Jump to content

Festivity of Saint Blaise, the patron of Dubrovnik

From Wikipedia
Festivity of Saint Blaise, the patron of Dubrovnik
Country of originCroatia Edit
Intangible cultural heritage statusRepresentative List of the Intangible Cultural Heritage of Humanity Edit
Dema official websitehttps://festa.hr Edit
Described at URLhttps://ich.unesco.org/en/RL/00232, https://ich.unesco.org/fr/RL/00232, https://ich.unesco.org/es/RL/00232 Edit

Festivity of Saint Blaise, de patron of Dubrovnik (Croatian: Festa Svetog Vlaha, zaštitnika Dubrovnika) be festivity dem organize for February 3 continuously since de year 972 AD for de City of Dubrovnik, Croatia for de occasion of de celebration of Saint Blaise ein day. Dem dey base de festivity for de legend of de appearance of St. Blaise, wey na he help de people of Dubrovnik make dem defend dema town against de Republic of Venice. Chaw people dey attend am, wey dey include residents of de city, areas wey dey surround am, oda parts of Croatia, den neighboring countries, tourists, den representatives of state den local authorities of de Roman Catholic Church.[1] UNESCO Intangible Cultural Heritage recognize am insyd 2009.[2][3]

De Croatian Ministry of Culture dey describe de festivity plus dese words: "Besyds de spiritual significance, Festivity in particular dey form social relations den rules as well as de quality of government. Dem mark de whole culture of de Festivity as expression of worship of saint den partly natural area of de City den area wey dey surround, den thru de participation of individuals den groups from oda places for de country insyd as well as dose from neighboring countries, dey encourage intercultural dialogue.[4]

Legend[edit | edit source]

Afta Avars den Slavic invaders destroy de ancient Greek colony Epidaurum for de 7th century,[5] refugees wey komot Epidaurus flee go de nearby island, Laas anaa Laus, (wey dey mean "stone" for Greek insyd),[6] from wey Ragusa evolve go Dubrovnik.[7] Immediately afta de new settlement begin to develop, greedy neighbors cam turn envious of am wey dem begin dey look for chances make dem destroy am. Legend dey claim say, while for dema way dey go de Levant for de year 972 insyd de Venetians, anchor dema body near Gruž den Lokrum under de pretense of dem dey restock cho, while na dema real intention be say dem wan conquer Dubrovnik. Saint Blaise appear to de priest Stojko while na he dey pray for de Church of St. Stephen insyd, wey dem order am make he flow de Dubrovnik Senate about de real intentions of de Venetians so say de Senate fi prepare defense. De people of Dubrovnik manage make dem prepare dema defense, thus dey force de Venetians make dem retreat. Make dem thank St. Blase, de people of Dubrovnik decide make dem declare am Dubrovnik ein main patron saint instead of de previous Sergius den Bacchus.[8]

Description[edit | edit source]

Na dem first celebrate de Festivity of St. Blaise for de year 972 insyd wey na ebe feast give all de inhabitants of de Dubrovnik Republic. Make dem allow everybro participate, dem introduce de so-called "Sloboština of St. Blaise". Na ebe de tym period during which dem go fi set free every offender, convict, den exile for de City insyd for two days before den two days afta de Festivity, while no bro go fi hold am accountable. Later nu dem expand Sloboština go seven days before den seven days afta de Festivity.[9] Na dem dey hug for de City insyd de entire Republic of Dubrovnik give de Festivity. Those wey dem no go fi celebrate for home plus dema church banners den de national costume. Dem go thank St. Blaise for ein protection for de past insyd den recommend dema body, den dema families, for ein protection insyd de future.

References[edit | edit source]

  1. "Saint Blaise festivity - Dubrovnik's Day". Tzdubrovnik.hr. Retrieved 2016-02-24.
  2. "Festivity of Saint Blaise, the patron of Dubrovnik - intangible heritage - Culture Sector". UNESCO. 2015-11-30. Retrieved 2016-02-24.
  3. "Festa sv. Vlaha". registar.kulturnadobra.hr (in Croatian). Retrieved 2022-11-05.
  4. "Ministarstvo kulture Republike Hrvatske - KULTURNA BAŠTINA - Nematerijalna kulturna baština - Nematerijalna dobra upisana na UNESCO Reprezentativnu listu nematerijalne kulturne baštine čovječanstva - FESTA SVETOGA VLAHA, ZAŠTITNIKA DUBROVNIKA". Min-kulture.hr. Archived from the original on 2020-04-22. Retrieved 2016-02-24.
  5. Researches on the Danube and the Adriatic by Andrew Archibald Paton (1861). Contributions to the Modern History of Hungary and Transylvania, Dalmatia and Croatia, Servia and Bulgaria- page 247
  6. "Henry George Liddell, Robert Scott, A Greek-English Lexicon, λ , λ , λᾶας". www.perseus.tufts.edu. Retrieved 2022-11-05.
  7. Wilkinson, John Gardner (1848). Dalmatia and Montenegro. J. Murray. ISBN 978-0-405-02778-9.
  8. "U susret sv. Vlahu, parcu Dubrovnika". 2 February 2013.
  9. "Hrvatska kulturna baština - Festa svetog Vlaha - Znanje". Kroativ.at (in Croatian). Retrieved 2016-02-24.