Umrah
De Umrah (Arabic: عُمْرَة, lit. 'to visit a populated place') be an Islamic pilgrimage to Mecca, de holiest city for Muslims, wey dey locate insyd de Hejazi region of Saudi Arabia. E fi be undertaken at any time of de year, in contrast to de Ḥajj (/hædʒ/;[1] "pilgrimage"), whch get specific dates according to de Islamic lunar calendar. However, during de Hajj season (Dhu al-Hijjah), only those wey dey perform Hajj dem permit to perform Umrah, as per regulations set by de Saudi government to manage crowd control den ensure safety.
Rites den rituals
[edit | edit source]In accordance to Islam give both pilgrimages, a Muslim first for assume Ihram, a state of purification dem achieve by completing cleansing rituals, wearing de prescribed attire, den abstaining from certain actions. Dis for be attained wen reaching a Miqat, a principal boundary point insyd Mecca, like Dhu 'l-Hulaifah, Juhfah, Qarnu 'l-Manāzil, Yalamlam, Zāt-i-'Irq, Ibrahīm Mursīyah, anaa a place insyd Al-Hill. Different conditions dey exist give air travelers, wey dem for observe Ihram once dem enter a specific perimeter insyd de city.
Umrah dey require Muslims to perform two key rituals, Tawaf den Sa'i. Tawaf be a circling round de Kaaba seven times. Dis be followed by Sa'i, a walk between de hillocks of Safa and Marwah insyd de Great Mosque of Mecca to commemorate Hagar (Hājar) ein search for water give ein son, Ishmael (Ismāʿīl), den God ein mercy in answering ein prayers. Pilgrims dey conclude de pilgrimage plus Halq, a partial anaa complete shortening of de hair.
Umrah sam times be considered de "lesser pilgrimage", in dat e no be compulsory insyd all Islam schools of thought, buh be still highly recommended. E be mandatory according to de Hanbalis den according to de Shafi'is. E be generally able to be plete insyd a few hours, in comparison to Ḥajj, wich fi take a few days. E sanso no dey mean to be interpreted as a substitute give Hajj. However, both be demonstrations of de solidarity of de Muslim people, den dema submission to Allah (God).
History
[edit | edit source]According to de Muslim traditional accounts, access to de Holy Site (den thus de right to practice de Hajj den Umrah pilgrimages) no always be granted to Muslims. Dem report insyd de Muslim traditional accounts say thru out Muhammad ein era, na de Muslims want to establish de right to perform Umrah den Hajj to Mecca since de latter be prescribed by de Quran. During dat time, na Arab Pagans occupy Mecca wey dem use to worship idols insyd Mecca.[2][3]
Coronavirus closings
[edit | edit source]On 26 February 2020, Saudi Arabia suspend travel to de country for reasons related to de Umrah, secof concerns over de rapid spread of coronavirus.[4] After de reporting of de first case of coronavirus insyd Saudi Arabia, on 4 March 2020, de Riyadh government ban Umrah pilgrimage to de holy cities of Medina den Mecca for Saudi citizens, foreign visitors, den residents wey dey live insyd de kingdom.[5] On 10 August 2021, dem resume Umrah for pilgrims wey dey cam from around de world.[6]
References
[edit | edit source]- ↑ Hajj
- ↑ Hawting, G. E. (24 December 2009). "The Disappearance and Rediscovery of Zamzam and the 'Well of the Ka'ba'". Bulletin of the School of Oriental and African Studies. 43 (1): 44–54. doi:10.1017/S0041977X00110523. JSTOR 616125. S2CID 162654756.
- ↑ Islamic World, p. 20
- ↑ Davidson, Helen; Rawlinson, Kevin; Weaver, Matthew; Gayle, Damien (26 February 2020). "Trump puts Pence in charge of US virus response – as it happened". The Guardian.
- ↑ Ebrahim, Shahul H; Memish, Ziad A (April 2020). "Saudi Arabia's drastic measures to curb the COVID-19 outbreak: temporary suspension of the Umrah pilgrimage". Journal of Travel Medicine. 27 (3). doi:10.1093/jtm/taaa029. PMC 7107544. PMID 32109274.
- ↑ Fatima, Sakina (25 July 2021). "Saudi Arabia: International Umrah to resume from August 10". The Siasat Daily. Retrieved 9 August 2022.
External links
[edit | edit source]