Volta River
| Mouth of the watercourse | Gulf of Guinea  |
|---|---|
| Tributary | Daka River, Black Volta, Todzie River |
| Lake for watercourse top | Lake Volta |
| Basin country | Ghana, Burkina Faso |
| Country | Ghana, Burkina Faso |
| Coordinate location | 8°38′55″N 0°58′57″W, 5°46′16″N 0°40′23″E, 5°46′26″N 0°40′19″E |
De Volta River (Akan: Asuo Firaw, Ewe: Amuga, French: Fleuve Volta) be de main river system insyd de West African country of Ghana. E dey flow south into Ghana from de Bobo-Dioulasso highlands of Burkina Faso.
De three main parts of de river be de Black Volta, de White Volta, den de Red Volta. Insyd de northwest, de Black Volta dey form de international borders of de Ivory Coast, Ghana, den Burkina Faso. De Volta dey flow southward along de Akwapim-Togoland highlands, den dey empty into de Atlantic Ocean at the Gulf of Guinea at Ada Foah. One of ein smaller tributaries, de Oti River, dey enter Ghana from Togo insyd de east. Dem dam de Volta River at Akosombo for generating hydroelectricity. Dem name de reservoir Lake Volta dey stretch from Akosombo Dam insyd de south to de northern part of de country, wey e be de largest man-made reservoir by area insyd de world.[1]
Na de country of Burkina Faso formerly be called Upper Volta, after de river.
De reservoir
[edit | edit source]Lake Volta be a reservoir wey de Akosombo Dam impound on de lower Volta River insyd southern Ghana. E be one of de largest reservoirs insyd de world. E dey extend from de Akosombo Dam insyd southeastern Ghana to de town of Yapei insyd de Central Gonja District, Northern Region of Ghana, sam 400 kilometres (250 mi) to de north.
De dam ein power plant dey generate electricity give tde Volta River Authority, wey de reservoir sanso dey provide water transport routes. E be a resource give irrigation den fish farming.
De depth of de river be about 45 feet (14 m) below Lake Volta. De Adome Bridge dey cross de Volta River just below de Akosombo Dam.
History
[edit | edit source]De Akwamu people wey once build a kingdom on both de east den west banks of de river wey dey span present day Ghana, Togo den Benin bell am Firaw. Dem get a deity dem dedicate to de river dem name Mfodwo.[2]
De Portuguese gold traders insyd Ghana name de Volta River. Na e be dema furthest extent of exploration before dem return (volta be Portuguese give "twist" anaa "turn").[3] Na e be known as de "River of return" (perhaps secof na e be wer ships turn around den head for home) anaa "river of de bend", in reference to ein curved course.[3][4]
Sanso spy
[edit | edit source]- Impacts of the Akosombo Hydroelectric Project — environmental and human health issues from the Akosombo Dam and Lake Volta.
References
[edit | edit source]- ↑ "Lake Volta, Ghana". Visible Earth. NASA. 7 April 2002. Retrieved 7 March 2018.
- ↑ Wissing, Kirsty (November 2019). "Assistance and resistance of (hydro-)power: Contested relationships of control over the Volta River, Ghana". Environment and Planning C: Politics and Space. 37 (7): 1167, 1169. doi:10.1177/0263774x18807482.
- 1 2 "volta | Search Online Etymology Dictionary". www.etymonline.com. Retrieved 2025-01-15.
- ↑ Wilks, Ivor (1997). "Wangara, Akan, and Portuguese in the Fifteenth and Sixteenth Centuries". In Bakewell, Peter (ed.). Mines of Silver and Gold in the Americas. Aldershot: Variorum, Ashgate Publishing Limited. p. 15.
External links
[edit | edit source]
| International | |
|---|---|
| National | |
| Other | |
