Ardhi University

Ardhi University

university

Year dem found am	2007
Country	Tanzania
Edey de administrative territorial entity insyd	Dar es Salaam
Coordinate location	6°45′53″S 39°12′51″E
Member of	Consortium of Tanzania University and Research Libraries, Association of African Universities
Dema official website	http://aru.ac.tz

Ardhi University sanso know am as ARU (Chuo Kikuu cha Ardhi, insyd Swahili) be public varsity wey dey locate insyd Makongo insyd Kinondoni District of Dar es Salaam Region, Tanzania. Na dem establish am for 28 March 2007, though e dey offer training for more dan 60 years for different status insyd. Edey situate for Observation Hill top close to University of Dar es Salaam, wich na ebe constituent college from 1996 to 2007, wen na dem know am as University College of Lands and Architectural Studies—UCLAS. Prior ebe part of University of Dar es Salaam, na dem know Ardhi University as Ardhi Institute plus history wey dey extend to mid-1950s.

Today, academic activities at de university dey generate insyd four schools wey dey follow:

1. School of Architecture, Construction Economics and Management (SACEM)

2. School of Earth Sciences, Real Estates, Business and Informatics (SERBI)

3. School of Environmental Science and Technology (SEST)

4. School of Spatial Planning and Social Science (SSPSS)

De number of academic staff plus doctoral degrees increase from three insyd 1996 go 43 insyd 2008.

History

Na dem establish de varsity under University Act No 7 of 2005, wey e cam into being after de signing of Ardhi University Charter by de Presido of United Republic of Tanzania, Jakaya Kikwete for 28 March 2007. De roots of Ardhi University fi be trace back to pre-independence days wen Surveying Training School wey dey offer technician certificate courses insyd land surveying wey na dem establish am insyd Dar es Salaam.

Insyd 1974, na dem change de name to Ardhi Institute den ein range of courses expand make e include building design den building economics. For de early 1980s insyd, na dem introduce de public health engineering course (later dem rename am ‘environmental engineering’). Insyd 1996 de Ardhi Institute cam turn constituent college of de University of Dar es Salaam, wey ten years later dem grant am autonomy as Ardhi University. During de decade of association plus de University of Dar es Salaam, de Ardhi Institute grow dramatically: de number of academic programmes for offer increase from six go 39, while de number of students grow from 400 to 1,400.

Insyd 1979, na dem establish de Centre for Housing Studies as joint project between de governments of Tanzania den de Netherlands. De centre now grow into de Institute of Human Settlement Studies, wey dey involve insyd de ‘regularisation of informal settlements’, plus wich Dar es Salaam be plentifully endow.

Academics

De varsity currently dey offer undergraduate den postgraduate degrees for de schools wey dey follow schools den institution:

• School of Architecture, Construction Economics den Management (SACEM)
• School of Earth Sciences, Real Estates, Business den Informatics (SERBI)
• School of Environmental Science den Technology (SEST)
• School of Spatial Planning den Social Science (SSPSS)
• Institute of Human Settlement Studies (IHSS)