United States of Africa

United States of Africa

proposed country, federation

Continent	Africa

Marcus Garvey insyd 1924

De United States of Africa be a concept of a federation of sam anaa all of de 54 sovereign states den two disputed states on de continent of Africa. Na de concept take ein origin from Marcus Garvey ein 1924 poem "Hail, United States of Africa". Na Kwame Nkrumah be de most prominent African political leader wey passionately champion de idea of a Union of African States plus a unified African Government, as na he envision an African government wey fi drive de continent forward.

Origins

Na dem compare de idea of a multinational unifying African state to various medieval African empires, wey dey include de Ethiopian Empire, de Ghana Empire, de Mali Empire, de Songhai Empire, de Benin Empire, de Kanem Empire den oda historic nation states. During de late 19th den early 20th century na de majority of African land be controlled by various European empires, plus de British dey control around 30 percent of de African population at ein peak.

Na de term "United States of Africa" be mentioned first by Marcus Garvey insyd ein poem Hail, United States of Africa insyd 1924. Na Garvey ein ideas den formation systems deeply influence former Africa leaders den de rebirth of de African Union.

Kwame Nkrumah proposal

Nkrumah plus Ernesto "Che" Guevara, January 1965

Between 1957 den 1966, na Kwame Nkrumah, de first Presido of Ghana, be a strong advocate for de creation of a Union of African States plus a Common African Government. Guide by Pan-African ideals, na Nkrumah believe dat for Africa to truly achieve independence den development, ein nations need to unite both politically den economically.

Na de All-African Peoples Conference, dem hold insyd Accra, Ghana insyd 1958, mark a significant moment insyd de history of Pan-Africanism. Organize by Nkrumah den George Padmore, a Trinidadian writer dem activist wey na Nkrumah appoint as ein Advisor on African Affairs, de conference gather representatives from across Africa den ein diaspora wey na ebe de first time such an event take place on African soil, wey dey make am a pivotal occasion give Nkrumah make he present ein ambitious vision: de creation of a United States of Africa.

However, na ein proposal face strong resistance from oda African leaders, wey fear losing dema sovereignty, as well as from Western powers, wey oppose am secof dema own vested interests.

2009–2011 proposals

Muammar al-Gaddafi insyd 2003

Insyd February 2009, upon na dem elect am chairmo of de 53-nation African Union insyd Ethiopia, na Muammar Gaddafi tell de assembled African leaders: "I shall continue to insist say wona sovereign countries work make we achieve de United States of Africa." Na de BBC report say na Gaddafi propose "a single African military force, a single currency den a single passport for Africans to move freely around de continent". Na oda African leaders state dem go study de proposal ein implications, den re-discuss am insyd May 2009.

Na de focus for developing de United States of Africa so far be on building subdivisions of Africa - dem fi see de proposed East African Federation as an example of dis. Na former Presido of Senegal, Abdoulaye Wade, indicate say de United States of Africa fi exist as early as 2017. Na de African Union, by contrast, set einself de task of building a "united den integrated" Africa by 2025. Na Gaddafi sanso indicate dat de proposed federation fi extend as far west as de Caribbean: Haiti, Jamaica, de Dominican Republic, de Bahamas den oda islands wey dey feature a large African diaspora, fi be invited make dem join.

Demographics

Na de proposed federation go get de largest total territory of any state, wey dey exceed de Russian Federation. Na e go sanso be de third most populous state after India den China, den plus a population wey dey speak an estimated 2,000 languages.