Everlyn Nicodemus

Everlyn Nicodemus

human

Ein sex anaa gender	female
Name wey dem give am	Everlyn
Family name	Nicodemus
Ein date of birth	1954
Place dem born am	Kilimanjaro
Languages edey speak, rep anaa sign	English, Swahili
Ein occupation	visual artist, poet, art historian, curator, writer

Everlyn Nicodemus be Tanzanian-born artist, writer, den curator, wey dey base insyd Edinburgh, Scotland.

Early life den career

Nicodemus initially enrol insyd teacher training school, buh she elope make she marry a Swedish economist wey dey work insyd Tanzania. De pair move go Sweden insyd 1973, wer, na influence by ein experiences of everyday racism, she enrol insyd Stockholm University insyd 1978 make she study social anthropology.

While back insyd Tanzania dey do fieldwork, Nicodemus start dey make art for response to ein discomfort plus anthropology. Dis quickly lead to a solo exhibition of paintings den poems at de National Museum of Tanzania insyd Dar es Salaam insyd 1980.

After she divorce ein first husby, Nicodemus marry Kristian Romare, a Swedish art historian, plus whom she move go Edinburgh insyd 2008.

Ein work dey include paintings, collages, mixed-media assemblages, den poetry, wey na ebe informed by racism, trauma, PTSD, den recovery. She plete ein PhD for African Modern Art and Black Cultural Trauma at Middlesex University insyd 2012.

Nicodemus win de Freelands Foundation Award insyd 2022, wich support de first retrospective of ein work, at de National Galleries of Scotland, from September 2024 to May 2025. Na dem acquire ein painting Självporträtt, Åkersberga by de National Portrait Gallery, London insyd 2022, wey e cam turn de first painted self-portrait by a black female artist insyd de gallery ein collection.