Britain	Hard (i)	Kirsten Flipkens	6–4, 3–6, 6–2
Winner	7.	21 December 2003	ITF Valašské Meziříčí, Czech Republic	Hard	Lucie Šafářová	6–4, 6–1
Runner-up	4.	10 October 2004	ITF Glasgow, Great Britain	Hard (i)	Margit Rüütel	6–3, 1–6, 5–7
Winner	8.	26 June 2005	ITF Fontanafredda, Italy	Clay	Alice Canepa	7–6(3), 6–2
Winner	9.	21 August 2005	ITF Bronx, United States	Hard	Camille Pin	3–6, 6–4, 6–4

Doubles: 2 (1–1)

Outcome	No.	Date	Tournament	Surface	Partner	Opponents	Score
Runner-up	1.	5 May 2002	ITF Warsaw, Poland	Clay (i)	Isabella Mitterlehner	Iveta Gerlová Christiane Hoppmann	4–6, 2–6
Winner	1.	5 October 2003	ITF Porto, Portugal	Clay	Laura Dell'Angelo	Iveta Gerlová Marie-Ève Pelletier	6–3, 7–5

Grand Slam singles performance timeline

Key

W

F

SF

QF

#R

RR

Q#

DNQ

A

NH

(W) winner; (F) finalist; (SF) semifinalist; (QF) quarterfinalist; (#R) rounds 4, 3, 2, 1; (RR) round-robin stage; (Q#) qualification round; (DNQ) she no qualify; (A) absent; (NH) dem no hold; (SR) strike rate (events she win / she compete); (W–L) win–loss record.

Tournament	2005	2006	2007	2008	2009	2010	2011	W–L
Australian Open	A	3R	1R	2R	1R	2R	1R	4–6
French Open	A	1R	4R	1R	2R	2R	1R	5–6
Wimbledon	A	3R	2R	2R	1R	1R	1R	4–6
US Open	1R	2R	4R	QF	1R	2R	A	9–6
Win–loss	0–1	5–4	7–4	6–4	1–4	3–4	0–3	22–24

External links

• Sybille Bammer at the Women's Tennis Association
• Sybille Bammer at the International Tennis Federation
• Sybille Bammer at the Billie Jean King Cup (archived)
• Sybille Bammer at Wimbledon
• Sybille Bammer at ESPN.com
• Sybille Bammer at Olympedia
• Sybille Bammer at Olympics.com
• Sybille Bammer at Flashscore