User:Ojoe99
Klefe
[edit | edit source]Klefe bi some small town insyd Ho Municipal District of de Volta Region of Ghana. Ibi insyd de southern part of de region. De town dey de top of a hill wey plenty trails dey for hiking.[1]De town get three communities wey dey there( 1st town-Achatime, 2nd town-Dome, 3rd town-Demete). Dis communities sana have demma own differences and similarities. Each community san get ein own chief and rulers wey dey manage demma affairs.
Location plus ein economy
[edit | edit source]Klefe bi lyk 2 kilometres west of Ho. When you go lyk 2.8 kilometres to ein south wey you go find Hoviefe. Akrofu and Agove villages too dey ein west, wey Ziavi bi de nearest village wey dey ein north. Klefe dey lyk 248 metres on top sea level wey huge deposits of sedimentary rocks dey there. That bi de reason for de name wey poeple dey use more times:"Stone city". Ibi de stone(flat stone/Schist) mining wey de youth wey dey live for de town use dey hold demma body lyk some secondary economic activity.De metamorphic rocks wey people dey use for tiling walls plus floors.[2]
History
[edit | edit source]Di people wey dey Klefe bi de first people wey settle for modern day Ho Bankoe but moved to de mountains sake of de marshy nature of de land. People believe sey dem migrate from Notsie wey dey modern-day Togo to run away from demma King,Togbe Agorkoli. The local people wey dem dey call as de 'Kleviawo'. Klefe people move plus de Aŋlɔ Klikor, Kpeve, Tsibu, Weta plus de Tsoxor people from Glime we dey Togo today. Demma name was called Zendoawo wey dem dey celebrate Glimezã every year in rotation. Kleviawo in de past be farmers wey dey produce plenty yam.Ibi de reason wey dem dey celebrate yam festival year after year in September plus other Eʋe people wey dey de area insyd to thank demma gods for de bumper harvest. De people of Klefe san dey plant plenty palm, cashew plus cocoa plantations. People wey dey neighbouring villages more times dey buy palmwine for demma occasions from Klefe. De three main villages wey make up de town be: Achatime, Dome plus Demete.Dis villages get demma names secof de circumstances wey happen as dem dey settle for de place. De 1st town if you dey drive from Ho used to be de place wey plenty cashew plants dey, that be de reason for de name Achiatime (simply put: insyd de cashew trees). Dome wey mean sey great valley plus Demete (ein meaning be: leaning against de mountains) de third town dey lie against the mountains.[2]