Alex Wubbels

Alex Wubbels

human

Ein sex anaa gender	female
Country wey e be citizen	United States
Birth name	Alexandra Shaffer
Name wey dem give am	Alexandra
Family name	Wubbels
Ein date of birth	23 January 1976
Place dem born am	Aspen
Ein occupation	alpine skier, nurse
Sport	alpine skiing
Participant insyd	1998 Winter Olympics, 2002 Winter Olympics

Alexandra Luise Wubbels (née Shaffer; born January 23, 1976) be American nurse den former Olympian. As alpine ski competitor, na she be de national champion insyd both de slalom den giant slalom insyd 1999, wey she compete insyd de 1998 den 2002 Winter Olympics as Alex Shaffer.

Insyd July 2017, na she be involved insyd incident during wich she prevent police from unlawfully obtaining blood from unconscious patient for ein care.

Early life

Wubbels graduate from Salt Lake City ein non-profit, Rowland K-12 school insyd 1994, wey she participate insyd de Rowmark Ski Academy. She earn nursing degree from de University of Utah.

Career

Olympic skier

She compete insyd de alpine skiing events for de 1998 Winter Olympics dem hold insyd Nagano, Japan. Alex Shaffer fini 9th insyd de women's combined wey she no fini insyd de women's giant slalom. She sanso compete insyd de Alpine skiing events for de 2002 Winter Olympics dem hold insyd Salt Lake City, Utah, wer na she fini 28th insyd de women's giant slalom.

Alex Wubbels

Medal record
Women's alpine skiing
United States Alpine Championship
	1999 Park City	Giant slalom
	1999 Park City	Slalom

Nurse

According to Wubbels, sports psychologist encourage am make she go into nursing after dem match ein personality plus de profession. Wubbels begin dey job as nurse for de University of Utah Hospital insyd Salt Lake City insyd 2009.

For July 26, 2017, na dem unlawfully arrest am for "obstructing justice" while for duty as nurse for de University of Utah Hospital insyd Salt Lake City. Na dem later make de incident public via de officers dema body cameras. De officer wey dey arrest, detective Jeff Payne of de Salt Lake City Police Department, demand say make dem draw blood from unconscious patient, buh Wubbels state say if dem do dat go be violation of hospital policy, wich require say de patient be under arrest, anaa dem give consent, anaa say na de police be in possession of warrant (either printed copy anaa electronic one). Na de patient be de victim insyd car crash wey e no be under arrest, buh na ebe unconscious den der for unable make e consent, den de police no obtain warrant. She follow hospital policy wey she refuse make she allow de officer make he draw blood, wey de arresting officers proceed make dem forcibly put am for handcuffs insyd den into de front passenger seat of dema cruiser. De year-old hospital policy wey relate to blood draws dey reflect de legal position insyd de Health Insurance Portability and Accountability Act (HIPAA), as well as de Supreme Court of de United States' dey rule insyd Birchfield v. North Dakota wey na de police department agree.

Na dem later release Wubbels widout charge. Na dem fire de arresting officer for October 10, weu na dem demote ein supervisor two ranks from Lieutenant to Officer. For October 31, 2017, Wubbels den ein attorney announce say Salt Lake City den de University of Utah agree make dem settle de incident for $500,000. She say part of ein settlement go go toward efforts gear to make dem make body cam footage more accessible to de public. Na de incident be one of de reasons Medscape put Wubbels for ein list of de best physicians top insyd 2017.

Ein life matter

Insyd June 2014 Shaffer marry fellow skier Cory Wubbels. He be former All-American Nordic skier wey compete give Northern Michigan University wey he be guitar player, carpenter den master ski technician. Na dem get dema first kiddie insyd December 2014.