Tomilayo Adekanye

Tomilayo Adekanye

human

Ein sex anaa gender	female
Ein country of citizenship	Nigeria
Ein date of birth	2 September 1942
Native language	Yoruba
Languages edey speak, rep anaa sign	English, Yoruba, Nigerian Pidgin
Ein occupation	academic, economist, university teacher
Ein field of work	agricultural economics, science, technology, engineering, and mathematics

Tomilayo Adekanye be a Nigerian professor of agricultural economics. Na she be de first female professor for any agricultural-related field insyd Nigeria, den de first insyd agricultural economics insyd Africa.

Career

She commence ein university teaching career as staff member of Department of Agricultural Economics for Obafemi Awolowo University (then University of Ife) between 1966 den 1975. She move subsequently to University of Ibadan ein Department of Agricultural Economics, as Lecturer I (1975), wey she rise to de ranks of Senior Lecturer (1977), Associate Professor (Reader), den, insyd 1980, to de full position of Professor insyd 1983. Between 1990 den 1991, na she be de Commissioner for Trade and Investment insyd Oyo State. She sanso be a one-time commissioner of agriculture insyd de state.

Organizations den agencies plus wich na she previously consult for de international level dey include ECA, ILO, FAO, IFAD, UNDP, UNICEF, UNIFEM, den Ford Foundation.

Currently, she dey teach as lecturer for Babcock University. For 1984, she carry out anoda study wey cover women from all major ethnic groups for Nigeria. De findings from dis research wey dem call "Women in agriculture in Nigeria: Problems and policies for development" prove say: if women go benefit well from farming, government need put systems for place wey go give dem both proper education and money support.

Education den publications

For Google Scholar records, Adekanye ein most cited paper be di 1988 research wey take four years wey dem title "Women and Rural Poverty: Some Considerations From Nigeria". De study show say women farmers for Southwest Nigeria no dey get equal chance insyd agricultural system, wey dis dey make dem fall behind men for development matters.

Adekanye wrep important books like:

• Women in Agriculture in Nigeria (Addis, ECA, 1981)
• Women in Agriculture (Institute of African Studies, UI, 1988)
• Readings in Agricultural Marketing (Longman, 1988)
• African Women in Agriculture (CEGGAD, 2004)

She sanso contribute insyd 75 oda publications as chapters insyd books, articles insyd peer-reviewed den learned journals, den monographs den technical reports.

Ein life matter

She marry Bayo Adekanye, a professor of political science den chairmo of de governing council of Chrisland University.