Bachata (dance)
| Subclass of | social dance  |
|---|---|
| Country | Dominican Republic |
| Country of origin | Dominican Republic |
| Intangible cultural heritage status | Representative List of the Intangible Cultural Heritage of Humanity |
| Described at URL | https://ich.unesco.org/en/RL/01514, https://ich.unesco.org/fr/RL/01514, https://ich.unesco.org/es/RL/01514 |
Bachata be sam style of social dance from de Dominican Republic wey dem now dey dance all ova de world. Edey connect plus bachata music.
Ein Description[edit | edit source]
Bachata be sam social couple dance plus sam lead den follow wey you go fi perform am for open place, semi-closed anaa closed position. De basic step dey involve sam eight-count side-go-side movement, plus chaw variations den styles wey you go fi add. For counts 4 den 8 top, bachata dey include sam exaggerated hip check wey dey give am sam characteristic look wey edey differentiate am from bolero anaa son dancing.[1] Edey count 1 go 3 dey move go de lead ein left, wey edey start plus de left foot, wey edey count 5 go 7 dey move go de lead ein right, wey edey start plus de right foot. You go fi perform hip check as sam tap anaa slight lift of de foot give beginners.[2]
De basic dance sequence go fi incorporate turns den hand movements from oda ballroom dances like salsa anaa cha-cha.[1]
Ein History[edit | edit source]
From de late 1990s insyd, dancers for de Western world insyd start dey create novel dance forms wey bachata music inspire am. De most well-known example of dis be de made-up basic step wey dem commonly dey refer as de "side-to-side step", wey samtyms dem dey accompany am plus sam exaggerated "pop” of de hips for de tap tym insyd. Na dem mostly dey create dese novel western dance forms from dance moves from oda partner dances of various origins, Latin den non-Latin alike. Many such dances still dey exist today, plus de first of dese wey dem often dey refer as “Western side basic step”.[2]
Ein Variants[edit | edit source]
Western "traditional"[edit | edit source]
For sam point for de late 1990s insyd, dancers den dance schools for de Western world insyd start dey use side-to-side pattern instead of de box steps. De basic steps of dis pattern dey move side go side, wey edet change direction afta every tap. Characteristics of dis "early" dance school dance be de close connection between partners, soft hip movements, tap plus sam small "pop" of de hip for de 4th step top (1, 2, 3, tap/hip), wey eno dey include chaw turns/figures. Most of de styling for dis dance insyd be from ballroom dance wey dem commonly dey use show moves like dips. Na dis be de first novel dance give bachata music wey dance schools wey dey outsyd de Dominican Republic popularize am.
Bachatango[edit | edit source]
Main article: Bachatango
Dem shortly develop anoda dance afta d western "traditional" wey dem bell am Bachatango.[3] Dis be sam fusion dance from Turin, Italy, wey edey consist of short sequences wey dem take from western "traditional" steps wey dem combine plus different Tango steps wey dem dey dance like tango. Dem dey use de "pop" count add sensuality wey dem elaborate den Latin ballroom dance styles wey dey vary wey esana dey nclude de characteristic kicks from tango. De turns be like for de "western traditional" dance insyd. Although for de past insyd, na dem dey dance dis dance exclusively plus bachata music, Dem recently dey dance am plus tango music as well. Even though dem dey unhear bachatango for de Dominican Republic insyd, bachata ein country of origin, de dance enjoy sam period of popularity among foreign dance instructors outsyd de Caribbean. Still, nowadays dem often no dey see dance for de social dance floors top.
Bachata fusion[edit | edit source]
Mexico dancer[4] Carlos Espinosa[5] develop sam dance from around 2005 insyd for de "western traditional" basic elements top. De basics be same as de "western traditional" dance, but plus dance elements wey dem add den styling from Brazilian Zouk, Salsa, tango den garifieira samba ballroom. For dis dance insyd,[6] couples typically dey move from demma torsos more den greatly dey exaggerate (especially de ladies). De most direct influence for de modern/moderna dance dey cam from de adoption of salsa turn patterns; dese, togeda plus dips cam turn de core of de dance.
Sensual[edit | edit source]
Ebe Korke Escalona den Judith Cordero wey create Sensual dance style for Cádiz, Andalusia, Spain.[7][8][9][10]
Korke be de creator of de BachataStars competition, wey participants get sam random song wey dey show ability say ego improvise, while edey show demma dance skills den musicality.
Ballroom style[edit | edit source]
Ballroom style be yet anoda dance wey dem develop for West, primarily give dance competitions rather than social dancing, plus very extreme hip movements den much ballroom dance styling. De basic step be based for western "traditional" dance top.
Other styles[edit | edit source]
Oda Western dances dey, wey ebe different teachers wey dey around de world wey dey pioneer den promote am, each plus ein own distinct flair. Whether dem dey consider dese as completely different styles anaa simply variations of de main styles above, teachers den students alike often dey argue about am.
Notes[edit | edit source]
- ↑ 1.0 1.1 Sellers 2014.
- ↑ 2.0 2.1 Sowell 2014.
- ↑ "Bachatango".
- ↑ "Carlos Espinosa Bachata - Latina Break". latinabreak.e-monsite.com (in French). Retrieved 26 January 2023.
- ↑ "Carlos Espinosa Bachata - Latina Break". latinabreak.e-monsite.com (in French). Retrieved 26 January 2023.
- ↑ "Todo listo para que Salamanca Bachata Festival reabra sus puertas del 2 al 4 de diciembre ✔️" (in Spanish). 29 November 2022. Retrieved 26 January 2023.
- ↑ "Bailarines y maestros internacionales de bachata en Comodoro". Diariocronica.com.ar. Archived from the original on 5 March 2016. Retrieved 20 September 2015.
- ↑ "Cádiz, escaparate de la Bachata en el campeonato internacional". Diariodecadiz.es. 27 October 2012. Retrieved 20 September 2015.
- ↑ "Soñar con los pies". Diariodecadiz.es. 10 August 2011. Retrieved 20 September 2015.
- ↑ "Salsa Liveband auf der Salsanight im G6 |". Neumarkt-tv.de. Archived from the original on 4 March 2016. Retrieved 20 September 2015.