Jump to content

Younousse Sèye

From Wikipedia
Younousse Sèye
human
Ein sex anaa genderfemale Edit
Ein country of citizenshipSenegal Edit
Ein date of birth1940 Edit
Place dem born amSaint-Louis Edit
Languages edey speak, rep anaa signFrench Edit
Ein occupationartist, actor Edit

Younousse Sèye (born 1940) be a Senegalese artist den actress. Na dem consider am Senegal ein first woman painter,[1] she be best known for ein mixed-media works wey dey incorporate cowrie shells.[2][3] She get no formal training insyd either visual art anaa acting, she achieve success insyd de post-independence Dakar art scene wey she appear insyd chaw major films by de Senegalese director Ousmane Sembène.

Early life

[edit | edit source]

Na dem born Younousse Sèye insyd 1940 insyd Saint-Louis, Senegal.[2] She begin dey paint as a teenager, wey she receive no formal training.[2][4] However, she learn sam techniques from ein mommie, wey na she be a fabric-dyer.[1][4] After she study stenography,[2] she marry wey she move go Dakar, wer na she work as a secretary wey she care give ein young family.[4]

Art

[edit | edit source]

Na Sèye be part of de first generation of Senegalese artists wey dey follow de country ein independence from France insyd 1960.[4]

Léopold Senghor den Félix Houphouët-Boigny na dem be among de high-profile collectors den supporters of ein work.[2][5] Na she work for public commissions give de offices of de Organisation of African Unity insyd Ethiopia den Léopold Sédar Senghor International Airport insyd Dakar, among odas.[2]

Insyd 2003, she co-found de nonprofit art collective Le Collectif Artistes Plasticiens.[2]

Sèye dey work insyd mixed media, wey dey combine oil painting plus embellishments, most notably cowrie shells.[2][3][6] While she sanso be known for ein marble carving, she be best known for ein "clever and sustained use" of dese shells, wey dey explore dema persistent symbolic weight as part of a pan-African visual vocabulary, wey dey symbolize everytin from currency to womanhood.[2][4][7] Ein work dey frequently deal plus gender,[2] wey na she long be an advocate give women's participation insyd society, dey push ein patron Presido Senghor make he include women insyd ein government.[1][4]

Ein work dey incorporate elements of Négritude den Pan-Africanism, buh plus a critical distance.[4] However, na dem consider am notable for de time for ein style "free of the influence of the French classic tradition."[5]

Na ein position as a successful female artist insyd de Dakar art world insyd dis period be unique, wey na dem describe am as Senegal ein first woman painter.[1][8] Early insyd ein career, na she often be de woman per dem include insyd major exhibitions.[4][7]

Acting

[edit | edit source]

Sèye sanso be an actress, although she receive no formal training insyd acting. She begin dey act insyd films as a young woman, wey she go on go play chaw strong female roles.[2]

She be best known for ein appearances insyd chaw films by de Senegalese director Ousmane Sembène.[2] She debut insyd Mandabi, ein first Wolof-language film, insyd 1968.[1][4] She then portray Aram insyd Xala insyd 1974, plus de film wey receive significant international recognition.[2][9]

Decades later, insyd 2000, she san collaborate plus Sembène, wey she play de lead role insyd Faat Kiné under de stage name Venus Seye.[2][9]

References

[edit | edit source]
  1. ↑ 1.0 1.1 1.2 1.3 1.4 "Portrait: Younousse Sèye, une histoire Sénégalaise des arts plastiques". SenXibar.com (in French). 14 March 2018. Retrieved 22 March 2021.
  2. ↑ 2.00 2.01 2.02 2.03 2.04 2.05 2.06 2.07 2.08 2.09 2.10 2.11 2.12 2.13 Harney, Elisabeth (2011). "Seye, Younouss". Dictionary of African biography. Emmanuel Kwaku Akyeampong, Henry Louis, Jr. Gates. Oxford: Oxford University Press. ISBN 978-0-19-985725-8. OCLC 767838646.
  3. ↑ 3.0 3.1 Deliss, Clementine (June 1993). "The Dakar Biennale 92: Where internationalism falls apart". Third Text (in English). 7 (23): 136–141. doi:10.1080/09528829308576427. ISSN 0952-8822.
  4. ↑ 4.0 4.1 4.2 4.3 4.4 4.5 4.6 4.7 4.8 Rottenburg, Judith (15 December 2018). "Younousse Seye: The Making of a Pan-African Woman Artist in Post-Independence Senegal". AWARE Women artists / Femmes artistes (in American English). Retrieved 22 March 2021.
  5. ↑ 5.0 5.1 Johnson, Thomas A. (23 April 1973). "A New, Black Art Develops in Senegal". The New York Times (in American English). ISSN 0362-4331. Retrieved 22 March 2021.
  6. ↑ Gordon, Eugene (1974). Senegal in pictures. New York: Sterling Pub. Co. ISBN 0-8069-1184-0. OCLC 1032106.
  7. ↑ 7.0 7.1 Lewis, Jo Ann (22 February 1980). "Heritage Rewoven". The Washington Post. Retrieved 22 March 2021.
  8. ↑ Younousse Seye: première femme peintre sénégalaise (in French). Imprimerie Tandian Yoff. 1996.
  9. ↑ 9.0 9.1 Stefanson, Blandine; Petty, Sheila (2014). Directory of World Cinema Africa: Directory of World Cinema Africa (in English). Intellect Books. ISBN 978-1-78320-391-8.
Dem retrieve am from "https://gpe.wikipedia.org/w/index.php?title=Younousse_Sèye&oldid=48810"