William Ntoso

William Ntoso

human

Ein sex anaa gender	male
Name wey dem give am	William
Ein occupation	politician, teacher
Position ehold	Member of the 2nd Parliament of the 1st Republic of Ghana, Member of the 1st Parliament of the 1st Republic of Ghana
Religion anaa worldview	Christianity

William Ntoso be Ghanaian politician wey serve insyd Ghana Parliament from 1957 go reach 1966, as demma representative for Atebubu constituency.

Biography

William Ntoso be teacher den member of de National Liberation Movement. For de 1956 Gold Coast general election insyd, dem elect am go de Gold Coast Legislative Assembly as de representative for Atebubu constituency. For dat election, Ntoso get 2,970 votes, wey pass J. E. Buanya of de Convention People's Party (CPP) wey get 2,565 votes, plus de independent candidate J. G. Assare wey get 503 votes.

Wen Ghana gain ein independence for 1957, Ntoso continue dey represent de Atebubu constituency insyd Parliament of Ghana. Dat same year, de Ashanti Interim Regional Assembly appoint am join de Ashanti Police Relations Committee. By 1959, he join de United Party, den later inside dat same year, he serve as one of Ghana ein representatives go de Inter-Parliamentary Union. By 1962, he lef de United Party go join de Convention People's Party (CPP). For de 1965 Ghanaian parliamentary election inside, he get re-elected go parliament without opponent, sake of say CPP be de only legal party den demma central committee choose all de candidates.

During ein time for parliament insyd, Ntoso propose say make dem connect direct telephone lines go Atebubu, den he support de Ghana Police Service make dem fight prostitution.