Tabetha Kanengoni-Malinga

Tabetha Kanengoni-Malinga

human

Ein sex anaa gender	female
Ein country of citizenship	Zimbabwe
Family name	Malinga
Ein date of birth	23 August 1982
Place dem born am	Zimbabwe
Native language	Shona
Languages edey speak, rep anaa sign	English
Ein occupation	politician, minister
Position ehold	Member of the National Assembly of Zimbabwe
Educate for	University of Cape Town
Personal pronoun	L484

Tabetha Kanengoni-Malinga (wey dem born am 23 August 1982) be Zimbabwean businesswoman plus politician. From 2015 go 2018, she serve as Minister of State insyd de Office of de Second Vice-President of Zimbabwe, Phelekezela Mphoko. Before dat, from 2013 go 2015, she be Deputy Minister for Sports, Arts den Culture. She represent Mazowe Central as Member of Parliament from 2013 go 2018. She be member of ZANU–PF, den before she hold leadership positions insyd de party ein youth den women demma leagues.

Early life den education

Dem born Kanengoni-Malinga on 23 August 1982. Ein poppie, Elias Kanengoni, wey die insyd 2013, be former deputy director for de Central Intelligence Organisation. She finish ein O Levels den A Levels for Girls High School wey dey Harare. After she graduate, she go United States for short time under basketball scholarship. Na she sanso play give de Zimbabwe women ein national basketball team.

She go University of Cape Town wey dey South Africa, wey she graduate plus Bachelor of Social Science insyd Politics den Gender Studies. Later, she pursue master's degree for strategic management from Chinhoyi University of Technology, wey finally she graduate plus Master of Science for International Relations from University of Zimbabwe insyd 2016.

Political career

Kanengoni-Malinga first enter Zimbabwe politics after she graduate from University of Cape Town. Insyd 2008, dem elect am go ZANU–PF Provincial Youth Executive for Mashonaland Central Province, den de next year, she get vote as secretary for gender den culture for de party ein National Youth Executive. After dat, she get elect again as deputy secretary for health den child care, still insyd de National Youth Executive. Insyd 2014, she lef de Youth League go join de Women's League, wey she become secretary for external relations under Grace Mugabe.

Insyd de 2013 general election, Kanengoni-Malinga contest as ZANU–PF ein candidate for de National Assembly seat for Mazowe Central. She win am plus 10,823 votes (70%) wey beat Shepherd Mushonga from MDC–T wey get 3,998 votes den Zivanayi Chiweshe from MDC–N wey get 656 votes. After she enter Parliament, dem add am go President Robert Mugabe ein cabinet as Deputy Minister for Sports, Arts den Culture under Minister Andrew Langa. Dis ministry be new one, before den time, dem portfolios dey under Ministry of Education. She be 31 years old by den, wey make she one of de youngest people insyd parliament den cabinet. As deputy minister, she become known for how she fight corruption for Zimbabwe Football Association (ZIFA). She form one committee to investigate corruption inside ZIFA, wey uncover say de leaders mismanage den thief money.

Insyd 2015, dem appoint Kanengoni-Malinga as Minister of State insyd de Office of de Vice-President of Zimbabwe, wey dem assign am go Second Vice-President Phelekezela Mphoko. Her responsibility be say make she manage all de tasks wey President Mugabe give Vice-President Mphoko, plus make sure say all de ministries wey de vice-president dey supervise dey do demma work well.

Kanengoni-Malinga describe einself as one “pan-Africanist, plus small liberal feminism, but e no be radical.” She talk say she dey "driven" by two main things: to empower women and to "carry de national flag high everywhere wey I go."

Business career

Kanengoni-Malinga plus ein husband get plenty businesses apart from demma political careers. She get one soybean farm for Mazowe wey dey give work to over 100 people, den her husband get one mine for Filabusi plus e dey manage ein poppie ein company, Jabulani Safaris.

Ein life matter

Kanengoni-Malinga marry Mpehlabayo Joshua Malinga, wey be son of former Mayor of Bulawayo den ZANU–PF Politburo member Joshua Malinga. Kanengoni-Malinga come from Mashonaland Central Province, den her husband be from Bulawayo; dem meet for one ZANU–PF party conference insyd de capital, Harare. Her husband too dey involved for politics, as e serve before as secretary for external affairs for de party ein Youth League. Dem get four daughters—Nandipha, Unathi, Mbali, den Thando—and dem dey live for Borrowdale, wey be rich people ein area for Harare. She like to travel, cook, visit friends, watch DStv, plus follow basketball.