Ganggangsullae
| Subclass of | Korean dance  |
|---|---|
| Native label | 강강술래, 강강수월래 |
| Country | South Korea |
| Country of origin | South Korea, North Korea |
| Intangible cultural heritage status | National Intangible Cultural Heritage in South Korea, Representative List of the Intangible Cultural Heritage of Humanity |
| Described at URL | https://ich.unesco.org/en/RL/00188, https://ich.unesco.org/fr/RL/00188, https://ich.unesco.org/es/RL/00188, https://english.cha.go.kr/chaen/search/selectGeneralSearchDetail.do?mn=EN_02_02&sCcebKdcd=17&ccebAsno=00080000&sCcebCtcd=36&pageIndex=1&ccebKdcd=17&ccebCtcd=, https://www.heritage.go.kr/heri/cul/culSelectDetail.do?ccbaCpno=1273600080000 |
Ganggangsullae (Hangul: 강강술래) be sam ancient Korean dance wey dem first use bring about sam bountiful harvest wey e develop go sam cultural symbol for Korea. Edey incorporate singing, dancing, den playing wey ebe shoddies wey dey perform am exclusively.[1] Dem mostly dey perform de dance for southwestern coastal province of Jeollanam-do insyd.[1][2] Ebe often associated plus de Chuseok holiday den Daeboreum.[1] Dem dey dance all night wey dem dey continue dey play folk games for circles insyd.[3] De performance dey start plus sam late Ganggangsullae den ego change go sam 'Jajeun-Ganggangsullae', wey dem dey characterize am plus de most beautiful den feminine charms of late Ganggangsullae, den 'Jung-Ganggangsullae" only for Haenam den Jindo provinces insyd.
Dem register de dance as UNESCO ein intangible cultural heritage from Korea for 2009 insyd.[4]
Ein Etymology
[edit | edit source]De etymology of Ganggangsullae no be clear, however dem dey guess de term ein origins by say dem go interpret de name for either indigenous Korean anaa Hanja characters insyd.
Sam menners dey theorize say dem derive de term from de indigenous Korean words, wey 'Gang' of Ganggangsullae dey mean circle den 'sullae', wey dem derive from de words 'sunu' anaa 'sulla', wey dey mean sam wagon anaa you go alert. For combination insyd, de term dey mean say you go wagon anaa alert around for circle insyd.
Odas dey suggest say na de word Ganggangsullae be sam hanja phrase wey dey mean "sam powerful barbarian dey cam invade wonna country - a powerful barbarian is going to invade our country", na ebe chant wey go make de public aware of enemy invaders.
Ein History
[edit | edit source]Ein Beginning
[edit | edit source]Dem dey think say dem originate de dance for ancient tyms insyd as de Koreans believe say Sun, Moon, den Earth wey dey control de universe. Participants go dance for de brightest full moon of de year ein undes so say ego bring about sam good harvest. Dem hold Ganggangsullae for Korea ein most famous festivals like New Year's Day, Daeboreum, Dano, den Chuseok, wey na ebe de largest for Chuseok. So, Ganggangsullae cam turn sam popular event for Chuseok top. For de evening of Chuseok top, dozens of young farming women dey dance plus dem hands wey dem hold together, singing den dancing.[5]
Feature of Korea ein traditional society
[edit | edit source]Na Korea ein traditional society be male-dominated society, wey na dem no dey allow young shoddies say dem go sing loudly anaa say dem go go out for gbɛkɛ insyd. But na dem dey allow shoddies say dem go sing den dance by say dem go do “ganggangsullae” gbɛkɛ insyd den give vent for demma frustration for Chuseok insyd. Shoddies go fi enjoy de atmosphere free from normal restrictions for de festival tym insyd.
How you go fi Perform Ganggangsullae
[edit | edit source]Wonmu
[edit | edit source]Ebe de main action of Ganggangsullae, wey be say you go spin counterclockwise.
Holding hands den Walking
[edit | edit source]If you dey hold hands plus each oda, de back of de right hand for dey above, wey de palm of de left hand for dey above. If you dey walk, de heel for dey de ground first.
Running
[edit | edit source]Menners wey dey do 'running' for run faster than 'walking'. Dem for no open demma legs very much, wey dem for raise demma knees while dem dey run.
Gatekeeper Play
[edit | edit source]Except d first two-person, dem dey make line so say dem go be ready say dem go go through de gate. De first den second person dey make de gate, wey de right next person wey go through de gate dey make de gate, while de person wey make de gate dey return go de line.
Stomping Roof Tile
[edit | edit source]Except three menners, dem dey stand for sam line insyd wey dem dey lower demma heads. One person dey stand for demma waist top den start dey walk for demma top. De oda two menners dey hold ein hands so she no go fall down.
Regional aspect of Ganggangsullae
[edit | edit source]Dem often dey hand down Ganggangsullae as sam frame plus Ganggangsullae, wey dey dey hand down independently, wey dey depend for de region top. For dis way insyd, de patterns of existence of Ganggangsulrae dey vary wey dey depend for de area top, den de meaning wey dem take give Ganggangsulla.
References
[edit | edit source]- ↑ 1.0 1.1 1.2 I-hwa Yi (2006). Korea's pastimes and customs: a social history. Homa & Sekey Books. pp. 79–92. ISBN 978-1-931907-38-5. Retrieved 25 July 2011.
- ↑ "Ganggangsullae Dance". Archived from the original on 2011-06-13.
- ↑ "강강술래". terms.naver.com (insyd Korean). Retrieved 2021-05-02.
- ↑ "Ganggangsullae". UNESCO.
- ↑ "강강술래 | 유네스코와 유산". heritage.unesco.or.kr (insyd Korean). Retrieved 2017-12-01.