Vivian Jill Lawrence

Vivian Jill

human

Ein sex anaa gender	female
Ein country of citizenship	Ghana
Name wey dem give am	Vivian
Family name	Lawrence
Ein date of birth	1983
Place dem born am	Kano
Languages edey speak, rep anaa sign	Twi
Ein occupation	actor

Vivian Jill Lawrence (wey dem born am for September 11, 1983) be Ghanaian Kumawood actress den philanthropist. Na she make ein debut insyd de film Daakayee Asem wey she appear insyd chaw Ghanaian movies lyk Kayayo, Adom, Sekina, Red Card den others.

Ein Career

She be actress wey feature insyd chaw Ghanaian movies. She sanso encourage ein fellow actors den actresses make dem respect de public since dem be those wey promote dem give chaw producers make dem start dey feature dem insyd movies. Na sam woman diss am insyd bank secof de role she play insyd a movie " Kyeiwaa". Na de woman diss am secof she take de husby of anoda woman for dat movie insyd.

Apart from she be Kumawood actress, she sanso engage insyd charcoal business wer she always dey load a car full of charcoal to Tema while she dey follow am plus ein car from Kumasi to Tema.

Ein Life matter

Na dem born Lawrence for 11th September, 1983 insyd Kano, Nigeria to a Scottish poppie den a Ghanaian mommie. Lawrence return to Ghana wen na she be eight years, wer she plete ein primary den secondary education. She give birth to ein first son, Clinton wen na she be 15 years. Na she get anoda male kiddie dem call Alfie. According to Lawrence, na she say she never go spend any amount of money for de man wey she dey love top. Vivian Jill Lawrence marry ein fellow actor Don Kingsley Yamoah. Sam of dema colleague actors den actresses attend de wedding.

Lawrence get tattoo for ein right leg of wich she say she regret she get am wey she go try den clean am for ein skin top.

Ein Controversy

Mrs. Vivian Jill Lawrence dey oppose de allegations say chaw actresses dey engage insyd prostitution secof collapse of de Ghana movie industry. Na she say dat after an actor den producer, Kwame Borga say dat over 70 percent of Kumawood actresses now dey insyd prostitution. She say, "apart from acting some of us have things doing" wey she even say how she start dey load charcoal go Tema.

Ein Philanthropy

Mrs. Lawrence wey sana be de CEO of Jill Foundation build a house wey she furnish am for old woman for Bibiani Ayeresu insyd, wey dey locate insyd de Western North Region of Ghana.

Ein Filmography

She feature insyd de movies wey dey follow.

• Akurasi Burgers 3
• True Color
• Amanumuo Ben Ni
• Di Masem Mame
• Di Masem Mame 2
• Sika Sei Yonkoo
• Sika Sei Yonkoo 2
• Subrukutu Komfo
• You necessity Forgive
• Goldcoast Soldier
• Eye Mi Hu Sekina
• Rebecca