Vusi Khoza

Vusi Khoza

human

Ein sex anaa gender	male
Ein country of citizenship	South Africa
Name wey dem give am	Vusi
Family name	Khoza
Languages edey speak, rep anaa sign	English
Ein occupation	politician

Abednigo Vusumuzi Khoza be South African politician wey serve as member of de National Assembly of South Africa from February go October 2023. Before den, he serve for de KwaZulu-Natal Legislature from May 2014 to February 2023. Khoza be member of de Economic Freedom Fighters party.

Background

Wen he still be teenager, Khoza join de student Christian movement. He be shop steward for one trade union plus activist for de United Democratic Front. He join de African National Congress (ANC) for de 1980s. For 2011, dem appoint am as de provincial secretary for de new National Freedom Party (NFP).

But for November 2012, court find am guilty for public violence wey relate to one 2009 incident for Dr Yusuf Dadoo (Broad) Street for Albert Park, Durban, wey two foreign nationals die. That time, he be ANC ward councillor for Albert Park. Court give am three-year suspended sentence for public violence plus conspiracy to commit assault. Because of this conviction, Khoza comot from ein position as NFP provincial secretary.

Career insyd de EFF

Khoza join de Economic Freedom Fighters for 2013, den dem appoint am as de party ein provincial convenor. He be de EFF ein premier candidate for de 2014 general elections. As EFF win two seats, Khoza enter de KwaZulu-Natal Legislature.

Insyd 2018, dem elect am as de EFF provincial chairperson, den for 2019 he win ein seat again for de provincial legislature. But for 2022, he no fit win re-election as provincial chairperson—ein deputy, Mongezi Twala, take over.

Early 2023, Khoza resign from de provincial legislature as dem redeploy am go de National Assembly. Dem swear am in on 8 February 2023.

But later, he be one of four EFF MPs wey dem ban from de party ein 10th anniversary celebration for FNB Stadium on 29 July 2023, because dem no arrange transport for demma constituents. Then on 29 August 2023, de party “recall” am. Finally, on 20 October 2023, dem expel am from EFF, den he lose ein seat for Parliament.